اللبيب بالاشارة يفهم ؟ ماعليك غير تدق هنا يترج هناك

#1 25-07-2016, 01:44 AM

اللبيب بالاشارة يفهم ؟ ماعليك غير تدق هنا يترج هناك

.
.

اكنس بيتك ورشو ما تدري مين يخشو
المعنى : احتسب ورتب أمورك ماتدري من يسير عليك .

ــ ان جيت يا ورد سمرنا عليك وان ما جيت يا ورد لا حسره ولا ندامه
المعنى : تراها متساوية أن جيت حياك الله ، وأن ماجيت ترانا محنا بفاقدينك .

ــأكله ومرعى وقلة صنعة
المعنى : يعني سعة صدر وبطالة وقل شغل .

ــ اللي ما تعرف ترقص تقول الأرض عوجه
المعنى : أن اللي مايعرف لأي شغله يدور عيب أي شيء يحطه هو السبب .

ــ اطعم الفم تستحي العين
المعنى : أن الواحد اذا أعطي وملي بطنه أو أثمه استحى يحكي أو يطلب شي .
= = = =
حرف الباء :
ـ باب الخير مجـافـى :
مجافى : يعني مهوب مصكوك . والمثل يفيد : أن باب أهل الخير والكرم مفتوح ولايمكن يصك .

ــ باب يجيك منه ريح سده واستريح :
سبق وأن شرح في السابق .. ويقصد منه .. أي شيء يجي منه مشاكل وقلق .. ابعد عنه ...

ــ الباب رخيص باللي هو به :
علشان الباب يرد الناس ويمنع دخول اللي ماتبيه حتى الغبار .. فأي قيمة ومبلغ له فتراه رخيص لكثرة فايدته .

ــ بالدرب جــمل :
يعني ترى الموضوع ما تيسر .. والطريق اذا صار فيه بعارين ما يمكن يمر معه أحد ...

ــ بالسنة عيدين وهذا الثالث :
المسلمين عندهم عيد الفطر وعيد الأضحى .. ولأن الناس تفرح بالعيد وتنبسط . وتستانس .. فاذا شاف الواحد صديق له .. أو سير عليه .. فانه يفرح به ويقوله أن جيتك هذي مثل العيد .

ـ بارك الله فيمن زار وخــفف :
يعني اذا رحت لناس تسلم عليهم لا تصير ثقيل دم .. تراهم بيملون منك .. عجل قم وضف وجهك تراه أحسن لك ..

ــ بدوي .. يشرب من الماء وينشد هو قراح :
البدو معروفين بكثرة السؤال .. وذلك ليجمع المعلومات . فتلقاه يشرب من الماء ويسألك هو حلو ...

ــ البـذر ..محفوظ :
يضرب في الحث على عمل الخير ....

ــ بردان طاح على متلحف بردونه :
بردان يعني ماكله البرد .. ومعناه اذا فيه واحد ماكله البرد .. وراح لواحد طفران ماعنده شيء .. ومن الفقر متلحف باطراف ثوبه ... والقصد أنك لاتطلب الشيء الا من اللي يقدر عليه .
ــ البردان يجيب حطب :
علشان ماكله البرد ومحتاج للدفاء .. فتلقاه هو اللي يقوم ويجيب حطب ويشب الضو .

ــ برد . وحكة .. وقل ظفور :
اذا اجتمعت المشاكل على واحد .. فهذي مصيبة .. فاذا اجتمع (( برد )) وحكة ... يعنى حساسية والا شي يبي من يحكة .. ولا هنا ظفور ....

ــ البــر ... سلف :
اذا قدمت معروف لأي واحد .. فهذا مثل السلف لابد يرده يوم من الأيام .. واذا مارده فتراه نذل ...

ــ بـرْق العبي تشابه :
العباة : يقصد بها البشت .. والبرقاء : اللي لونها أبيض وأسود ..والعباة البرقاء .. مايلبسها الا الرجال اللي ما به فايده غالبا .... وعلشان العبي البرق بعضها يشبه بعض ..لذا يضرب هالمثل . للأشخاص اللي مافيهم فايدة ... يتشابهون في الردى ...

