 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
26-05-2016, 11:27 AM
| |||||||||||||
| |||||||||||||
 ((تجيء نعشق بعض أكثرر وأكثرر/البارت الخامس والسادس عشرر)) البارت الخامس عشر ღBCღ طلتكگكَ تغنينيَ عن , ɑlkoon ') .. گكلھُہ ♡♡ ! *♈̷̴ جات نوف يوم الخميس من بعد ما استئذنت من دوامها للمستشفى ودخلت غرفة العلاج الطبيعي ولقت خالد وهو في اوج تمارينه ليده وكان وجهه مشدود ومبين عليه التعب ويوم شافها صرخ فيها: خالد : وشتبين خير ما منج فكه غيرت موعد علاجي عشان افتك منج انتي ما تستحين "وعلا صوته اكثر " طلعي برا نوف ولا كنها سمعت كلامه وسحبت لها الكرسي وقعدت خالد: صدق ما تستحين قومي اطلعي برا ولا والله انج تندمين نوف:خلصت كلامك ! ما كنت اعرف انك جبان قرب خالد منها وكان بيضربها لأنه ما يحب أي احد يتمادى معه نوف انصدمت بس مابينت له: تبي تضربني " قربت له " وين كلامك لي يوم قلت انك بتخطبني ؟! خالد:ليه انتي طايحه بكبد هلج لهدرجه ميته ع العرس ولا في حياتج شي تبين تتخلصين منه بزواجج من المشوه اللي يده ممكن تكون مشلوله ! نوف: تبي مني الشفقه سوري هذه الصفه مهب موجوده فيني وثاني شي انا مهب طايحه في كبد هلي والكل يتمنى اني اكون زوجته بس انا اخترتك انت من بد خلق الله خالد:وليه يعني وش فيني زود ولا تقولين انج تحبيني ؟ نوف:بقولك بعد زواجنا خالد:يعني مصره ؟ نوف:نعم وقلت لصديقاتي عنك خالد:راح تندمين بزواجج وهذه اخر مره احذرج نوف:وانا قد التحدي وخلك قد كلمتك ولا تتهرب من وعدك خالد:قولي لهلج ان ابوي واخواني بيجونه بعد يومين واذا فيه ممانعه هذا رقمي ولا ابي اسمع صوتج ابي مسج تقولين لي فيه " صد عنها" لا تجون نوف:ثق من الرد بعد يومين وبمسج انه تعالوا حياكم الله استغرب خالد من ثقتها في رد هلها لهله عند ريماس فتحت ريماس عيونها ولقت روحها في المستشفى وتركي قاعد جنبها وماسك يدها ويضحك لها واليد الثانيه فيها مغذي ريماس:وش صار تركي .. " وهي اطالع المغذي " وليش انا في المستشفى ؟ تركي:وش اسوي ما استحملتي طوفان حبي فأغمى عليج ريماس:تركي قالتها بدلع قرب منها وقال :عيونه وقلبه والله ما عاد استحمل انا هههههههه ولدنا ما استحمل اني اغازلج فغار واعلن عن وجوده ريماس:هاه ... !ولدنا ...! ولدنا...! تقصد اني ...! اني حامل تركي:ههههههه أي حامل وش فيها وش فيج مفهيه ريماس غرقت عيونها تركي :لا حول انتي كله تبكين بس في الحزن وقلنا اوكي بعد في الفرح هداها وجات الممرضه وشلت عنها المغذي ووصتها بالراحه ريماس : ان شاء الله بعد مداولات ومناقشات بين نوف واهلها وافقوا على زواجها من خالد ام نوف : انتي لازم تتحملين نتيجة قرارج وترضين فيه كرجل فيه وايد من التشويه .. تبي تكمل قاطعتها نوف نوف : اكيد يما انا بكون له عون وراح يشفى بأذن الله وراح يرجع مثل ماكان ام نوف : احنى ماننكر رجولته وشهامته وهو ريال شريف ولولا الله وهو كان انتي ميته الحين .. الحمد الله على كل حال نوف : يمآ هو له سفره لالمانيا " خذت نفس " بيروح يتعالج ويسوي عمليه تجميل والباقي على الله ام نوف : والشغل ؟ نوف : اول مايرجع من المانيا راح يرجع للشغل لانهم مايقدرون يستغنون عن خدماته ورد عليها واحد من اخوانها وهو يضحك:وانتي وشدراج بها المعلومات ؟ نوف ارتبكت : اخته توها مكلمتني عشان تشوف ردنا قبل لايتقدمون رسمي بعد يومين جوا اهل خالد واطلبوا يد نوف رسمي لولدهم خالد من بعد ما جا خالد المسج من نوف المتفق عليه .. وبعد عمل الفحوصات الطبيه اللي ما قبل الملكه وظهرت النتيجه انهم ما فيهم شي ملكوا وحددوا العرس بعد اسبوعين لأن تقارير خالد طلعت وبيروحون للعلاج وشهر عسل بالمره الجازي كانت تتواصل مع مها وتحاول تجمع اللي انقطع بسبة المشاكل اللي صارت واجتمعن في بيت نوف يوم ملكتها وبعد بكا وتشره وليش وشحقه تمت المصالحه بين الصديقات وخاصه ريماس من بعد ما حملت وتصالحت مع تركي احلوت حياتها ومستعده للسماح لأي كان مها استانست وقامت