 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
23-05-2016, 09:58 AM
| |||||||||||||
| |||||||||||||
 ((تجيء نعشق بعض أكثرر وأكثرر/البارت الثالث والرابع عشرر)) bcღ متقَآسمِن هـ الحب بيِني وبينَه /’ ويضِيق صَدره كل مَآضَآق صدرِي آبكي لِيآ منْ جآت عِيني بْ عِينَه ’ ويقُول ويشْ العِلم وآقُول : مَدري بعد مرور شهر على حادث نوف تجرأت وراحت تشوف خالد ووين وصلت حالته ومن خلال اسئلتها للعاملين في المستشفى عرفت اسمه بالكامل وسكنه ووظيفته وان له علاج طبيعي كل اثنين وخميس وقد زارته مرتين ورفض انها تدخل عليه بس ها المره صممت ما تستأذن وما تاخذ رايه ولو كلفها الأمر انها تدخل عليه بالقوه دخلت وفتحت الباب وقربت منه شافها وعرف انها نوف لأن ما به حد بيجيه من هله بس حط نفسه ما يعرفها تأكد من غطاء وجهه وقال لهاهلا اختي من بغيتي نوف هلا خالد ما عرفتني خالد لا من انتي لو سمحتي؟ نوف أنا البنت اللي انت انقذتها خالد انتي ...! بس اختي ما فيه داعي تجين لحد هنا مهب عدله في حقج نوف يعني تنقذني وتفقد علشاني الكثير مستكثر علي اشكرك وجه لوجه خالدمشكوره الشيخه الشكر لله وانا كنت بسوي ها الشي لج ولأي واحد كان بمكانج واهلج ما قصروا قاموا بالواجب لدرجة ان ابوج عرض انه يسفرني على حسابه بس انا رفضت والدوله بتسفرني بعد كم يوم وعدل الغطاء مره ثانيه وكمل خالد وصل سلامج وسؤالج والحين روحي قبل لا احد يجي نوف اسمح لي ماني برايحه اقدر اشوف اضرارك وصلت لأي درجه خالديعني وش بتسوين لي بتعالجيني غير عن الدكاتره ولا بتدفعين لي قيمة الأضرار الجسديه نوف الله يسامحك مهب هذا المقصد بس بغيت اعيش معك ها ... خالد قاطعها معليه اسمحي لي على قساوة كلامي بس كله علشانج فبعد شوي بيجوني ثنين من خواني وربعي فتفضلي نوف انا عارفه ان اليوم عندك علاج طبيعي وانت متعود تروح له بروحك وانا .. سكت شوي وردت كملت نوف سمحت لروحي اني اروح معك خالدلا والله مهب حولج نوف مهب حولك انت تردني بروح وياك وسو اللي تبي خالد لو سمحتي مبي اغلط عليج طلعي برا نوف اوكي وطلعت وهي ناويه تروح معاه لغرفة العلاج واللي فيها فيهاوكانت مصره واكثرعناد ومشت وراه ويوم دخل دخلت وخذت لها زاويه وفكوا عنه الشاش وشافت مدى الأصابه البليغه اللي فيه وكان يتألم بصمت هنيه جاته وعيونها غرقانه دموع وحطت يدها تلقائيا على يده من دون وعي ولا شعور على يده المجروحه خالد انصدم خالدوشلون جيتي لحد هنا ما فيه بنت متربيه تسوي اللي انتي تسوينه يله قومي طلعي برا انتي ما تستحين تدخلين على رجال شبه عاري قومي طلعي برا لأستدعي رجل الأمن يسحبج برا خالدارجوك خلني معاك لا تنسى اني انا السبب باللي انت فيه انت اتقذت حياتي ولازم ارد لك لو شي بسيط من جميلك علي خالدوش تردين وجهي المحروق اللي راح وهذا هو قدامج شوفيه مابه ترقيع ينفع معه ولا يدي هذه هي قدامج شوفيها ماعاد تصلح للأستعمال الأدمي اعصابها انتهت نوف لا ما انتهيت عاد به امل مع التمارين ممكن ترجع الروح في الأعصاب الميته ولك سفره برا وفيه شي اسمه عمليات تجميل وتبي تكمل .. وو خالداقولج قومي طلعي برا لا اسوي شي ما يعجبج ولا يعجبني نوف انا متقبله منك أي شي خالد صد منها وقعد يتعوذ من ابليس وسكت لأنه شاف ان كلامه معها ما جاب نتيجه لا تجريح ولا منظره المنفر روعها واستمرت نوف تزوره وكانت تطلع من دوامها قبل موعدها عشان ما حد يحس من اهلها باللي تسويه وبعد اسبوعين