خذاني طيفك البارح

#1 11-07-2017, 06:37 PM

خذاني طيفك البارح

خذاني طيفك البارح

عبث .. و الليل ينسج من تباريح السهر : تعبير !
و أنا ..... ماكني إلا سطر فاضي , و إنته القرطاس !

خذاني طيفك البارح /... على ( حلم بلا تفسير ) !
بقت بعض السوالف و العيون بحضنهاإ : جلاس !

أحبك ~ تعني إنت اللي مبروزني بلا : تصوير !
أحبك .. تعني إن الحب شوك , و صدك الغراس !

تجي نلبس غيوم ؟ و نفترش أحلامناإ .. و نطير ؟!
نطش إفراقنا خلف الشفق , و نداعب النسناس !

لك الله .. ( من رحلت ) و كل شي فيني : صحى بكير
دخيلك .. طف بعدك , " وجه شوقي " : مالفاه إنعاس !

وحيد ! .. إتهزني ريح إنتظاري , و إنثنى التفكير !
قبل لا ينكسر غصن المشاعر , .. إنكسر بي : ناس !

أصحي ضيقتي و ألبس ملامح صدمتي .. و أسير !
على قاع الشقا , تلفحني العبره .. و أنا حساس !

ترفرف عالي إمتوني ملامه , .. و الضلوع : إتحير !
يوسوس لي عن أيامي بدونك بالحشا : خناس !

يبلل ذابل أطرافي سكون و حيره , .. و تأثير !
و أدور في شفاهي عن شفاه إليا حكت : ( نبراس ) !

متى كان الفرح يضوي دجى ليلي ؟! و حظي زير !
.تعثر من على صهوة جواده , .. و إنكسر به : ساس !

خذتك اللا مبالاة .. و سهرت أجمع لك : التبرير !
سرى وقتي , و أنا في داخلي ( حيره بليا : راس ) !

تعبت أستنشق أيامي " بدونك " , .. و أمتلي : تخدير !
أحسب إليا ( تخدر كل مافيني ) : يطيب الباس !

و أنا كم قلت لك .. صدري حديقه و إختلاجي / .. بير !
نويت أزرع بها حلمي .. و لكن شف ( نبت لي فاس ) !

نثرت لشوفتك " حفنة أماني " , و إزهرت / .. نوير !
تصدق .. ماهقيت اللي نثرته بالجفا : ينداس !

خنقني كف حزني , و إرتفع صمتي .. أمام الغير !
و سال من العيون : أسراب جرح .. و اه ما تنقاس !

صحيح إني أجوعك , .. بس طبعي ( أكره التبذير ) !
تعال /.. و هات لي كاسة حنين , .. و كسرتين أنفاس !

عشاني .. أوقد شموع التلاقي , و إخمد : التأخير !
حزينه ساعتي .. نامت على كوع الرجا و الياس !

أنا فرصه .. على درب العنا : ضاعت من التقصير !
و أنا جملة حزن , .. فاحت ماسي , و إختنق : كراس !

خذاني عاشق , .. يقرع شعوره : للوفا .. / سكير !
رماني شاعر .. خالط حروفه : ثلج وسط الكاس !

يطيح الشوف من محجر .. عيونه مالقى له / , طير !
تسلق به شحوب /.. و مد كفه : يقطف ال لا باس !

وش أقسى ؟ من يضم الخوف يده , .. و الحروف إتغير
تشوفه يعجن أوهامه طفل /.. لعبوبته : وسواس !

أبد ماهو خطاه إنه : دفن ضيمه ! , ... و قال : بخير !
خطاه إنه / .. رضى يسقيك حبه , .. و العروق : إيباس

[/SIZE][
المصدر: منتدى همسات الغلا

o`hkd 'dt; hgfhvp hgfhv] p`hzd 'dt;

11-07-2017, 06:38 PM

‎سلمت أناملك على جمال طرحك
‎الله يعطيك العاافيه
‎لك جنائن الورد وأصدق الود
‎ربي مايحرمنا من روعة ابداعك
‎دام عطائك ياذوق

11-07-2017, 08:22 PM

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ
لِك جِنآنَ آلورد مِنَ آلجوريّ
..// ..//

11-07-2017, 08:23 PM

طرح راقي ورائع
امنياتي لك بدوام التألق والابداع
لروحك الورد

11-07-2017, 08:37 PM

شكرا لحضوركم
ودي لكم

15-07-2017, 02:14 AM

راقني انتقائك الماسي
تسلم يمينك
ودام عطائك العذب
پآقة ورد

15-07-2017, 11:29 AM

سلمت ع الانتقاء المميز

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاغتسال بالماء البارد وصية ربانية وفوائد علاجية	سماء	(همســـات الصحه والطب)	4	23-06-2016 12:41 AM
اهمية الاستحمام بالماء البارد	ريحانة بغداد	(همســـات الصحه والطب)	8	22-12-2015 02:24 AM
الماء البارد يقتل العصب الحائر	الصياد	(همســـات الصحه والطب)	9	14-06-2014 02:04 AM
كيف نتغلب على الزكام وتيارات الهواء البارد ؟	غلا الكويت	(همســـات الصحه والطب)	23	05-04-2014 11:50 PM

الإهداءات

خذاني طيفك البارح

(همســــات شعر وشعراء) منقول