كل شي احبه حصري لهمسات الغلا

احب الله واحب ديني
ورسولٍ للحق يدعيني

واحب الجنة العليا
يارب فيها عناويني

واحب دايم طريق الحق
وادعي عسى الله يهديني

واحب امي واحب ابوي
اموات او كان حييني

واحب اهلي وعائلتي
وجودهم بس يكفيني

واحب الملك سلمان
وجيش على الحد يحميني

واحب دار السعودية
هي داري ومربى سنيني

واحب كل العرب ياناس
قريب ولا بعيديني

واحب من يوقف بجنبي
بالضيقة او يهنيني

واحب الطيب الوافي
اللي ابد مايخليني

واحب كلمة صباح الخير
لاقالها شخص يعنيني

واحب الرفقة الحلوة
على النقاء ومابها شيني

واحب الصادق بحكيه
واحب طلق الحجاجيني

واحب من يكرم ضيوفه
يعطي ولو يلحقه ديني

واحب كل بنت مستورة
للرجال ماتكشف الزيني

واحب صوت المطر بالقاع
لاطق والناس ممسيني

واحب ريح الزهر والفل
وعطور مثل الرياحيني

واحب كل ريحة زينة
في الشعر وثياب تزهيني

واحب الضحك والفلة
واحب كل اللي يسليني

وراعي النكد يبعده ربي
لايجيني ولا يحاكيني

واحب الورد والوانه
وحبيبي منها يهديني

واحب اكتب بيوت الشعر
والف منها دواويني

واحب من يعشقه قلبي
هذا اللي بس يعنيني

احب اسمع سواليفه
وافرح اذا جاء يحاكيني

احب لاقال لي تكفين
هو صدق انتِ تحبيني

واحب اقول له يافلان
حبك عن الناس مغنيني

ذكرت كل اللي انا اتمناه
ماصار بس الله يعطيني