من ها الزيارات قال لها خالد انتي ما مليتي من ها الوجه المحروق وها الأستقبال الكريه نوف لا ما مليت وترى ها الوجه يسوى عندي قبايل وعارفه ان ذي مهب خصالك واللي سويته معي يثبت ها الشي خالدانتي وش عرفتي عني نوف عرفت نخوتك وشهامتك يوم الحريق الكل يأس من انقاذي وسمعتهم يحذرونك بس انت ما لقيت لهم بال ولا عمري راح انسى ذيك اللحظات كل يوم بين عيوني اعيشها خالديا بنت الناس والله مليت وانا اقولج لا عاد تزوريني افرضي واحد من اخوانج جاء وشافج تراها مهب زينه لا في حقي ولا حقج نوف عارفه ان ابوي واخواني يزورونك بس انا حابه ازورك ولا اظن اني اكلفك شي لما اجي دقايق اشوفك واطلع خالدوالحل في نظرج ويش؟ نوف مدري بس ما فيه قوه بالدنيا راح تمنعني من زيارتك خالد خالدبس اللي ما تعرفينه اني راح اطلع بعد اسبوع هل بتجيني في بيتنا مثلا نوف لابجيك يوم العلاج الطبيعي خالدتأفف وبعدين يا بنت المسلمين نوف ولا قبلين راح اتواصل وياك لحد ما اموت فاهم لحد ما اموت وهذا عهد خذته على روحي يومك حميتني في صدرك ومنها رميتني على المسعفين شافها خالد ترتجف عند طاري الموت وكانت متلثمه ولا يشوف إ لأ عيونها مليانه دموع خالد نوف نوف وهي تمسح دموعها بصوت مبحوح لبيه خالد سكت وهو يشوف شجاعتها واصرارها على اللي قالته له الحين خالدنوف اذا لي معزه عندج روحي تيسري روحي ولا تزيدين عذابي نوف لاوالف لا خالدعندي لج حل اذا وافقتي عليه اوكي واذا ما وافقتي مابي اشوف وجهج خير شر نوف قربت منه قول خالد وش عندك خالد تتزوجيني نوف؟ نوف قالت بصدمه هاه ؟؟ وغمضت عيونها ويوم فتحتهم شافته مبتعد عنها خالدشفتي ان مابه وحده راح ترضى بي زوج وهذا ردج غمضتي عيونج ماتبين تتخيلين المستقبل المظلم معاي من بيستحمل لمسات ها اليدين المشوهه ولا مشاهد ها الوجه .. وو نوف موافقه خالد خالديا نوف قومي روحي بيتكم المفروض ما اقول اللي قلته لج نوف انا موافقه عليك وانطرك تجيني تخطبني خالداقول نوف كله إلأ الشفقه فاهمه نوف انت غلطان مهي بشفقه خالداجل وش تسمين ها الموافقه السريعه ومن دون تفكير وبعدين انتي بنت ناس اغنياء وتشتغلين في الخارجيه وانا حي الله خريج ثانويه عامه واشتغل في لخويا وعلى قدي نوف وشدراك اني غنيه خالد مثل ما عرفتي عني كل شي عرفت عنكم بعد كل شي وما ظنتي هلج بيوافقون علي فاحسن شي ضبي السالفه وروحي الله يستر علينا وعليج نوف انت تقدم وشوف الرد لا تحكم اني غنيه وانه وانه خالدغريبه ها الثقه من صوبج لهلج نوف مش ثقه بقد ما هي تفاهم واي واحد بيتقدم لي بيشاوروني وبقولهم رااي خالد منتي بصاحيه اقولج كنت اضحك وياج ماني متقدم ولا به زواج نوف وانا مصره عليك وموافقه ولا تتردد وتعال خالدوانا مابي وحده مثلج قويه واطلعي ولا عاد ابي اشوف لج زول ممكن؟؟ نوف واناا مصره على كلامي وانا صادقه وانتظرك خالدروحي الحين ويحلها الف حلال روحي يله نوف اوكي عندك كم يوم واذا ما جيت مهب صاير لك خير ووصدت .. وهي تضحك بعد ما طلعت قعد يفكر فيها وفي اصرارها انها تتزوجه واكيد كل هذا من شفقتها ومن تأنيب الضمير عندها صايره تخبص وتقول كلام راح تندم عليه بعدين ردت الجازي من شهر العسل واستقرت مع بدر في بيتهم مع امه وسوت حفلة استقبال صغيره وعزمت كل رفيقاتها ومن ضمنهم مها ولا قالت لريماس لأنها كانت تبي تصلحهم على بعض في الحفله كانت ريماس بتموت من القهر من حركة الجازي ولا ليش تعزم مها وهي السبب في نكبتها جات