تضم ريماس مها : انا لي شهرين ما صار بيني اي احتكاك كله سلام من بعيد كاننا اغراب ريماس : ديري بالج والحين تعالوا نوحد جهودنا ونجهز عروسنا المستعجله على العرس كل ذا حب لها الخالد نوف وهي محمرة الخدود :رموس ووجع وش حبه اسكتي مها : اجل ملكه اليوم والعرس بعد اسبوعين نوف:عشان فحوصاته اللي يصادف بعد اسبوعين ولا انا ... الجازي: يعني شهر عسل وممرضه خوش والله نوف استحست من ها الطاري وبين عليها ها الشي وكانت منزله راسها مها:الجازي اما عليج عبارات تغث بعض المرات نوف: هاي الواقع وبما اني السبب للي هو فيه فانا مستعده لكل شي وعلى مضي الأسبوعين خلصت نوف من تجهيزاتها وسوت لها حفله بسيطه طبعا بدون حضور العريس لأن منظره ما يسمح له بعد انتهاء الحفله جا تركي ياخذ ريماس من قدام بيت اهل نوف وكان مشغل وحده من شلاته بالفون ويشل بهدوء عشان محد يشوفه ويقولون مجنون ولاحظ فيه ثنتين قدام سيارته مترددين مره يطالعونه ومره يضكون تركي : حمد الله والشكر شهالاشكال .. ورد يقلب بالشلات وسمع دق على الدريشه رفع راسه ولقى البنتين فتح الدريشه وهو منصدم من جرأتهم : نعم ؟ : انت جريح المحبه تركي بينه وبين نفسه لله يخسك يا عزوز : أي خير الشيخات فيه شي ؟! : تكككفى طلبتك انا على وجه زواج وابي اسوي دخلتي بصوتك تركي : لا يالشيخه انا اعتزلت خلاص وانا واحد متزوج لو سمحتي انتي وياها روحوا مابي زوجتي تفهم الموضوع غلط وحده من الثنتين لما شافت وحده متقدمه من السياره اطلقت ضحكه بكل وقاحه انصدمت ريماس من البنتين وتقدمت من السياره وفتحوا لها المجال دخلت وخلت الباب مفتوح وهي تتناقل نظراتها بين تركي والبنات تركي : هذي اغلاكم يلي ماتسوين دوسة رجلها ريماس ابتسمت وكلمتهم : معجبات ؟ : تكفين تكفين ماتردين لي مطلبي ريماس منصدمه: امري ؟! : انا عرسي قريب وابي زفتي بصوت جريح ريماس صدت لتركي الي تنرفز من الوضع : سكري الباب ريماس ريماس : عطيني رقمج وانا بكلمج بعد مانتكلم انا ويا ريلي بالموضوع استانست البنت وعطتها رقمها اما الثانيه بكل وقاحه راحت صوب دريشه تركي : ممكن توقع لي صد لريماس الي نزلت راسها عورت قلبه : سكرت ريماس الباب وشخط تركي في وجههم وهو معصب راحت نوف لبيت خالد مع خواته وامه ودخلوها عليه في ملحقهم الخاص فيهم نوف : السلام عليكم خالد : وعليكم السلام كانت نوف لابسه فستان ناعم من لون واحد والي محلي الفستان الفيونكه الي معطته مظهر احلى .. وكانت حاطه ميك اب ناعم ورافعه شعرها لفوق وناظرها شوي وبعده غض النظر خالد : هاذي الغرفه قومي بدلي وخلينا نصلي ركعتين لله نوف : ان شاء الله بدلت ولبست لها شي ناعم وبعد الصلاه خالد : تبين تتعشين نوف: لا ما اشتهي خالد:وانا بعد والحين بخليج ترتاحين وهذه غرفتج اخذي راحتج وانا بروح اريح نوف:ممكن سؤال؟! خالد:تفضلي نوف:ممكن اعرف انت ليش رافض تشوفني الشوفه الشرعيه يوم املكت والحين من دخلت عليك حتى ما شفتني ولا حتى فكرت تلبسني الدبله ولا كنت ترد على تليفوناتي خلال ها المده اللي راحت خالد:خلصتي كل اللي عندج؟ نوف تطالعه : .. خالد : الشوفه وشفتج كذا مره والشبكه والدبله ها الأشياء الشكليه مهب بينا وانتي عارفه ظروف زواجنا وانا ما بغيت اجي واصير منظر وبحلقه للكل وصد عنها نوف : وتيلفوناتي ؟ خالد : وش الفايده وش تبين تعرفين عني وكل شي وعارفته نوف:ليش تعاملني كذا خالد؟ خالد:وشلون تبيني اعاملج اركع لج وفي يدي ورده حمرا واتغزل فيج مثلا ؟؟ نوف طالعته شوي وراحت عنه للغرفه تبي تنام ولا تبين له ضعفها وانهيارها بسبة كلامه وه من راحت ظل ساكت وتمدد على الكنبه ويفكر فيها وتبسم من شكلها الكيوت وعيونها الحلوه وغفى شوي .. وقام ع الساعه عشر وراح لها يبي ياخذ له شور لقاها نايمه وفي عيونها بقايا دموع تقدم منها يتأملها حزن عليها " قدم يبي يمسح دموعها " لكن منع روحه .. وقام للحمام يتسبح وبعد ما خلص جا صوبه ووقظها خالد :قومي بنروح لهلج تسلمين عليهم وبعدين للمطار مباشره نوف فتحت عيونها تتطالعه خالد اشر لها بمعنى فيه شي !! نوف غمضت عيونها خالد: يلا قومي .. انا بسبقج لامي وابوي ينتظرونا خلصي وتعالي نوف : ان شاء الله وقامت وتغسلت وبدلت وضبت اغراضها ابو خالد وهو يحضن خالد : دير بالك على روح نبيك ترد لنا وانت بطل ولد البطل وسلم عليه خالد : ان شاء الله .. وحب راس امه وقعد يتقهوى نوف بعد ماخلصت اتصلت بخالد : الو خالد : تعالي الصاله نوف : ما ادل خالد : يلا جايج .. وجابها لأمه وابوه وسلموا عليها خالد : بروح اركب الاغراض نوف : وهي تسلم على ام خالد وابوه ابو خالد : يا يمه ابيج توسعين صدرج عليه هو بعض المرات يعصب بس مافيه مثل قلبه نوف : من عيوني وفي السياره خالد قدم لها صباحيتها نوف:وللل كل شي في زواجي غير حتى مكان تقديم صباحيتي غير خالد:اكيد ولا انتي مفتكره ان فيه شي بيتغير في حياتنا بعد الزواج انتي فرضتي روحج علي وتحملي كل شي بيجيج ولا تقعدين تتذمرين ترى الطريق قدامج طويل نوف صدت وبدت تصيح بصمت وبعد ما وصلت لأهلها نزل خالد وسلم عليهم وتقهوى معهم وطلع منهم من بعد ما وصوه على بنتهم الغاليه في لادوريه فيلاجيو . . كان تركي متجمع مع الشباب الي صار له فتره من جمعاتهم وضحكم عبد العزيز وهو يضرب تركي على كتفه بشويش : تكلم وانت من امس ابيك وابي اشوفك تركي : وهو لاوي ذراع عبد العزيز : قسم بالله لو شفتك منزل لي صوره ولا فيديو مب احسن لك وهده وهو يمسح على ثوبه كأنه واحد مشهور : انا واحد تعبت من المعجبات وانا انسان متزوج يعني لازم .. وقبل لايكمل : خذ هاي جا طفل صغير وشايل ورقه رفع راسه تركي ولقى نفس البنات الي امس وكلم الياهل تركي : من عنده هذي يا بابا الطفل وهو معصب : انا مو بابا انا فيصل تركي والشباب ضحكوا على اسلوبه وهو معصب .. نزل تركي لمستوى فيصل وقال له : هاي من عند منو حبيبي فيصل فيصل وهو يطالع صوب شلة البنات : خالوه مناك عبدالعزيز خذ الورقه وقرا الكلام لتركي : جريح المحبه هذا رقمي وهذا بن كودي ياريت نتواصل تركي : قسم بالله ناس ماتستحي على وجهها ... وتو بيقوم للبنات عبدالعزيز وسيف مسكوه : وين يالحب تركي : هدوني واصله عندي .. احسن لك تنقلع عزوز سيف : شفيك اذكر الله تركي : لا ياسيف هالبنات جوني للسياره وقدام ريماس لو اختك مب مكبره عقلها كان انا رحت ملح وشكت فيني عبد العزيز : هد اعصابك ونزل لفيصل .. خلاص بابا روح انته الحين وقول لخالوه جريح خذا الورقه فيصل الي بدا يعصب : اننننننا مو بابا انا فيصل عبدالعزيز الي مااات من الضحك : زين الشيخ روح لخالوه .. وتو بيكمل الا جاه كف على عينه : انا مو شيخ انا فيصل عبدالعزيز : انت معزبي انت بس لو اعرفك علقتك من ريولك واكفخ فيك يالسبال فيصل الي بدأ يصيح وسوا ازعاج : اننننننننا مو معزبي انا فيصل تركي : ياليل الشققققققا بتاخذونه من قدامي ولا قسم بالله ارتكب فيه وفيكم جريمه : فيصل تعال فيصل قام لخالته الي صارت توزع ابتسامات على القاعدين سيف : اقصري الشر يابنت وروحي عبدالعزيز وهو يرفع الورقه بمعنى انها عندي جواهر رفعت له حاجب : بس هالورقه لجريح مب لك عبد العزيز : يا بنت الناس جريح متزوج شتبين فيه انا افضى لج واقند فيج الكيف وهو يغمز لها سيف : عبدالعزيز احترمني شوي وانتي الشيخه توكلي على الله جواهر راحت وهي تتأفف تركي : ماعجبتها ياللوح وهو يدزه وقعده على الكرسي عبد العزيز : لا لا خلنا حبايب لازم ماتعاملني بهالطريقه قدامها ههههههه وهو ماسك حنك تركي وطبع حبه على خده اليمين وصوت البوسه كان عالي تركي : الله يلوع كبدك وخر عني وهو يدزه عبدالعزيز حاضن تركي : ياتركي لاتفشلني الله يخليك تركي وهو يرمش : ياحبيبي ياعبدالعزيز وهو يمسح على ظهره والبنات لاحظوا كل محاولات عبد العزيز الي كان يضحكم كل شوي .. لي جا اتصال لجواهر وقامت وقام وراها عبد العزيز تركي : والله صاحبنا رايح فيها متى الله بيهديه سيف : لعوزوا ريماس ؟ تركي ابتسم : وانا موجود يخسون والله سيف ابتسم .. وارتاح اكثر من راحته على تركي وريماس نوف وخالد وصلوا للمطار وبعد ساعتين اقلعت طايرتهم متوجهه لألمانيا وفيها قلبين محملين بتعب وهم ما يتلم ◄انتهى البارت ► المصدر: منتدى همسات الغلا ((j[dx kuar fuq H;evv ,H;evvLhgfhvj hgohls ,hgsh]s uavv)) H;evv hgohls fuq uavv)) ,H;evvLhgfhvj ,hgsh]s   مرر الماووس للإستماع   |
