عٌشٌـــقٌ بٌدويٌه لـ بٌدويٌ

#1 29-06-2018, 09:56 AM

عٌشٌـــقٌ بٌدويٌه لـ بٌدويٌ

لولا البكا ما ينشرح خاطر ولا ينزاح ويل
خل الكدر يطفي سعير الليلــتين اللي خلت
.
دام العيون اليا اهملت تشفي الغليل من الغليل
الله يبارك بالعيون اللي ليا ضقت اهملت
.
دمعة قهر تثبت لي ان اللي يحبوني قلـــيل
ولاضحكه بوجيه ناس ل تضايقت انكــلت
.
البارحه يوم الهموم تحط بالصدر وتشيل
والشاهد الله ما حبــست بمحجري دمع وفلت
.
الدمعه اللي ماتهز صدور ربعــــي لاتسيل
اكنــها مثل الجمر ولايقولون انزلت
.
اللي وهو ما فزلي وده يحملني جميل
اجيه برجولي عشان اشكي له الحال ؟ اكملت
.
ماكل من شافك قوي يحزن ليا جيته ذليل
الناس ليا من حست بضعف الشجاع استنذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي وإن ضف صدري من ليالي الحزن ليل
ياكـــثر ماشربت معي من علقم الحزن و كلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت و انجلت
.
اللي على كثر المصايب كل مافيها جميل
الناس ل كبرت تشين وذيك ل كبرت حلت
.
لامن تثــنت للهبوب تمــيّل اللي ما يميل
وان مالت عقول الخفاف من الرجاجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لا جات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
مافي الرجال اللي حمل حزني مثل ماستحملت
.
لو كل خلق الله ملو ما تمل وما تميل
لان الرجال بهالزمن قلو , هذيك استرجلت
.
يوم ان وقفتهم معي من باب مايخدم بخيل
هذيك ما هوب وقفت جنبي .. هذيك تبهذلت
.
خانوا وهي ماخونت عالو وعيت لا تعيل
تبدلت كل الوجوه وذيك ما تبدلت
.
لانه ليا عز الرجا ما للخليل الا الخليل
ماقد قرت في محجري قصة عن الحزن وسلت
.
كن الذي يجري معي يجري على الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لا جت على البذل ابذلت
.
معها اعرف اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تظهر بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه في وجيه ناس لي تضايقت انكلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت

,,

المصدر: منتدى همسات الغلا

uRaRJJJrR fR],dRi gJ fR],dR fR],dR fR],dRi

29-06-2018, 12:31 PM

رووووووعه
طَآب ليٍ آلمَكوثْ حقآ هَنَآ
رآآآقٌ ليِ مآسطرتَـه هذه آلحَروفٌ
سَلَمِتْ أٌنآملِـگ عَلََى الـآنتقآء آلمميٍـز
لـآحُرمنًآ آلمولى هًذآ الهطًول آلجمَيـٍل
لروَحِـگ گـلً آلـوَد و
محًبتيٍ وآحتَرآميٍ
تقبل مروري

29-06-2018, 11:45 PM

كل الشكر و الاحترام لكم
الف شكر على الاطالة
اسعدني جدا مروركم و بصمتكم عبر صفحتي
كل الود و الامتنان
تحياتي الخالصة من الصميم

30-06-2018, 12:18 AM

تسلم يمينك
ودام عطائك العذب
پآقة ورد

30-06-2018, 12:22 AM

30-06-2018, 05:48 PM

مَوْضُوٌعْ فِيٍ قَمّةْ الْرَوُعَهْ
لَطَالمَا كَانَتْ مَواضِيعَكْ مُتمَيّزهَ
لاَ عَدِمَنَا هَذَا الْتّمِيزْ وَ رَوْعَةْ الأخَتِيارْ
دُمتْ لَنَا وَدَامَ تَأَلُقَكْ الْدّائِمْ