مها وجلست جنب ريماس مها وش اخبارج ريمووو ريماس بخير وش شايفه وشحلوي وسعيده ومبسوطه ولله الحمد نوف الله علينا وعلى ايام اول اقول ترى بعد كم يوم بصير مثلكن سيده ههههههه .. وكانت تضحك عشان تغير جو الكأبه اللي هم فيه بسبة وجود مها بعد محاولات من مها لجذب اهتمام ريماس لها مها خذت نفس ريموووووو والله ما كان قصدي اسووي فيج اللي سويته كله منه وقعدت تصيح صياح يقطع القلب ريماس يعني تبين تفهميني انه غانم هو اللي سوى كل شي بروحه مها تمسح دموعها لا بس هو اللي خطط لكل شي ودار علي بكلامه المعسول وانتي أخبر شافني ميته عليه بس كنت ما ابيكم تعرفون ها الشي وانا بهبالتي صدقته وكنت احبه مووت واعشقه من يوم كانوا جيرانا ريماس تقومين تصوريني وتعطينه صوري سلاح يهددني فيها والله لولا وقفة تركي كان رحت فيها بسبتج وسبته مها انتي عاندتيه وهو ما يحب اللي تعانده وعشان كذا هو سوى اللي سواه فيج ريماس تكتفت وشلون تزوجتوا على انقاضي طبعا مهاخطط علي وانتي معاه وقال لي انه بيتركج علشاني وانه يحب البنت الستير و.......و....... ريماس ابتسمت وصدقتيه مها وشتبيني اسوي معجبه واحبه وما صدقت انه يعطيني وجه ولا يطالعني لو بنظره فما بالج بالزواج ريماس اضحكت بأستهزاء عمري ماراح اسامحج وكانت تدور عبايتها تبي تطلع الجازي والله ماتطلعون الا وانتوا متراضيين .. ماصارت كل هاذا زعل ترى الي فات مات مها تقدم من ريماس تبي تسلم عليها ريماس صدت مها تثبت ويه ريماس وقعدت تطالعها وعقب ما خذت نفس طويل مايكفيه العيب الي فيه وعلى شينه قواة عينه تراه بعده يلعب ونزلت يدها وعطتهم ظهرها وكملت مها عاجز جنسيا نوف والجازي شهقوا اما ريماس كانت عارفه ولما طالعتها مها مها ولا شرايج ريماس ؟ هني ريماس هزت راسها ب آيه نوف ع العموم خلاص اللي صار صار والحين خلونا ننسى الماضي ونبدأ من جديد الجازي صحيح وانا ما جمعتكم إلأعلشان نصفي القلوب ريماس صعب نرجع مثل اول واللي سوته مها فيني ما اقدر انساه بسهوله مهاحرام عليج ريماس .. وو ريماس نسيتي الكلام اللي قلتيه لتركي في ليلة زواجي مها طاحت على الكنبه وتصيح خلاص كفايه ترى والله متحسفه وبموت من الندم نوف خذت مها وسكتتها والجازي هدت ريماس واتفقوا انهم يحاولون ينسون الماضي على الأقل لقدهم متجمعين واتفقن انهن يجتمعن يا عند نوف ولا عند الجازي طلعت ريماس تبي تروح لبيتها من بعد ما خلصت الحفله وتوها عند الباب الا بغانم عند الباب .. وكان ينتظر مها ويوم شاف ريماس نزل من سيارته وراح لها وحاول يسلم عليها بس هي ما عطته وجه وكانت تدور في شنطتها على تليفونها تبي تكلم السايق ريماس وينه من شوي كان واقف هنا ويوم شافها مطنشته مسك يدها يبي يوقفها لا تدخل البيت في هذه اللحظه كانت سياره مقبله عليهم وليتاتها اعشت عيونهم نزل سايق السياره وتوجه لهم تعتقدون من يا ترى اكيد عرفتوه ؟؟واذا ما عرفتوه تابعوني وفالكم طيب ◄انتهى البارت ► المصدر: منتدى همسات الغلا ((j[dx kuar fuq H;evv ,H;evvLhgfhvj hgehge ,hgvhfu uavv)) H;evv hgehge fuq uavv)) ,H;evvLhgfhvj ,hgvhfu   مرر الماووس للإستماع   |
|
23-05-2016, 09:59 AM
| #2 | |
  
