ديوان الشاعرة شيهانة عتيبه

ديوان الشاعرة شيهانة عتيبه

,,,,

بسم الله الرحمن الرحيم

السلام عليكم ورحمة الله وبركاته

هنا سوف يكون موعد معكم في قصائدي الشعريه

سوف يكون ديوان كامل متكامل لعيون متابعين شيهانة عتيبه من رواد همسات الغلا وزوارها المحترمين
واتمنى منكم المتابعه الطيبه

الشاعرة

شيهانة عتيبه

المصدر: منتدى همسات الغلا

---

]d,hk hgahuvm adihkm ujdfi hgfvrh,di ' hgadihki' fkj fvrh' hgahuvi ' adihkm ujdfi

ويل قلبي من هجوسٍ عذبتني
واسهرتني.وأخذت بقلبي خطيّه


كل ما حاولت ابنسى ذكرتني
ابليالٍ عشتها. ابقربه. . هنيّه


غاليٍ. بغيابه والله. بهذلتني
ذكرياته. بكل روحه و كل جيّه


كل ما صديت نفسي. اجذبتني
من معاليقي. مثل جذب الرشيّه


وسعرتني داخل الجوف وكوتني
كيّةٍ ما .بعدها ...والله ...كيّه.


افزعولي منها ياربعي اجهدتني
حاربوها حربا.. ابليا . .سريّه


لا سرتبي الهواجيس حشرتني
سولفوا لي. لا تخلوني. .ضحيّه

‏العنقاء

ان هانت العشره على صاحبك يوم

ان هانت العشره على صاحبك يوم

اعرف ترى من قلبه الحبّ انزاح

خلّه على صدّه. مقدّر. ومحشوم

و. كل ٍ بيلقى له. خليلٍ ليا راح

العشره ان رخصت ترى تقبل السوم

لاترتجي من بعْدَها مكسب أرباح

ابقى على مبداك لا تكثر.اللوم

اللي يبي. قربك من العين ماطاح

وسلامتكم✋

‏‫العنقاء(شيهانة عتيبه)

بعض العرب لا ضاق صدره تقهوى

بعض العـرب لا ضاق صدره (تقهوى)

‏وانا اليــا (من ) ضقت اجر التناهيت

‏

نومي طــــوال الليل ماغير غفوى

كني مع نجـــــوم الليالي تخاويت

ياوجد حـــالي وجد منّهو تحروى

‏للخصم و الاعـدام اعفيت ما اعفيت

على الذي بعده عــن القلب بلّوى

ومن ضيقتي عن لمــة الناس كفيت

يابخت من يقضي حياته ب سلـوى

مايعرف ادروب العشـاشيق ياليت

جيتـك وانا توي صــغيره وفلوى

ودلـعتني خليت عينـك لي الـبيت

احـلف أقول اني على الـبعد ماقوى

لانـك ولا عمرك على نفسي أخطيت

أفقـدك يا الـغالي ويا طـير شلوى

يا الـصيرمي يـالي على الـعز تكيت

عـيني على ذكـراك دايم. تخلـوى

والـبيت عقبك صـار مظلم بلا ليت

يا طـيري يا اللي. في سمـايه تعلوى

دايم عـلى المشراف ما عمرك ارخيت

‏اللـه يـردك لي و عـيني تحلــوى

شـوفتك سـالم كل ماقبلت و اقفيت

شـيهانة عتيبه

اعزف أحزاني على أوتار المحبه

اعزف أحزاني على أوتار المحبه

واعرف ان الحب كل دربه غبينه

أوله لهفه مع اشواقٍ. تصبّه

وآخره تبكي على الماض وحنينه

ثم تحين الفرقى ويدّق المنبه

وكل حيٍ عاش للآخر رهينه

‏‫العنقاء شيهانه

ياهجوسي اطربيني



ياهجوسي اطربيني بالقصايد
امتعيني وسعي صدر الحزين

اكسبي لك أجرخل الخير عايد
في قلوب سقمها زود الحنين

افزعي لي ليلي الليله نكايد
كود يسلي خاطري جر الهجين


كلمات شيهانة عتيبه

جتني حروفك


جتني حروفك كنها قايد الغيد
اللي يقود الريم وسط البرايا


حرفك فريد شيد الحب تشييد
له منصب الحاكم بوسط الحنايا


تعال اخذ قلبي معك دون تمهيد
وانت امير القلب شيخ السرايا


حبك بقلبي شاسع كنه البيد
والقلب وعروقه لحبك ضمايا


أنشهد انك عالي الصيت قرهيد
يامنوخ الصعبات جزل العطايا


جت لك حروفي درهمت دون تقييد
واسوقها لك سوق راع المطايا


شعر عفيف صامل دون ترديد
يحمل من اوصافك كثير المزايا



شعر شيهانة عتيبه