الحياة حلوة بس تبي شوية طناش !!!

عن الحياة حلوة وجميلة البعض يقول بس لازم نفهمها !!

طيب ليش احنا ما نروضها ونخليها تطيعنا علشان فعلا تكون الحياة حلوة ..

ولكن نحتاج نقتبس من هذه الكلمات ..طنش تعش تنتعش..!


نجتمع مع أصدقاءنا نلاقي بعضهم وجوهم عبوسة مملة حزينة مؤلمة !!

نسألهم ؟؟


ليش الحزن ؟؟


وليش الزعل ؟؟


وليش الالم ؟؟


وليش الاسى؟؟



يا اخي افرح والله الحياة حلوة ...


بس طنش تعش تنتعش..!

بتقولي والله حرام أنا ساعدت فلان

وعطيت فلان ..

ووقفت مع فلان ..

وفي النهاية اطعنوني !!

وجرحوني !!

ووشوا فيني !!

أوكي لا تبكي خلاص صار اللي صار

أنت سوي خير و قطه البحر وأجرك كبير ومحفوظ ان شاء الله ...

بس الاهم طنش تعش تنتعش..!

ادري ان الدنيا مليانة بالناس الخونة ..

الناس الكاذبة ..

المتلاعبة بمشاعر الاخرين

أدري في ناس تنشر سرك مع انها اعطتك وعد بالكتمان ..

لكن والله انهم ما يستحقون دمعة من عيونا ولا حزن ..

مو لازم نقول مافي صداقة ولا في حب !!

لا تقول كلام وقت عصبية !!

أهدأ وهدئ من روعك وأخلاقك وفكر !!

لا نعاتب أنفسنا بالاول بسبب سوء اختيارنا !!

لا تغلق الابواب على نفسك ..

ولا تشعر بالاحباط ..

قوم وأخرج وجدد نشاطك وأخلاقك ..

أذهب لشخص ترتاح له وفضفض ..

والأهم طنش تعش تنتعش..!

كلنا نمر بمشاكل في البيت ..

وبين محيط العايلة ..

مع اخوانا وأخوتنا ..

عملت حادث لا قدر الله ..

تضاربت مع شخص بالشارع ..

لا تبوز وتتضايق وتحمل نفسك أكبر من طاقتها ..

حاول تبتسم ..

توكل على الله سبحانه وتعالى ..

والله ان ربك راح يفرجها ..

وأيضا ًطنش تعش تنتعش..!

أخذوها نصيحة مني

أخذوا الامور الوسط ..

لا تكبروا المشكلة لانها مهما كبرت بالنهاية راح تصغر ..

وازن الامور ولا تتهور حتى تستطيع التفكير بشكل صحيح ..

هااا هل أستفدت من كلامي ؟؟!!

صدقتني ان الحياة حلوة بس نفهمها ..

والاهم نعمل طنش تعش تنتعش..!

وهذه نصيحتي للطلاب الحلوين الشطورين ..

ويالله كل واحد فيكم يفتح ورقة ويمسك قلم ..

ويخطط لهذا الجدول اليومي ههههههه بس تكفون لا تصدقونه