 | ツ】ઇ需البارت الرابع عشر需ઇ【ツ ღbcღ فّ عيوني = $ لهفة لَ / جمعتنإآ * سسوآ ♥♥♥♥"$ # كان سيف قاعد في صالون بيته مع البندري وامه والجده وسوالف سيف وهو يحط راسه على بطن البندري : بابا متى بتطلع والله مشتاق اشوف ويهك واوديك المسجد وياي ونروح الشغل تساعدني وتصير ريال واشد الظهر فيك وازوجك وحده شقرا عيونها زرق البندري ضربته على كتفه : لا والله سيف : خلي ولدي يعيش حياته والشرع حلل لنا اربع خليه ينوع وحده مواطنه ووحده شقرا ويبي يكمل .. الجده فرته بعلبة الكلينكس : لاتلعوز البندري وبعدين وايد واثق انه ولد سيف وهو يحك مكان الضربه : احح عورتيني لطيفه وهي تضحك : الي يجي من الله حياه الله ومحد مزوج ولدك غيري لا شقرا ولا حمرا ولا خرابيط سيف وهو ماسك يد البندري : هو ولد واحد بس الا بجيب لج 12 من البندري و12 من الشقرا البندري هدت يدها : خييييييييييير والله محد بيطردك من البيت الا انا وعموه لطيفه لطيفه : وانا اشهد .. انت تطول هاذي البندري سيف وهو مستانس من علاقة امه بالبندري : ها !! وشوي إلأ جايه تليفون من رفيقه مناوب يستدعيه على وجه السرعه سيف : شسالفه !! ويوم قال له السالفه قام سيف يركض ركض ولا رد على امه وزوجته وهناك لقى تركي شكله مبهدل والدم مالي ثيابه سيف مصدوم:عسى ما شر يا اخوي وش فيك؟ تركي:مابه شر بس فيه شخص تهجم علي وخذت حقي منه وكان كاتب علي تعهد ما اتعرض له بس هو تعرض لي فكانت النتيجه اللي تشوفها سيف:من هو اللي تعرض لك؟ تركي:صديق الندامه اللي ذيك المره تعرض لي سيف يتنهت وخذا تركي وقعدوا : كتبك تعهد وتعرضت له اكيد انه شي كايد اللي خلاك تتعرض له ؟ تركي : ... سيف : قول لي تركي انا راح اساعدك لو عندك وياه أي مشاكل او تصفية حسابات انا ... تركي يقاطعه :ابد سلامتك بس خلصني واكفلني وطلعني انا طلبت من الضابط المناوب يستدعيك بس عشان الكفاله بصفه غير رسميه ولا تقعد تحقق معي وتنشدني وانا حدي تعبان سيف طالعه بنص عين : ابشر خلص سيف الأجراءات وطلع تركي بكفاله وغانم كان فيه جروح مهب بسيطه سببها تركي لكن غانم بعد ما سكت له وسبب له جروح بعد ساعه رجع تركي للبيت وعلى طول توجه لغرفته ولقى ريماس قاعده على جنب وضامه روحها وتبكي تركي:هلا بزوجتي المصون ما كفاج اللي صار لج منه رايحه تواعدينه عند بيت صديقتج ؟ ريماس وهي منهاره:تركي و الله العظيم ما كنت اعرف انه بيكون برا ولا ابي اشوف وجهه بس الظروف جات على كذا تركي:وانتي تعرفين الله شوفي ذاك اليوم كتبني تعهد وها المره بغيت اذبحه ولا هو ذبحني "وصرخ " وكله بسبتج ريماس وصوتها مبحوح من كثر ما صاحت:أقولك والله ما كنت اعرف وانا ما رديت عليه وكنت طالعه ابي اركب مع السايق ولا حصلته خذت نفس وكملت : ومن شافني قعد يتحرش فيني وسحب يدي على جيتك تركي:لأني رديت الدريول وقلت اعزمج ع العشا، إلأ اشوف اللي اشوفه وتبيني اصدقج !! ريماس:عنك ما صدقت جاها وهفها ذاك الكف اللي خلاها تتكور على روحها وهي شبه معميه من حر الكف اللي جاها هنيه قامت سيده وبدون كلام وخذت عباتها ولبستها وطلعت من الغرفه تركي:عسى ما شر وين رايحه ريماس ما ردت عليه وقام تركي ومسكها من يدها ودخلها الغرفه ولا خلاها تطلع ،حاولت بكل الطرق ما فيه فايده ريماس:خلاص يا تركي ما عاد اقدر اعيش معاك خلاص ما اقدر استحمل اهاناتك وضربك و......و.....وقعدت تعدد له كل اللي يسويه فيها من فراشك الأرضي لين وصلت للضرب والشك يا اخي طلقني وريح روحك ورايتك بيضا والحين فات على زواجنا اربع شهور وبقول لهم اني انا السبب تركي:اها "وهو رافع حاجب" تبين ترجعين للنذل؟ ريماس:صحيح انك منت بصاحي انا اروح له من بعد ما سوى فيني كل ها السوايا تركي:أي نعم نعم بتروحين له " سكت " انتي كله تبين تذليني من يومج صغيره وكله محتقرتني ولاني مالي عينج ومهما سويت لج مراح اوصل للمكان اللي تبين لفتى احلامج انه يوصله انا فيه ناس تتمنى لي الرضى وتبيني لذاتي وانتي هنيه ... هنيه وما قدر يكمل كلامه وطلع من عندها ريماس طاحت على السرير وهي تبكي وغيرت رايها كانت بتطلع من بيتها وتروح لبيت اهلها ريماس : يارب صبرك .. خذت تيلفونها واتصلت على نوف الي ماردت وقامت تقلب بالصور الي في تيلفونها وتذكرت ان نوف دزت لها شلات بصوت تركي وافتحت ملفات الموسيقى وبدت تسمع شلاته وكانت تصيح وعقب ماشبعت من البكا بدلت وراحت لام تركي حبت راسها وقعدت تهمزها وتسوي لها مساج إلأ بدخلة تركي عليهم ام تركي:تعال يبه الله يسعدك يا ولدي تركي حب راسها وقعد ام تركي :حط ريماس في عيونك تراها عسل إلأ ابو تركي جايهم وقعدوا يسولفون وقامت ريماس تقهويهم وتشوف وش ناقصهم وتركي مستغرب من حركاتها من شوي كانت لابسه وبتطله والحين الأبتسامه شاقه الحلق وتخدم امه وابوه ريماس الدلوعه اللي دومها تنخدم وتشوف الناس من فوق الحين منزله روحها للعجوز والشيبه ؟! صبت له كوب حليب وعطته اياه ومسكت الكوب بطريقه انه وهو ياخذه منها تتشابك يده بيدها رفع تركي عيونه صوبها وقعد يناظرها وهي بعد ابو تركي:هيه هيه يا جماعه ترى احنا معكم اذا نسيتونا انتبه تركي لحاله وضحك وخذ كوب الحليب وشرب منه وحطه على جنب وقعد يهمز رجول امه وهو يضحك وياها تركي : فديت امي الغاليه تحبيني ؟ ام تركي : شهالسؤال اكيد احبك وغلاة ريماس من غلاتك والله يعطيني طولة العمر واشوف عيالكم تركي رفع راسه يبي يشوف ردت فعلها ابتسمت ريماس وخذت كوبه وشربت منه بكل دلعها وكانت قاصده انه يشوفها وهي تشرب من كوبه وهو يناظرها بكل الأستغراب من شوي معطيها ذاك الكف وصياح ولابسه بتطلع والحين قاعده مع هله واخر المتمه تاخذ كوبه وتشرب منه وش سالفتها وياه ريماس:تركي تبي اصب لك حليب تركي ورافع حاجب:لا ابي كوبي مدري وين حطيته ريماس انحرجت ومدت له الكوب وهي تضحك بدلع وغمازاتها محمره تركي ولع وهو يطالع فيها وهي ماده يدها بالكوب ويوم خذ الكوب ورفعه يبي يشرب منه إلأ هوخالي طالعها وحط عمره يشرب منه بس عشان يشم ريحتها في الكوب وهي تضحك على حركاته ام تركي:اقول يا عيال عندي لكم شور وشرايكم تروحون عني ابي انام روحوا طالعوا بعضكم في غرفتكم ضحكوا على كلامها وطلعوا منها تركي مسك يد ريماس وقال لها:تعالي ابيج في موضوع وطلعوا كانت نوف تدور على خالد في المستشفى بكبره ولا لقته وهي تعرف وين يشتغل واسمه بالكامل بس استحت تسأل عنه اسبوعين وهي تمر على المستشفى كل اثنين يوم علاجه الطبيعي ولا قد حصلته وجاتها فكره انها تسئل عن ايام العلاج الطبيعي أي يوم غير يوم الأثنين قالوا لها : خالد .. نوف : أي ممكن اعرف ايام علاجه : تقربين له نوف توهقت : ايه اقرب له انا بنت خالته : يوم الخميس نوف بأبتسامه امتنان : اوكي شكرا .. طلعت وهي ناويه تفاجئه يوم الخميس الجاي نرجع لتركي وريماس تركي : عندج شي ولا نطلع نتمشى ريماس بأبتسامه : نطلع تركي خذ ريماس وطلعوا يتمشون صوب كتارا على البحر تركي:ريماس ابي اخذ رايج في حياتنا ريماس : وشتقول لي فيها ريماس وهي خايفه من اللي بيقوله كنه يبي ينهي اللي بينهم تركي : ابي اعرف رايج ؟! ريماس:رايي في شنو بالضبط تركي:ابي اعرف انتي تبين تعيشين معي ولا .. سكت وصد مايبي يشوف عيونها وهي رافضته وهي ماتحبه وهي ماتبي تعيش حياتها وباقي عمرها وياه هو يحبها يعشقها يغار عليها ريماس : ولا ننفصل ؟ تركي خذ نفس : ايه ريماس وهي خايفه:مدري انت وشتبي ؟ تركي التفت صوبها ومسك يدها : خليج مني انا انتي وش تبين ؟ ريماس قالت لروحها هذه فرصتي يا اثبت له ولروحي ولا اخسر كل شي حلو بدنيتي .. وتركي احلى شي بحياتي سكتت وتمت تراجع افكاره ايه تركي احلى شي بدنيتها كفايه يبي هالشي بعيونه الي معذبتها طول هالاربع شهور تركي يوم شافها متردده عرف انه خسر قضيته اللي راهن عليها خسر كل شي كان وده به ويأمل فيه تحرك يبي يركب سيارته ريماس :وين تركي ما سمعت رايي تركي:واضح من ترددج ريماس:بقولك رايي وبكل صراحه بس قبل كل شي بسألك هدى بنت خالتك وش تكون بالنسب لك؟ تركي عرف وش هي تلمح له وقال لها:هي بنت خالتي لا اكثر ولا اقل ريماس:بس انت قد لمحت لي من قبل انها اكثر من كذا تركي : قلت ها الكلام لغايه في نفسي بس اخذيها كلمه محد في حياتي من حريم غيرج ريماس قربت منه : وهذا من حسن حظي بس قولي انت ليش كنت تترجاها يوم كنا في العنه ابي اعرف اذا ما عندك مانع وبعدها بقولك رايي تركي:ههههههههه والله انج صدق فضوليه كنت اقول لها ان فيه واحد من ربعي متقدم لها وكنت اترجاها لا ترفض بدون تفكير وهي قالت متبي العرس وانتي جيتي في ذيك اللحظه وهذه هي السالفه ولا تفكرين اني راعي سوالف .. سكت وطالع عيونها تركي بابتسامه : هاه يله سمعيني راييج .؟ ريماس:انا كنت مغفله انا جاهله وغبيه وسويت اشياء كثيره تندمت عليها واكثر شي تندمت عليه هو صدي لك،،ولو عطيتك وجهه كان عصمتني من اللي كنت فيه تركي:وضحي اكثر ريماس وهي اقرب له من انفاسه : يعني اتمنى ما جيتك اعترف لك بحبي وقد فات الفوت تركي نزل من السياره وفتح بابها ونزل تركي خذ نفس طويل وضمها لصدره وقعد يشلها ويفتر بها وهو يصرخ ريموووو : ريماس خبلتي بي من يوم عمري 15 حسبي الله على عدوينج عذبتيني وانا اشوفج كل يوم طالعه وداخله سفور والكل يناظرج ويتمتع بالنظر لج ريماس ضربتها دوخه من كثر ما دار بها وحست انها بيغمى عليها ريماس:تركي قولي عادك تحبني ولو شووي؟ تركي:وشو ولو شووي شوفي عيوني اكيد بتشوفين نفسج داخلها حطي يدج هنا على قلبي وارهفي السمع عدل بتسمعينه يدق ويصرخ باسمج ريماس:برغم كل اللي سويته فيك وفي نفسي وسكت وقالت وفي . . سمعتي تركي:خليني اوضح لج شي ومن بعدها الليل ننسى الماضي بكل اللي فيه ونبدأ صفحه جديده ريماس :قول تركي لا قل قولك قول وكان صوتها رايح فيها وصدت وامسحت دمعه حاره نزلت من عيونها تركي:اهووو شوفي مبي دموع ابي اشوف وجهج يضحك ممكن خذها وقعدوا متلاصقين على كرسي مقابلين البحر وقعد يسولف لها عن حبه ومعاناته وهويشوفها في المجمعات وهي كاشفه ومن بعد ما عرف بقصتها مع غانم ريماس : مممم تركي : تبين تعرفين شكان شعوري ريماس وهي مبتسمه لان فهمها قبل لاتتكلم : اذا ودك تقول تركي : مت الف موته معروف عنه اللعين ما يخلي البنت إلأ لقده مخرب عليها الأولي والتالي ورب ضاره نافعه ذاك اليوم اللي جاب لي صورج وقطهم بوجههي وهددته اني ممكن اوديه وراء الشمس لو تعرض لج مره ثانيه وخذيت منه عهد ووعد ما يتعرض لج لأني ماسك عليه شي وعشان كذا خلاني في اخر مره وترى مهب من طبعي التهديد بس عندج استعملت كل اوراقي وعشانج سويت الهوايل ريماس:امي يوم العرس قالت لك شي وشهو ؟ تركي:هههههههه يا ام الفضول كانت توصيني عليج وقالت مهما صار منها استحملها واللي يحب يستحمل ضحكت وقلت لها وشدراج اني احبها ،، قالت ادري وبعد وشتبين تعرفين ؟؟ ريماس حطت راسها على صدره وهي تبكي من الفرحه انها في النهايه تحررت من الخوف والتهديد والحين صارت بين يدين من تحب تذكرت فيديو طرشته لها نوف وكانت الشله الي شلها تركي بالعرس قالت : براويك شي تركي : اوكي ريماس فتحت الفون وشغلت الفيديو وسمع شلته وضحك تركي : يعني تسمعين شلاتي ريماس : طبعا وحافظتهم عندي كلهم وكل يوم اسمع واشل وياك بس تركي : بس شنو ؟ ريماس وهي تطالع بعيونه : شلة العرس كانت غير تركي : شمعنى ريماس : اسمعها تركي سمعها مره وثنتين وثلاث وماعرف قصدها ريماس : افففففف ليش فهمك بطيء انت شلون متخرج اصلا ارجع ادرس من جديد تركي وهو يسحب الفون : ويحاول يفهم لان استفزته بالكلام ريماس : هات انا بقول لك ونطرت لين اخر الشله وطولت عليه لما كانت نوف تصوره والتفت عليها ريماس : اسمع شقلت لنوف تركي لنوف : لاتشوفج ريماس "وهو يضحك بأستهزاء " اخاف تغار بعدين تركي : انزين ! ريماس : كنت اعيد وازيد بهالفيديو لان ضحكتك عورتني .. عورت هاذا اشرت على قلبها تركي اشتغرب : ليش ريماس : لان كانت بأستهزاء أي اغار واموت من غيرتي انت حياتي وقلبي وروحي وكل شي في دنيتي تركي وهو متشقق من الوناسه : تغارين ريماس ضربته على كتفه : واموت من غيرتي تركي : اسم الله عليج .. تبين اشل لج شله ؟ ريماس : ودي اشل وياك ونشوف أي صوت فينا احلى تركي مبطل عيونه : تشلين ؟ .. صوتج شلون بالشله ؟! ريماس : اجرب ؟ تركي بلهفه : اكيييييييييييييييد ريماس وهي تطالع البحر ... وتفكر : بس ابيك تكملها وياي تركي : اتفقنا الا يارفيق الدرب خلك على يمناي ونا هقوتي بك هقوتي ماتخيبها وعاهدك في درب الردى ماتسير اخطاي ولااهين نفسي وأتهاون بواجبها والا يابنات الفكربالشعر يمي جاي لعقل ٍ يدير النادره لين يكسبها ترى الشعر في عقلي ودمي وكل اعضاي جرى بالعروق وكل الاحساس صاحبها وانا اللي حداني في شجوني وفي مسراي دروب الغرام وماجرى من مصايبها مادام الوداع وفرقة الشمل والاقفاي قريبه عسى ماعاد يومٍ يقربها الا ياوزين الروح ياغايتي ومناي على هون لين النفس تلحق مطالبها تعال انتعاهد ونتوادع ونقطع راي ترى ساعة الفرقى تحرك عقاربها ونا يوم اسوق النفس يمك بحكم ارضاي ابارك لها بالخطوه اللي تقربها وانا خايفٍ لحضة فراقك تشل اقواي واهدي ميول النفس يمك وعاتبها على اضعف من السلك الردي تنطوي رجواي ونا خايفٍ من هجر الايام يذهبها بحسناك وبفضلك لافضلي ولاحسناي توقف اخذ جمله من الشعر رتبها ترى انت الهدف في كل شعري وفي معناي بيوت الغزل لولاك والله مااكتبها تكلم ضمير الحب يندب بصوت الناي ولازلت اصدق فيه نفسي واكذبها يعيدٍ قريبٍ راح مقفي وعود جاي يلاعب جنون العقل من شان يطربها فهل يعلم انه داي والشعر فيه ادواي وهل يعلم ان بيوت شعري تخاطبها ان كان يعلم فاني اشهدك يامولاي على من تجرعت العنا من سبايبها وان كان لايعلم ولاحس في شكواي فهاذي من دروس الحياة وتجاربها ريماس وهي اطالع تركي : شرايك . . اخاف تعتزل على قولة عبدالعزيز تركي ضاعت كل كلمات التعبير .. انصدم من عذوبة صوتها وضمها وهمس لها في اذنها احبج طالعته : وانا احبك قامت إلأ تشوف الدنيا تفتر وراسها يدور ومدت يدها تبي تمسك تركي وو ... طاحت ◄انتهى البارت ► تعالوا هنااااااااا يوم الخميس الجاي بالبارتين الاخيرين ومثل ما نقول بقطر وفالكم طيييييييييب | |
| مرر الماووس للإستماع |