ــ البركة بيــد الله :
بركة الشي مهيب بكثرته ... وانما في الفايدة منه ...

ــ بـرّ وصــلة :
اذا عطيت قريب منك صدقة والا نفعته بشي فلك أجر على البر وعلى صلة الرحم .

ــ البر ما فيه خــبازات :
يعني اذا بغيت تطلع للبر لازم تستعد وتاخذ معك كل ماتحتاجه .. لأن البر مافيه خباز تشتري من الخبز .

ــ البر ماعليه بيبان :
يعني باب البر مفتوح مايصك اطلع متى مابغيت ...

ــ البساط احمدي :
يضرب المثل لعدم التكلف والبساطة ... في المعاملة ... يعني وسع صدرك .... و ويقال ان هذا المثل نسبة إلى أحمد البدوي الي مات في مصر يقولون أنه يفرش بساط ويجلسون عليه الناس وياخذهم لو كثروا ..

ــ بــس ..إذا طاح انتــفـخ :
البس : القطو .. إذا طاح من على جدار انتفخ وصار كنه كورة ولا ضره شيء ... ويضرب المثل للشخص اللي ما تضره المتاعب والمشاكل .

ــ بــس مطبخ :
البس هو القطو ....يضرب للسمين ...اللي ماهمه إلا بطنه ..

ــ بشــر النخل بكداد جــديد :
الكداد هو الفلاح .... والمعنى أن النخل إذا جاه فلاح جديد اجتهد وزينه وتعب فيه ... ويضرب المثل لأي عمل يجي فيه مسؤول جديد ... تلقاه يحاول يسوي شيء جديد .....

ــ البطن ماهوب مخزن :
يعنى لا تكثر الأكل ترى هالبطن مهوب مستودع .

ــ بــع بأول ســوم :
يضرب المثل إذا مليت من الشيء وتبغي تتخلص منه بأي وسيلة .

ــ بعه بكلب سرق أهله :
المقصود بعه بأرخص سعر ... لأن الشي اذا صار مثل الكلب اللي يسرق من راعيه ... ماعاد ينفع

ــ بقرة دايسة :
إذا انتهت البقرة من الدوسة .... فإنها تكون تعبانه ... ويضرب المثل للشخص اللي تعبان وما عاد يقدر يسوي شي ..
ــ بلشة البلشــات :
البلشة : كلمة غير عربية ... والمعنى التورط أو الوقوع في مشكلة ...والمثل يضرب للشخص اللي مايمكن تتخلص منه أبد ...

ــ البل عطايا الله :
البل : أي البعارين ... وهذا المثل يقصد منه التعظيم ... لأن الإبل في الماضي كانت من أنفع الحيوانات للإنسان .
ــ البندق العوجا فيها رمــية :
إذا صارت البندق خربانه .. أحيانا يجي فيها رمية ... ويضرب المثل للدلالة على أن الشخص اللي مافية فايدة أحيانا يمكن يستفاد منه .... واقرب الشي الطالب الكسلان أحيانا يجاوب ...

ــ بيضــة ديــك :
معروف أن الديك ما يبيض ... ويضرب المثل للشيء اللي تسوية مرة واحدة فقط ...

حرف التاء :
ـ تاطا .. والله ياقا :
يعني تراك ماهميتني ولا جبت خبرك... لأني متوكل على الرب الكريم ..

ــ تـافـل العافيــة :
يعني تراي قاضي قازي ما أقدر أسوي شي أبد .. مثل اذا واحد طالع من المدرسة وعنده سبع حصص وجا لبيتهم مايقدر يسوي شي أبد ..

ــ تاكل يدك معه :
ــ تاكل أصابعك معه :
اذا صار الأكل ممتاز ومضبوط .. تقول أنك من زينه يمكن تاكل اصبعك مادريت .

ــ تالي ذلــول :
تالي : آخر .. يضرب المثل للشي اللي مستعمل كثير وهو منول زين ... مثل السيارات المستعملة ..

ــ التالي عند ربه غالي :
التالي : الأخير ... يضرب المثل علشان توسع صدر اللي أعطي آخر واحد ..

