25-12-2018, 03:17 PM
|
| |
 شاعر الخليج الأول - حامد زيد الشاعر الكويتي المميز مقتطفات من بعض قصائده
شاعر الخليج الأول - حامد زيد الشاعر الكويتي المميز
مقتطفات من بعض قصائده
جابك الله من غياب ضيّـق صـدور المبانـي
قبل لا الوحشه تزعزع بيتك الصلـب وتبيـده
بيتك اللي من رحلـت وكـل جدرانـه تعانـي
ماتحمـل ينتظـر شهريـن وعيونـك بعيـده
الله العالـم لـو إنـك جيـت متأخـر ثوانـي
ماتشوف إلا بقايا مـن حصـاه ومـن حديـده
——————————
واعيني اللي كل ما ذعذع من الغربي هبوب
يحلا لها لون الغروب اللي يذوب قبالها
وياويل حالي كل مايحلا لها لون الغروب
تطري لي الريم اللعوب وسالفة ترحالها
وياجرِِّ قلبي كل ماتطري لي الريم اللعوب
حرمت أمد ايدي على حاجه وأنا ماأقوى لها
—————————————
امي وانا بوصف لهـا زود حبهـا
وان ماحكيت لها قصيـدي حكالهـا
امي لها بالقلـب والجـوف منزلـه
مكانـة ماكـل محـبـوب نالـهـا
اقرب من ظلالي وانا وسط غربتي
وانا تراي اقرب لها مـن ظلالهـا
ماشافت اعيوني من الناس غيرهـا
ولا خلـق رب الخلايـق مثالـهـا
—————————————-
|..
على ذاك الطريق اللي يسمونه غرام أحباب
وطت رجلي على دربه ولا أدري وش نوى فيني
تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني
لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني
صدفتك معجبه فيني وياليت .. الغرام : اعجاب
وتراك انتي الهنوف اللي هقيتك تستحقيني
عطيتك عشق من قلبي .. وسلمت لغلاك رقاب
وغيرك يحترق قلبه ولا يقدر يحاكيني
———————————
|..
سافرت ضيّ المدينه واسلبت روحي بلاهـا
أهجرتني وهجفتنـي تايـه مضيّـع دليلـه
هزّت ركون المباني... حسبي الله من جفاها
فرحةٍ جيت أحتضنها واثرها منـي جليلـه
ماهقيت ان القمر يعشق من الدنيـا حلاهـا
لين هوّن من سماه أليا طرا العالـم رحيلـه
————————-
|.
بمشي على درب له الناس يسعون
واصد عن درب الدجي والعتامة
وبقصر اليسرة عن الضيم والهون
وطلق يميني للصخا والكرامة
وبحترم نفسي وانا شخص ممنون
ومن يحترم نفسة وجوب احترامه
——————————-
|.
من عرفت العلم وانتي يالليالي سرمديه
والوصول أغلى طموحات الفتى بأول شبابه
والمهابه ماتهادت غير لنفوسٍ رديه
ليت في قلب الليالي للفتى قدر ومهابه
—————————————
مشكلتي إني ماعرفت أحسب لصدتهم حساب
قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبـره
————————————
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد
ويكفيني اني من ظلوه الموده
ومالي مع الخسران بالدين مقعاد
وإن جتني الغفلة علي اوقات شدة
اصبح لها صداد والقلب صداد
وتقدير ربي مالنا في مرده ومعارض
|
|
|
ahuv hgogd[ hgH,g - phl] .d] hgahuv hg;,djd hglld. lrj'thj lk fuq rwhz]i H, lrj'thj fuq phl] ahuv sd] rwhz]i ;,djd  .  |
الإهداءات
المواضيع المتشابهه 
العرض العادي
