الفارس العاشق الولهان

بسم الله الرحمن الرحيم

اهلا ومرحبا بكم

واولى حلقات برنامجكم

الواد رومنسى

النهاردة هنشوف الواد الرومنسى دا

اية حكايتة ويومة النهاردة هيبقى عامل ازاى

اصل الواد دا كل يوم فى حال وايامه ماتعرفلهاش نظام

ممكن تلاقية فى قمة الرومنسية وممكن تلاقية فى قمة الحزن

وممكن تلاقية بيلعب ويفرح ويوم هتلاقوة مكتئب ومضايق

المهم النهاردة تعالو نشوف هو اية نظامة بس شكلة كدا

هيبقى يوم جامد يلة بينا .

بداية اليوم .

صاحبنا دا بقى دماغ لازم يصحا من النوم بدرى جدا يعنى على

الساعه 2 ظ ايون دا البدرى بتاعه اول حاجا بيعملها بيجيب الفون

من على الشاحن اصلة طول الليل نازل لوكلوك مع الموزاز ربنا يسهلة بقى

المهم كان عندة معاد النهاردة مع موزتين اول واحدة هيقابلها الساعه 5 والجميل انة محضرلها مفاجاة كان قالها

عليها قبل ما ينام بليل فتعالو نشوف كدا اول لما راح وشافها حصل اية

الواد الرومنسى : ازيك يا حياتى

البنت الرومنسية : ازيك يا حبيبى

وحشانى موت موت موت

وانتا كمان يا حياتى وحشنى اخر حاجا

ممممم انا وعدك بمفاجاة

اها انا منمتش خالص من امبارح مستنيا مفاجئتك

طيب تفتكرى اية هى المفأجاة

مممممم اكيد جبتلى الشيكولا الى بحبها

لا يا قلبى واية دا هو انتى مجبتليش شيكولا والا اية

لا انا قولت انتا هتجيب طيب قولى بقى بسرعه اية المفاجاة

المفاجاة انى كتبتلك حاجا اعبرلك عن الى جواياااااااا

واااااااااااااااو انتا جامد اخر حاجا واكيد الكلام هيبقى نايس نايس نايس

طيب اسمعى ياستى انا كتبتلك اية

الشيكولا يا حياتي

دانتي احلا من الشيكولا

طب قولي هات فطير

يعني لازم تكسفيني

ياللي حسنك شئ خطير

دايما ً بتجيلي جعانه

هو بابا مش غفير

وتقولي بيزنس مان كبير

وتجيلي نفسك في الشيكولا

وانتي عارفه اني المفلس

طب قولي يالا هاتلي بيبسي

لا يا روحي اوعي تنسي

الرومانسي ابن الرومانسي

ما تجيبي بوسه يا حياتي

علشان أجيبلك الفطير

احم احم

الواد الرومنسى شاعر اخر حاجااااا

طبعا بعد ما قلها الشعر الفطيرى دا قصدى الجامد دا

قعدو مع بعض شوية بس الرومنسى كان مستعجل اصل معادة التانى خلاص قرب

فاضلة نص ساعه وبعدين ما صدق انة هيقابل البنت دى لانها

مكنتش بتوافق انها تخرج تقابلة لانها بنت محترمة وبنت ناس

وتربيتها كانت منعاها من مقابلتة ولكن بسبب الحاحة عليها وانة لازم يشوفها ويكلمو

فوافقت بس كان ليها شرط ان هتكون دى اول واخر مقابلة

لحد اما يروح يتقدملها بس تعالو كدا نشوف حصل اية فى اول واخر مقابلة

الواد الرومنسى : يااااة اخيرا شوفتك

البنت الى مضحوك عليها : هههههه اة اخيرا شوفتى

عاملة اية ووحشانى جدا

الحمد لله كويسة معلش انا مش هقدر معاك كتير

انا عارف بس كان لازم اشوفك عشان اكلم معاكى

واديك شوفتنى اية ممكن تغيير رائيك

اكيد لا لانك جميلة جدا جدا وانا بحبك وانتى عارفا

عارفا انك بتحبنى وانا كمان بحبك

عارف يا حبيبتى وعشان كدا انا حضرتلك مفأجاة

مفأجاة ياترى اية هى

ممممممممممم شعر كلام كتبتهولك بليل بعد ما قفلت معاكى

كمان بليل وبعدين من غير ماتقول اكيد هيعجبنى

طيب اسمعى يا ستى

بحبك موت يا وحشاني

وطول ليلي أناجيكي

واكتبلك أحلي كلام

وارجع اناجي الروح

يا هل تري بتحبني

ولا دي أوهام

أيوه بحبك يا فارس الأحلام

ملكت قلبي ودنيتي

يا فرحة الأيام

تعالي وفرحني واطلبني من بابا

ده بابا راجل تمام

زهل اخينا وسكت

خلص يا عيني الكلام

خلص يا عيني الكلام

ما اهو اصله واد روش

بيحب كل البنات

يا فرحه ليكي ما تمت

خلع أخينا وفات

نصيحه

يا شبابنا يا شباب جدعان

رجاله وفي كل مكان

دايما بنصون الأعراض

مش زي أخينا الخيبان

لا هو عارف دينه ومبادئه

ولا حاسس إنه إنسان

لو قولنا غريزته بهيميه

يبقي ظلمناه الحيوان

بنشبه بيه الخيبان

والخيبان بحياته فرحان

معقوله هيصبح مسؤل

عن أسره كامله يا جدعان

ربنا يسترها عليهم

ده أكيد بقو في خبر كان

دي نصيحة عاشق ولهان

زي ما تعمل بكره تدان

****

الحوارنقله الفارس & الأشعار بقلم عاشق ولهان

تقبلو تحيات

الفارس & عاشق ولهان

المصدر: منتدى همسات الغلا

الفارس المصري

لسطورك بوحٌ مختلف قد أمتلئ روعةً وجمال
بوحٌ منفرد بعذب الكلام وسمو المعاني
حُروفكْ ليلْ ومَشاعركْ قمرُها
وهُنَا تَنفسنَا أعذب الهَواء وأرقهَا
نَصْ ثَريِ مِنْ شَخصيَة رآقيَة
حمل معه جمال المحبة لغيرنا
تملك ذائقة عذبة
ونص كهذا لايرى جماله الا المميزون
رائعه انت لا استطيع وصف مشآعري هنآ
لخشوعَ احرفي من احرفـك الرآئعه ,,
عودتنا على لمساتك الرائعه وهذه إحداها
لك ورد ينحني

وسلمت لنا الأيادي الرائعة بما حوته وما نثرته أسطر

عذبه في الجمال والرقي

ننتظر القادم بشوووق ولهفه

دمتم لنا سالمين