ــ تباركوا بالنواصي والبقع :
النواصي المراد بها هنا الزوجة .... والبقع : يعني المكان ... يضرب المثل للتفاؤل بالمرأة والدار الجديدة ..قيل إن شؤم المرأة اذا كانت أخلاقها تجارية .. وسوء الدار اذا جارك خايب .

ــ تبن في وجه :
يقال اذا واحد ما أفلح في شي . من باب الدعاء جعلك ماتحصل الا تبن يطير في وجهك ...

ــ تبينك ياعوفه ومويهك الباردة :
عوفه : البقرة .. يقولون أن البقرة قالت ورى ماتعطوني طعام مثل الحصان .. قالوا : الحصان يركض ... ونركب عليه في الحروب ... قالت : أنا مستعدة .. بس علفوني مثله .. عطوها مثل علف الحصان .. ويوم من الأيام ركب عليها صاحبها للحاق بجمل منحاش . وطامرت شوي ثم ربضت ماعاد قدرت تمشي .. ماعندها لياقه .. قال : راعيها أنت منتيب كفو يالله تبن وماء بارد .

ــ تــتــن وقل صلاة :
اذا صار الواحد يتتن وردي في الصلاة فهذا مايسوى قرشين .. لايهمك . يضرب المثل لاجتماع الخصال الرديئة .
ــ تجـر رشــاك وتدهـن عشاك :
المقصود البقرة .. فهي تنفع الفلاح يصدر عليها ويستخرج الماء من البئر .. وياخذ منها حليب ومنه تطلع الزبدة اللي يحطونها بالأكل . يضرب المثل للشيء المفيد

ــ تجمع النملة وياكله الجمل :
النمل يجمع الحب في بيته واذا جاء المطر طلعت الحب ينشف .. ويجي البعير وياكله .
والمثل يضرب لمن يستغل جهد غيره وهويقدر ..

ــ تجي البلاوي من لايجيــهــا :
البلاوي : هي المصائب والمشاكل .. والمقصود انه المقدر بيجيك لو ماتعرضت له .

ــ تحت الله وبين ايديه :
قمة التوكل في العمل ..

ــ تحــزم بــقــدّ :
القدّ : سير مصنوع من الجلد ...وهو مشهور بقوته وصلابته ..والمقصد أن المحزم اذا صار قوي ماينقطع أبد ...والعرب كانت تهتم بالاستعداد للأمور ... واذا صار الأمر صعب وشاق ويحتاج لمن يهتم به قيل للرجل انتبه ترى المسألة صعبة لازم تستعد .

ــ تحويلة من أسفل الدرجة ولا من عـلوها :
يعني اذا صرت ماعندك نية أو ماعندك قدرة أنك تكمل المشوار .. فما فيه داعي تكمل . وذلك مثل الطالب .. اللي متنبل وكسلان وشهوله يدرس الثانوي لأنه أصلا مهوب ناجح من أولى ثانوي ..

ــ تخطاه الشر :
اذا شفت واحد مريض وبدى يتعافى وبغيت تدعي له تقو هالمثل .. والمعنى عسى الشر يتعداه ولا يجيه .

ــ تخفيـف ورحـمـ ــه :
اذا واحد ثقيل دم قام وراح تقول هالمثل ...

ــ تذكرني إلى جربت غيري :
يعني انت هالحين ماتشوف الا العيوب اللي فيني ولكن اذا رحت وجربت واحد غيري بتلقا فيه عيوب أكثر من اللي فيني . ويقال في كثير من شؤون الحياة مثلا اذا نقلت من مكان الى مكان

ــ تــرس حــســاب :
بفتح التاء ...يقال : ترست الاناء اذا ملأته ... يعني فلْ ....وهي كلمة غير عربية ... والمعنى أن حسابه مضبوط .. مافيه أي حطأ .

ــ ترضيه حــزوم نجــد :
اذا فيه واحد دايم يزعل ولا يرضيه شي .فلا يهتم بزعله ... فلأن نجد فيها جبال ومرتفعات فالماشي يتعب وسيرضى اذا مشى في الحزم وهو الأرض المنبسطة ....

