22-01-2018, 10:08 PM
|
| |
 احترامي وتقديري لـ ظبي الجنوب
كان ليل الشتاء يفتح لقلبي مجال
ول يا هاجس ٍ كني عليه مغصوب
،،
وكان شمس الضحى تكشف خفايا المقال
يعّرف الكذب من نبرة لسان الكذوب
،،
فيه يمكن ولكن بس فيه احتمال
اني اكذب ليا صارت هجوسي تلوب
،،
كن ليلي بقى له عند صبحي سؤال
وصار وجهي على جمر انتظاره شحوب
،،
والقلم والشعور الي معي لايزال
يعتريني ليا نسنس نسيم الهبوب
،،
وش يهز المشاعر غير ظبي الشمال
به مزايا ولا يشبه لظبي الجنوب
،،
مثل شمس الصباح وشمس بعد الزوال
واضح الفرق في شمس الضحى والغروب
،،
ان وصفت الدلع يمكن يغار الجمال
وان وصفت الحلا ذابت عليه القلوب
،،
كان للعيب نسبه فالدلع والجمال
كل عضوٍ بجسمه يشتكي من عيوب
،،
وكان ربي كتب ذنبه لسحر الحلال
قلت ياالله تخفف عنه كل الذنوب
،،
مذنب ٍ بي وانا الي حاسبه راس مال
قدم عينه نزف جرحي وعيا يتوب
،،
يشتكي منه جفن وينبري منه حال
غير نار سناها وسط صدري جذوب
،،
صرت ما بين صداته ورجوى الوصال
وبين حلم ٍ تورى وسط نفسٍ تذوب
،،
لجل عينه كتبت الحرف من ضيق بال
واحترامي وتقديري لـ ظبي الجنوب 
|
|
hpjvhld ,jr]dvd gJ /fd hg[k,f hg[k,f hpjvhld uf] |
الإهداءات
.gif)
المواضيع المتشابهه 
العرض العادي