|
26-05-2016, 11:30 AM
| #2 | |
  
 | البارت السادس عشر والاخير ღ bcღ ﻟﯾته ﯾدري فِ ﺑعآده : / ۈش ﺟرى : ﮐﯾف ﺂقآوم دﻣﻋﺗي !̴ ﻵﻣن ﺑﮐﯾت بعد استقرار نوف وخالد في المانيا قضوا اسبوع وهم صباحهم نوم وليلهم تفرفر في الأماكن السياحيه وكان خالد يتجاهل نوف من يدخلون الشقه وكانهم اغراب وكان واضح لنوف ان خالد يتكلم اللغه الأنجليزيه بطلاقه وكانت تصيده بين فتره وفتره وهو يراقبها ومن تصيده يصد عنها قامت نوف في يوم من الأيام وما لقت خالد في الشقه واستغربت منه ها التصرف عمره ما طلع وخلاها بروحها !! وانتظرته اليوم كله ولا فيه اطمئنان من جهته لها حتى تليفونه ما تعرفه وما جاء نص الليل إلأ قدها منهاره من المحاتاه والصياح وعلى الساعه ثلاث جاها خالد تعبان ومنهك وشووي وبيطيح من طوله استقبلته بالصياح والصراخ نوف بأنفعال : ليش تطلع وتخليني كذا .. خالد ليش تسوي فيني كذا وين رحت وليش ما اتصلت فيني اتطمني عليك ولا كلش ما اهمك ؟ ولا خذت بالها انه تعبان حده خلاها خالد تفرغ كل همها فيه وراح عنها لغرفته وطاح على السرير حتى بدون ما يغير اتبعته خالد:نوف خليني الحين بتفاهم وياج بكره نوف ولا اهتمت في رده اللي خلاها تموت قهر منه وكانت بتواصل وبتعاتبه اكثر ... بس هو حط يده على وجه ونام وتوها تنتبه ان شكله مرهق وما بدل هدومه نوف : قوم اساعدك ساعدته في تبديل ثيابه وريحته في نومته ولحفته وراحت لغرفتها تحاول تنام وبكره يصير خير وصحت على المغربيه واكشخت وتعطرت له وكانت ناويه عليه وراحت للصاله لقده توه صاحي وقاعد نوف : مساء الخير خالد بدون مايلتفت : مساء النور نوف تنهدت وراحت للمطبخ وجابت لها وله اكل خفيف وقعدت جنبه وكانت حاطه ميك اب خفيف وقعدت تسأله نوف : وين كنت امس ! وهو كنه اطرش بالزفه ولا كنها شايفها وتجاهل كشختها وحركاتها نوف اعادت عليه السوؤال نوف : وين كنت امس خالد ؟! خالد:كنت في المستشفى نوف :هاه وش مستشفاه وليش تروح ولا تاخذني معاك ؟! خالد:هيه شوي شوي علي تراني تعبان ولاني بقادر على المناقشات نوف:زين وش سويت في المستشفى وكانت ماسكه روحها لا تنفجر فيه من كثر ما هي محتره منه خالد:انتي ناسيه احنا جايين من الأساس ليه هنا ولا صدقتي انه هذه الرحله رحلة شهر عسل نوف:وبعدين؟؟ خالد : كن كلامي مهب عاجبج نوف :لا عاجبني " وخذت نفس " وش قالوا لك ؟ خالد:ابد سووا لي فحوصات لوجهي ويدي وكانوا يبوني انام عندهم بس انا رفضت وجيتج ما قدرت اخليج بروحج خالد طالع في عيونها لثواني وكمل خالد : وعندي بكره موعد ع الساعه /11/الظهر وبروح له وعلا اساسه بيقررون اذا احتاج عمليه ولا لا نوف :أي عمليه؟ خالد:بياخذون جلد من فخذي وبيرقعون به وجههي نوف:والعمليه هاي خطيره خالد:كل عمليه ولها خطورتها المهم انتي ابيج تكونين قويه وتقعدين هنا في الشقه وتجين لزيارتي في مواعيد الزياره نوف:خالد انت وش فاكرني واحد من الربع بيقعد في الشقه وبيزورك لا ... انا مره وفي بلد غربه واخاف خالد:شوفي نوف انا ظروفي كذا ولا اقدر اخليج تباتين عندي في المستشفى سكري الباب بالقفل نوف:اوكي خالد ما خليت لي مجال لشي ثاني ومشت حياتهم هو في المستشفى وهي في الشقه تزوره لين سوا العمليه للوجه وتيسرت وكانت مؤلمه وكلها معاناه بس تيسرت وبقت عملية اعصاب اليد بيسويها بعد كم يوم وطلع ورح للشقه يريح لحد موعد العمليه الثانيه في يوم كانت نوف تعبانه ما قدرت تقوم تعبانه ومسخنه ساعدها خالد وداها للمستشفى وعطوها ابره وعلاج وقالوا لها ترتاح في مكان دافي ولا تشرب الأ السوائل الدافيه وخالد هبابه روحه وجروحه وزاده تعبها معابل سوى الي يقدر عليه من عمل كمادات