ــ ترعى وهي رابضــه :
المقصود أن الشاة أحيانا تتعب من المشي وترعى وهي رابضة .. يضرب لمن يرضى بالقيل من الرزق

ــ تســاوى الغارب والســنام :
السنام سنام البعير .. فالغرب دائما أقل ارتفاعا من السنام ... ويضرب المثل لتساوي الأشياء الدنيئة والعالية ...
ـــ تسعين ابرة ما يجن مخــراز :
المخراز آلة الخرز .. وهو آلة حادة تخرم بها الأشياء المتينه .. والمثل يقصدبه أن الجماعة مايقدرون يسدون محل واحد عظيم . مثل لو لاعب مهم في الفريق مالعب لو حطوا بداله خمسة ماسدوا مكانه .

ـ تسعين عصفور ما يجون حداية :
مثل اللي فوق ..

ــ تسعين كارة كـَربَ ماعمــرت غــليون :
الكرب جمع كربة .. والكربة هي اللي تجي في التخل اذا يبست بعد مايقطع منها العسيب ... والكرب معروف بأنه أردى أنواع الحطب .. ومافيه إلا الدخان ومايجي منه جمر .. ومايطلع من وراه إلا الرماد .. والكرة : هي مايحمل على الظهر .. تعني المرة اواحدة .. والمقصور أنك لو شبيت كومت حطب ماتنفع ولا تولع غليون ...يضرب المثل للدلالة على أن الردي ماينفع أبد ولو أنه كثير .

ــ تشــب وتنســى :
تشــب : يعني تكبر ..ويقال هالمثال للواحد الصغير اذا أصابة شي أو مرض .. فانه سوف يكبر وينسى
ــ تعب الحــر مــرّ :
الحر الرجال السنافي .. ترى شقاه وتعبه مهوب سهل .. لاتنساه لازم تعطيه قروشه ..

ـــ تعب وطـق كـعب :
اذا صار الطريق طويل يتعب الواحد من المشي .. ويضرب للدلالة على أن الموضوع صعب ويبي جهد وتعب ..

ــ تعبر بأم شوشــه إلين تجيك المنقوشــه :
ام شوشة : يقصد به المرأة اللي تهمل التشخيص ولا تهتم بشعرها منتفش يروع .. والمنقوشة : أحيانا يقصد به المرأة المتزينه مثل العروسة ... فيقال للواحد اللي عنده شي ماجاز له .. مثل عنده خردة سيارة .. يقال له : تعبر به ومش حالك الين يجيك الشــبح .

ــ تغرة غيـره :
التغرة : في اللغة هي : التجشأ .. عرفنا ذي علشان تقول ذي ... بالعامية اذا واحد شرب ببسي فبعد شوي بيتاغر ... الغيرة : تغير المعهدة من كثرة الأكل .. والمقصود أن هذا فيه دلالة على كراهية الريحة كرمكم الله .

ــ تـف عليك حامضة :
التف من التفال . ويقولون أن الثعلب جا بياكل عنب ولا طاله لأن رفيع . قال أصلا هو حامض .. أيه هين .. يقال هالمثل : لمن حاول الحصول على شيء وعجز عنه .

ــ تفلة في جــدار :
يقال للدلالة على تشابة الأشياء .

ــ تقديم الأجرة من بطلان العمل :
أهم مثل لازم يعرفه اللي توه بادي يعمر .. لاتعطي أي واحد أجرته على أي عمل إلين يخلص والا تراك بتبلش دوره ولا هوب جاي يكمله .
ــ تقطع عليه الماء :
اذا صار الفلاح ماه قوي ولا عرف يروسه تقطع عليه .. يضرب المثل لمن كثرت عليه المشاكل ولا عاد عرف وش يسوي .

ــ التمــر به خـنانــه :
الخنان : التمر الفاسد ....هالمثل يضرب اذا شفت واحد ردي وماهنا أحد وهو من أسرة طيبه ومحترمة .
ــ تـمرة خــرج :
الخرج : وعاء يحمله المسافر ويحط فيه أغراضة .. مثل(( شنطة السمسونايت )) والمقصود ان هالتمرة مضمونه أنها معك وبسهولة توصل لها .. وذلك اذا صار عند صديق لك حاجة.. فأنت تضمن أنه بيطيك اللي تبي فتقول فلان تمرة خرج .