|
23-05-2016, 10:02 AM
| #3 | |
| صباحكم سعاده همسات الغلاااااااا وشحالكم وهذولا بارتيني اللي لليوم هذا متمنيه ان تعجبكم احداثي احبتي | |
| مرر الماووس للإستماع |
|
23-05-2016, 02:13 PM
| #4 | |
 
| روووووووعه من جد اسمتعت بقراءة البارتين نوف واصرارها على خالد وكلمته لها وعرضه للزواج منها من باب المزاح وموافقة نوف واخذها للموضوع بجديه حبيت الحوار اللي بينهم ومنتظره ايش راح يصير معاهم في النهايه ريماس ومها ومحاولتهم نسيان الماضي وبداية صفحه جديده على الرغم انو القلوب لساتها شايله على بعض شيء حلو وعمر صداقة سنين ماتنمحى في يوم وليله او بسبب غلطه تركي وريماس وموقف تركي لما شاف غانم مع ريماس كان توقعي للبارت اللي بعده انو ممكن يصير شيء كبير بس الحمدلله خابت التوقعات ^_^ وصاروا ريماس وتركي ثنائي ولا اروووع سيف والبندري وانتظار مولوده الاول وعلاقة البندري مع امه احداث وحوار في منتهى الجمال القصه من البداية إلى الان كلمة رووعه قليله في حقها ومتاكده من انو البارتين الاخيره راح تكون جداً مميزه واحداثها صعب نسيانها بإنتظارك اسكن عيوني محبتي وتقييمي ونجومي ووردي لكِ  | |
| لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ  ربي مايحرمني منك ياميورتي |
|
23-05-2016, 02:32 PM
| #5 | |
| مررررررررحبا ومسهلا فيج مليت وربي اني ما مليت منج ومن مرورج وكلماتج هههههههههههه نكج ما يناسب روحج الحلوه حلوتي الله يسعد لي هالقلب وراعيته تحليلاتج وكلماتج ومرورج دوم يسعدوني ويبهجون قلبي لا خلا ولا عدم منج يا بعد عمري انتي اشكر لج طلتج العسل يا قمري وتقيمج محبتي لروحج يا روحي انتي | |
| مرر الماووس للإستماع |
|
23-05-2016, 02:56 PM
| #6 | |
| سلمت أناملك الذهبية عالطرح الرائع الذي أنار صفحات المنتدى بكل ماهو جديد لك مني أرق وأجمل التحايا على هذا التألق والأبداع والذي هو حليفك دوما" أن شاء الله  | |
  الجوري ربي يحفظك ياعمري |
|
23-05-2016, 03:03 PM
| #7 | |
| رائعه هذه الكلمات وتعجز احرفي ان اشكرك كلمات في قمه الذوق الرفيع تبوحين هنا بنزف واحساس اجمل يحسها قلبك شكرا لاناقه قلمك . . اتمنى ان ارى بوحك اكثر .. هنا اقف احتراما وتبجيلا ً لما خطته يمناك سلمتي ..  | |
| اللهم اشفي عبدالرحمن شفاً لايغادر سقماً .. والبسه لباس العافيه الحياه لاتتوقف عند حدث معين!! نحن من نتوقف علىَ سبيل الألم : قطعه من قلبيَ في أحَد القبور |
|
| الكلمات الدلالية (Tags) |
| ((تجيء , أكثرر , الثالث , بعض , عشرر)) , وأكثرر/البارت , والرابع , نعشق |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ((تجيء نعشق بعض أكثرر وأكثرر/البارت الحادي والثاني عشرر)) | اسكن عيوني | حصريات الروايات والقصص القصيره | 23 | 23-07-2016 06:23 AM |
| ((تجيء نعشق بعض اكثرر واكثرر//البارت الثالث والرابع)) | اسكن عيوني | حصريات الروايات والقصص القصيره | 42 | 03-07-2016 05:59 PM |
| ماأريدك الليله هنا ( التتمه ) الجزئين الثالث والرابع | حمامة الغار | حصريات الروايات والقصص القصيره | 35 | 11-09-2014 05:06 PM |
| برج لندن | غلا الكويت | (همسـات السياحة واشهر الفنادق) | 29 | 27-03-2014 09:26 PM |
| شباب فرنسا يتربّعون على عرش الزعامة العالمية وغانا تحرم العراق من المركز الثالث | نايفـ . | ( همســـات الرياضه) | 7 | 07-08-2013 03:36 AM |
العرض العادي