وشوربه وكان يساعدها بكل اللي يقدر عليه وبعد ثلاث ايام شفت من سخونتها وحاولت انها ترد لخالد اللي سواه معها بانها تساعده ولا تضيق عليه وكانت اثار العمليه في وجهه محمر ولين الحين ما تعافى كامل وجاء موعد عمليه يده وراحت نوف معه ووقفت وياه ولا طلعت من المستشفى ألأ بعد ما تطمنت عليه راحت للشقه وقعدت بروحها تفكر في حياتها اللي تغيرت بزواجها من خالد وانه اذا ما غير معاملته لها ما عاد تقدر تصبر على جفاه واسلوبه القاسي وهي وش سوت عشان ذا كله ظل خالد اسبوع في المستشفى وكان مطلوب منه منه يظل تحت المراقبه ومزاولة العلاج الطبيعي والتمارين وفي يوم دخلت عليه نوف ولقته يعابل شي ثقيل يبي يدفه ويوسع المكان واستعمل يده المصابه فصرخ فجات على صرخته وساعدته وقعدت تهاوشه وهو دزها من حر ما فيه نوف انصدمت من حركته فصرخت وجات صوبه وضربته على صدره وهزته وهي تبكي:خلاص خالد ما عاد اقدر اصبر على لامبالاتك وتجاهلك لي ..خلاص وهي تنتفض وتصيح خالد عوره قلبه وضمها لصدره برغم الألم اللي في يده وهداها وجرها وقعدها على الكنبه ومسك يدها خالد :هذه الحياه اللي انتي اخترتيها وانا ما جبرتج عليها نوف:اوكي بس خلك مرن وعاملني معامله عاديه مابي حبك بس مابي كرهك ولا تجاهلك لي خالد:قام وخلاها في الغرفه وطلع من الشقه بعد ما قال لها انه بيروح يجيب حاجه وراد بعد شهر كامل قضاه خالد ونوف برا الدوحه وخلص خالد فترة علاجه وتمارينه وكان كل شي لصالحه بفضل الله وارادته وصبره على الألام المبرحه وخذ تقرير بذلك رد للشقه فرحان يبي يبشر نوف وانه مجهز لها مفاجئه دخل وكنه صاروخ وراح لها غرفتها ما لقاها دورها في الشقه محصلها استغرب يعني وين بتروح هي ما تطلع إ لأ معي ولا تعرف حد هنا غيري قعد ينتظرها خمس ساعات مضوا عليه كنها خمس سنين وتوه متحرك لباب الشقه الأ هي داخله وعيونها محمره من كثر ما صاحت ويوم شافته واقف وعيونه لوم وعتاب مرت عليه وسلمت وراحت لغرفتها ولا كنها سوت شي خالد:نوف وش فيج وين كنتي وشفيج تكلمي وشفيج مبلمه نوف ما ردت وحطت راسها ع السرير ولفت روحها وتجاهلته خالد ما عجبته الحركه ير اللحاف وقعدها على السرير إلأ يفهم وش بلاها وش فيها نوف:نعم وشتبي فيني انا خلاص ما عاد اقدر استحمل كثر ما استحملت انا بشر ولي طاقه قول اللي تبي ومن بكره ابيك تحجز لي برد لهلي ولديرتي وانت الحين ما عاد تحتاجني واصلا انت ما كنت في يوم محتاجني في حياتك على الأقل القى اللي يرد لي الصوت ويحسسني بأهميتي خالد:هذا اللي تبينه مهب انتي اللي فرضتي روحج علي واجبرتيني اني اتزوجج وانا مشوه وضايق من دنيتي نوف:خلاص خالد الكلام هذا ما عاد له اهميه عندي الحين انا ابي ارد الدوحه وبس خالد:اوكي وانا بعد كنت مجهز لج مفاجئه بس خلاص ما لها داعي الحين واللي ابي اقوله لج اني خلصت فترة علاجي وبنرد الدوحه نوف:زين الحمدالله ع السلامه اجل بنرد متى؟ خالد:جهزي روحج واغراضج وان شاء الله على بكره المغرب رادين بس كان ودي اعرف وش اللي خلاج تنفجرين كذا بدون مقدمات يعني لنا اسبوعين واحنا ماشيه احوالنا تمام بس على راحتج يا بنت المسلمين شوفي بوصلج لبيت هلج اول ما نوصل وخليج هناك كم يوم وبعدين نتفاهم نوف :وش نتفاهم عليه خالد:اسمعيني نوف الحين منبي نتكلم في أي حاجه خليها بعدين مهب عشاني وعشانج عشان اهلنا مانبيهم يفرحون بردتي وسلامتي ويبفجعون بانفصالنا اوكي ؟ ولحفها وابتسم خالد : الحين بخليج بروح اجهز اغراضي وبشيك على اموري والحين تصبحين على خير وطلع وسكر الباب بشويش وراه نامت نوف وهي مرهقه وفاتها تلاحظ ان خالد كان يبي يقول لها اشياء كثيره وانه كان مجهز لها مفاجئه !! كانت ريماس سعيده بحياتها مع تركي ومع تقدم حملها ريماس:تركي ترى بروح لنوف جات من شهر العسل وراحت بيت اهلها وبنروح كلنا لها هناك جاها تركي وقعد جنبها وحط يدها على بطنها الكبير وهو يضحك ويوشوش الطفل ويسولف عليه بعدين اشرعلى عيونه تركي : من عيوني يا عيوني المركبه انتي ريماس:يوه تركي خلاص تركي وهو يبوس كل صبع بروحه : شنوو خلاص مثلا اوقف عن حبج ريماس :يا ويلك لو توقف عن حبي تركي:الله عليج يا الدنيا وين كنا وشلون صرنا ، وريماس تتدلل عليه بنظراتها تركي:بتطولين عند نوف ريماس:لا ما اعتقد المره توها راده من شهر العسل واكيد بتروح لبيتها بس بنسلم وبنرد وبعدين بنزورها في بيتها ونودي لها هديتها تركي:ممكن سوؤال؟ ريماس :امر وش تبي تعرف تركي:الحين انتي ومها رجعتوا مثل اول ؟ ريماس:أي تركي ما عاد تراكمات ولاغيظ ولاغيره بل بالعكس صرت اشفق عليها من لقب مطلقه اللي حاملته بسبة تسرعها بس الحمدالله هي تشتغل مع الجازي ولا تحس انها اقل منا تركي:الله يوفقها المهم جهزي نفسج بوديج ومتى ما خلصتي دقي لي بجيج تجمعن مها والجازي وريماس عند نوف في بيت اهلها وجاتهن وقعدت معهن وكان مبين عليها العب وكل ما سئلنها عن احوالها ما كانت ترد عليهن .. كانت هي وادي وهن وضحكهن وسوالفهن في وادي وفي لحظه ! قامت وسكرت باب المجلس وارتمت في احضان صديقاتها وقعدت تبكي وهن منصدمات منها وقعدن يهدنها وهي مهيب صوبهن كلش صياح وانهيار لين ارتاحت وتعبت من الصياح وخذت لها نفس وقالت لهن كل شي وانها اتفقت مع خالد على الطلاق ريماس:لا نوف لا تقولين حرام عليج روحج انتي واضح انج تحبينه ليش ها التسرع نوف :وش اسوي قولي لي انا تزوجته عشان احس بتأنيب الضمير لكن مع الأيام حبيته الجازي:زين وهو وش راييه يومج طلبتي الطلاق ؟! نوف:اول شي انصدم بعدين قال هذا انتي اللي طلبتي وانا ما اقدر اجبرج على شي انتي قررتيه من البدايه " وهي فكر شوي " وكملت لهم نوف :لحظه بنات هو في اخر يوم قال لي انه مجهز لي مفاجئه وانه مدري شنوو بس انا صرخت عليه وما خليته يكمل مها:لا حول خربتي على الرجال تهقون وش كان ناوي يقول الجازي:وشدرانا وها الخبل عطته فرصه صبرت كل ذي المده وفي اخر لحظه قالت ابي اروح لبلادي وهلي مها تغافلت نوف وخذت رقم خالد منه وشرحت خطتها للجازي وريماس ووافقنها على الخطه ريماس:ههههه اسمحي لي مهوي ما اقدر اساعدج في اللي انتي بتسوينه لأن تروك بيذبحني مها :وخر عنها تروك لبيه بس لبيه وانتي جزوي وش قلتي الجازي:وانا بعد ما اقدر اسوي شي احنا موافقين بس والله بدر بيزعل مني لو درى عني تذكرين مهوي ذاك اليوم اللي شافني فيه اتجادل مع واحد من اللي جايين للمرسم لعوزني يغار علي فديته انا مها:يله هذا اللي بلقاه منكن خلاص انا بسوي كل شي الحمدالله اني ماني في رقبة رجال يحاسبني بعد اسبوع من قعدة نوف عند هلها (طبعا اهلها ما يدرون عن خلافها مع خالد على بالهم ان خالد مشغول شوي) وهي فهمتهم انه في دوامة شغل ومراجعة شغله وانا ابي ارتاح عندكم بعدين بيجيني ياخذني كانن الصديقات كل يوم عند نوف ولا حسسنها باللي ناويات يسونه لها جات مهوي وخذت نوف وراحت معها للصالون ف الصالون نوف: مهوي احنا مسويين لج حفلى نقاهه في فندق شرق ونبي نسترجع اللي فات من ذيك الأيام الخوالي مها : انا احب الوناسه خلينا نفلها ونفتل وراحن لجناح خاص كله موسيقى هاديه واضواء هاديه نوف :مهوي وين البنات وليش المكان هادي مها :صبر شوي بشوفهن وين ... وهي شايله الفون .. لا حول مابه ارسال خليني ادق لهن من برا خليج شوي وراده طلعت برا الجناح ولقت خالد برا مها : استلم ويا ويلك لو تخليها تعيسه ولا لعوزتها،،خالد:هههههههه لا حول وانتي كله تهديد من اول مكالمه لج معي خلاص والله بعد الكلام اللي قلتيه لي واللي اصلا انا مقتنع فيه بحطها في عيون ي ولا توصين والله يوفقج ويقدرني ارد جميلج مها :مابه جميل بس خل بالك من نوف وبكذا تكون رديت لي الجميل ..وراحت عنه دخل الجناح وقفل الباب وجاء صوب نوف ونبهها لوجوده وهي هنيه بغى يغمى عليها من وجوده :خالد وش جابك هنا والتفت يمين يسار وتصوت مها مها وينج ؟ خالد:هههههههههه مها تسلم عليج وراحت نوف:هاه وش تقول وش السالفه وانت وش عرفك بمها ؟ خالد:بقولج بس قطي عباتج وتعالي سلمي علي نوف:اسلم عليك ليش وشحقه ؟ خالد:اوووه الحلو زعلان نوف:اقول ممكن تقولي وتشرح لي ولا بطلع خالد:نعم نعم تطلعين وين بتروحين في تالي ها الليل ولا تظنين ان ما وراج رجال ومد يده لها يبي يسلم بس هي تجاهلت يده وقعدت تطالعه باستغراب وشلون وش صار خالد:خلاص بقولج عشان نبدأ من البدايه وتعرفين اللي لج واللي عليج هذه الله يسلمج مها اتصلت اتصلت فيني نوف:وش اتصلت فيك وهي من ين لها رقمك خالد:ممكن انصات وهدوء وعدم مقاطعه عشان نوصل للنهايه نوف:تفضل خالد:المهم اتصلت فيني مها وما خلت كلمه في قاموس الشتايم ما قالته والتهزيئ وانا من ناحيتي ما سكت لها لين حلفتني بأغلى من احب وذكرت اسم شخص غالي علي هنيه سكت تعرفين ليش نوف نوف رفعت راسها تبي تعرف وش يبي يوصل لها خالد:قالت لي وحياة نوف اللي انت تحبها انك تسكت لين اخلص كلامي نوف:هاه !! خالد :وانا الحين بقولج وحياة غاليج تخليني اكمل لين النهايه بدون مقاطعه ولا تفتحين عيونج كذا نوف:صدت وحست بدقات قلبها بتفضحها هذا اذا مها ما افضحتها عنده خالد:المهم صديقتج عطتني موشح في العلاقات الوديه والحبيه وان الدنيا من دون عيون نوف ما تسوى وان......... وان..... وانا ساكت لين خلصت شكرتها للتوضيح اللي هي وصلته لي وشريكة عمري ما قالته لي واتفقت معها على اني اخطفج نوف:شنو تخطفني؟؟ خالد:يعني باخذج يومين نبقعد هنا ولا حد بيدري احنا وين لا من هلج ولا من هلي نوف:مهب على كيفك خالد:حط يده على خصره وقال اجل من على كيفه؟ نوف:انا ابي اروح لبيتنا خالد:اوكي بنروح لبيتنا بس بعد يومين انا حاجز هنا لي ولج شهر عسل صغير بدل اللي خربتيه هناك نوف:انا اللي خربيه ولا انت اللي عذبتني خالد:ههههههه لا يا قلبي انا ما اقصد الرحله ككل لا انا اقصد يوم قلت لج عندي لج مفاجئه كنت ناوي اعتذر منج وابدأ معاج صفحه جديده كلها شكر وعرفان لج ولصبرج علي نوف:وانا جيت وانفجرت في وجهك خالد:تذكرين والله اني بغيت امووت وانا اشوفج تصارخين وتضربيني كارهه وجودي معج وما قدرت اشرح لج ولا كان في يدي إ لأ اني ارجع للدوحه وبعدين احاول وياج من جديد نوف:بس انت من نزلتي ذاك اليوم ببيت هلي نسيتني خالد: من قالج ههههههه كنت كل ليله امر على شارعكم كني مراهق واطالع صوب شباكج ولا ارجع ولا ارجع لبيتنا إ لأ اذا شفت إضاءة غرفة نومج طفت نوف ابتدت دموعها تنزل وقالت له: وليش ما اتصلت فيني جاها خالد وقومها وضمها صمه بغت تهشم ضلوعها من الشوق والوله وقعد يحب شعرها ويتغزل في عيونها الغرقانه عيونها الصغنونه اللي من كثر الصياح بتختفي وبعدين منتي بشايفتني نوف:اووه وخر عني ما احبك خالد:تحملي تحملي تكررين ها الكلمه لو تدرين شقد كنت اخاف منها ومره قلتي لي اكرهك بغيت امووت قامت وخذها ووداها للغرفه الثانيه وراواها احلاها غرفه ممكن تكون مجهزه لعروس نوف:واااي من مسوي ها الشي الرومانسي اكيد انت خالد وهو يضحك: لا يا قلبي هذولا صديقاتج وبعد جابوا لج اشياء حلوه تعالي شوفيها ووداها للكبت يراويها اروع ما شافت من قمصان النوم و والعطور والمكياج هنا ولعت خدودها وحاولت تهرب من الغرفه للصاله بس خالد مسكها وقال لها:نوف قلبي نوف:هذه ثالث مره ها الليله تقول لي نوف قلبي فهل تقصدها ولا بس كذا خالد:اها يعني تشكين فيها خلاص بقرن الأقوال با الأفعال عشان تصدقين تعالي وخذ يدها ولبسها دبله حلوه منقوش عليها اسمه وكلممة احبج مووت وباس يدها بعدين طلب العشا خالد: رتبي نفسج وعدلي كحلج اللي اخترب وتعالي نتعشى على ضوء الشموع ونتناقش في امور حياتنا السعيده باذن الله وجات وقعدت جنبه وقعد ياكلها ومع كل لقمه غمزة عين وبوسة يد وهي منتهيه من المستحى وهو ولا هامه نوف:خالد كفايه خالد:كفايه ايش نوف :مدري بس خالد قومها وقعد يلف بها الغرفه كنه يراقصها وقال لها والله العظيم اني حبيتج من اول ضمه لي معج تذكرينها يوم كانت السياره تشتعل فينا وانا خاش وجهج عن الزجاج واللهب والله ان قلبي تجاوب مع دقات قلبج يومج قلتي لي والله ما انساك لين اموت نوف:بس ما كان يبين عليك