ــالتمر مسامير الركب :
لأن مفيد وغذاء تام للأنسان .. يضرب المثل في مدح التمر .

ــ تمرة ماتجيها اللواحيس:
اللاحوس : يقال أن الطعام اذا ترك مكشوف يجيه البرصي أو غيره وياكل منه ويتسمم واذا أكل منه واحد أصابه التسمم ..والتمر من الاطعمة اللي ماتتاثر بالسموم ... فيقال هذا المثل للشيء أو الشخص اللي مايضره شيء .
ــ التمني راس مال المفاليــس :
تلقى الطفران جيد في الحكي بس يقول لو أن عندي مليون سويت كذا وكذا ..

ــ توخذ بقرهم .. وتجلب عليهم :
دلالة على منتهى الضعف .. فيأخذون من مالهم ويعودون يبيعونه عليهم .

ــ تهــب .. وتـصــب :
تهب : الهواء اذا صار شديد . تصب : المطر ينزل بغزارة .

ــ تيهة الحضــري .. قصر خطوته :
التيهة : المقصد أن الواحد يضيع . الحضري : المقيم في المدن . هذا المثل يحتاجه كثير من الناس . الواحد اذا جاء بيروح لشيء مايدله وما يعرفه .. تلقاه يمشي شوي ويمل ويقول أنا ضيعت .. ويبدأ ينشد أو يرجع .. ولو أنه مشى زود شوي كان وصل للي يبي

المصدر: منتدى همسات الغلا

hggfdf fhghahvm dtil ? lhugd; ydv j]r ikh djv[ ikh; hggfdj fhghahvm f]r pfvd dtil ydv Ykh

25-07-2016, 12:00 PM

*,

انتقاء رائع ومتفّرد..
وعطاء بآذخ لامس سماء الابدآع..
دمتِ ي طٌهر..

25-07-2016, 03:56 PM

أمام روعة شعورك

لابد لحروفي أن تنحني إعجابا وانبهارا

ومن فيض ذوقك

لك الشكر ما بلغ منتهاه سيدتي الغالية

25-07-2016, 07:50 PM

شكرااا على مجهودك الرائع
تسلم الايادي

25-07-2016, 08:47 PM

تسلم الأيادي الذهبيه على الطرح الرآئع
تحية عطرة لِ روحكَ النقية
شكراً لكَ من القلب على هذآ العطاء
لكَ ارقى الود و أجزلْ الشكرْ
دمتَ بِحفظ الله ورعآيتـه ..
♥ ميوره ♥

25-07-2016, 09:01 PM

سلمت أناملك الذهبية عالطرح الرائع
الذي أنار صفحات المنتدى
بكل ماهو جديد لك مني أرق وأجمل التحايا
على هذا التألق والأبداع
والذي هو حليفك دوما" أن شاء الله

25-07-2016, 09:19 PM

حكايه
موضوع رائع جدا
الله يعطيك العافيه وسلمت اناملك

احترامي وتقديري لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إجلس بـ قلبي حبيبي ماعليك " القروب الاخضر "	мℓєєτ	(همســــات شعر وشعراء) منقول	14	30-03-2016 02:28 PM
إجلس بـ قلبي حبيبي ماعليك	زائر الفجر	(همســــات شعر وشعراء) منقول	6	26-01-2016 12:15 AM
أسرار تذييل الآيات في الربع الأول من سورة التوبة (1)	البرنس مديح ال قطب	(همسات القرآن الكريم وتفسيره )	17	14-05-2015 12:12 AM
أعربوا يا أبطالنا الجيش السعودي - يا حماة الدين والدار الأبية	سابين	(همسات القصائد الصوتيه والمرئيه )	17	12-04-2015 09:04 PM
؟ ما هو اللبيت الذي تردده	حنين آنثى متمرده	(همســــات شعر وشعراء) منقول	14	24-03-2014 12:27 AM

الإهداءات

اللبيب بالاشارة يفهم ؟ ماعليك غير تدق هنا يترج هناك

( همســـــات العام )