كنت كله تعذبني ذيك الأيام في المستشفى وفي السفره خالد :حلفت لو القدر انجاني اني اخذج وترى اللي سويته فيج حركات ما كنت ابيج تتزوجيني شفقه ولا تأنيب ضمير نوف:يمكن با لاول بس بعدين حبيتك وحبيت كل شي يمت لك بصله خالد:وش قلتي عيدها يا قلب خالد عيديها نوف خشت وجهها بيديها عنه قام وشل يدها عن وجهها وحب عيونها وقال ما استحمل فرقى عيونج لحظه ممكن ما تحرميني منهم من يوم ورايح وقضوا ليلهم في مناجاه وحب .. نرجع لأبطالنا ونشوف وشصار وياهم سيف وزوجته البندري جاهم ولد وعايشين مستانسين مع الجده ام خالد وام سيف وكله حياتهم ود وتواصل ريماس وتركي سبحان مغير الأحوال حياتهم عشق في عشق من بعد ذاك الكره وجابوا بنوته كنها البخت كنها امها ومن شافها تركي قال لريماس يا ويل حالي اشهد انها بتعذب عيال الجيران بها الزين اما خالد ونوف فتوهم مبتدين حياتهم اللي نتمنى لهم السعاده ذاتها اللي حافت ريماس والبندري والجازي ومها عايشه متحرره من القيود وتقول اذا لقيت رومانسي مثل تركي وشهم ومغوار مثل خالد ووسامة مذيعنا بدر وشغل ومركز سيف بوافق وهذه مواصفاتي الحين اكملت لكم قصتي الاولى اللي اتمنى انها تكون اعجبتكم ابي راييكم فيها ككل .. لا خليت منكم ومن تواجد متصفحي و من مرني ..................... انتظروووووووني بقصتي الثانيه اللي بنزلها بعد العيد.. وكلي تمني ان تعجبكم كما اعجبتكم قصتي هذه استودعكم الله الذي لا تضيع ودائعه | |
| مرر الماووس للإستماع |
|
26-05-2016, 11:31 AM
| #3 | |
| صباحكم / مسائكم كل الخيرات والمسرات ال همسات الغلااااااااا وهذا انا انزل لكم بارتيني الاخيرين بقصتي هذه وانتظروني بعد العيد ب قصه جديده لي وكل عام وانتوا بخيررررررررر | |
| مرر الماووس للإستماع |
|
26-05-2016, 02:07 PM
| #4 | |
  
| روعه ياقلبي ماقصرتي روايه بتجنن بأحداثها بانتظار روايتك القادمه وكلي شوق ولهفه كل عام وانتي بخير حبيبتي تقييم ونشر وختم لعيونك | |
  |
|
26-05-2016, 03:00 PM
| #5 | |
| مساء الخير" احلى بارتين بالروايه" نوف وخالد ياحلاتهم والله طيور الحب نوف بنت مهبوله وتستاهل كل خير .. ريماس وتركي احلى ثنائي ..تتربى البنوته في عزهم ريماس على غرورها الا انها بالاخير خضعت لـ تركي وحبه تركي رجال شهم ومغوار قليل نلقى مثله بهذه الأيام الله يسعدهم ... الجازي وبدر حياه هادئه وجميله الله يخليهم لبعض ... سيف والبندري بهذا البارت مالهم وجود لكن حلوه حياتهم بوجود الطفل..الله يحفظه لهم ... ام خالد وام سيف ..ياحلاتهم العجز الله يطول بعمرهم .. تسلم الانامل الذهبيةة بنتظار روايتك القادمه وياليت تكون اطول ! مبارك عليك الشهر مقدماً الله يتقبل صومك وقيامك ,, اختك: همس الخفوق  | |
 تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر"  |
|
26-05-2016, 03:05 PM
| #6 | |
 
| الله عليك سلمت أناملك من جد روايه رائعه ماقصرتي الله يعطيك العافيه احترامي وتقديري لك | |
| |
|
| الكلمات الدلالية (Tags) |
| ((تجيء , أكثرر , الخامس , بعض , عشرر)) , وأكثرر/البارت , والسادس , نعشق |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ((تجيء نعشق بعض أكثرر وأكثرر/البارت الحادي والثاني عشرر)) | اسكن عيوني | حصريات الروايات والقصص القصيره | 23 | 23-07-2016 06:23 AM |
| ((تجيء نعشق بعض اكثرر واكثرر/البارت الخامس والسادس )) | اسكن عيوني | حصريات الروايات والقصص القصيره | 31 | 03-07-2016 06:00 PM |
| ((تجيء نعشق بعض أكثرر وأكثرر/البارت الثالث والرابع عشرر)) | اسكن عيوني | حصريات الروايات والقصص القصيره | 33 | 29-06-2016 02:40 PM |
| زيت الزيتون البكر الخالص يسهم في خفض السكر والكوليسترول بالدم | غلا الكويت | (همســـات الصحه والطب) | 12 | 05-09-2015 07:32 PM |
| تلخيص بلادى الكويت الفصل الثانى للصف الخامس | سوار الياسمين | (همسات الجامعة والطلبه والطالبات) | 15 | 06-03-2014 02:35 AM |
العرض العادي
