|| من يفقــد أعصابه على ادنــاة ما جــاه ||

|| من يفقــد أعصابه على ادنــاة ما جــاه ||

.

المصدر: منتدى همسات الغلا

---

|| lk dtrJJ] Huwhfi ugn h]kJJhm lh [JJhi gh Huwhfi H, h]kJJhm [JJhi dtrJJ] ugn

ارجوحة حرف
احسنتم الاختيار المميز
شكرا لكم التواجد بكل جديد ومفيد
بوركتم اينما كنتم

من يفقد اعصابه على ادناة ماجاه

تأكد ان نفسه حزينه كتومه

لا تسأل اللي منغبن عن نواياه

قدّر ظروفه وان زعل لا تلومه

ولا تحرجه ، ولا تحدّه على أقصاه

ولا تجرحه ، ولا تفرّح خصومه

واضح ، ولا يحتاج فترة وتقراه

جالس ، ونظاراته تقول امْحروم

قلبه جريح ، وخانه الوقت وأعياه

بتهاجمه ؟ أجل تحمّل هجومه

لا تقول وش علمه ولا تتبع اخطاه

ادخل وسط قلبه ، وتعرف علومه

تجيه رايق وانت تجهل خفاياه

وتشيّن اخلاقه وتنبش اهمومه

ياخوي ، من صمته تبان المعاناه

يمكن لو إلحاله ، يشقق هدومه

هذا يقضّي ليلته فـ المحاتاه

يوم أنت مدّيها بسبعين نومه

اركد ترا التهميش وإلّا مبالاه

بالشخص ، كنّك بايعه بأي سومه

تراها مستويه معه ، جاه من جاه

شجاع ، لكن طايحاتٍ اعْزومه

هذا قبل لو تعرفه ما تعدّاه

من طيب راسه من جمايل اسلومه

شوفه زمان المهزله وين ودّاه

ودّاه للوحده وغير انجومه

اليا نطق في قلبك تقول عزاه

ماهو على بعضه ولا هو بيومه

يضحك دقيقه ، وان ذكر جور دنياه

يسرح مع اوجاعه برفقة احْلومه

يرجع يفكر في نصيبه وبلواه

تقول طير عاد عقب حومه

ياصاحبي لا تنشده عن سواياه

ماضي حزين وبيّناتٍ ارسومه

ان ما قدرت بوقفتك تمسح بكاه

طالبك طلبه لا تنبّش اعلومه

ارفع يدينك واترك الأمر للاه

أبيك تدعي له بنفسٍ رحومه

ولا جاك ملقوفٍ يبّحث خفاياه

اللي على العالم يسدّد اسهومه

لا تضعفه دام الشجاعه بيمناه

قلّه يبي ربّك يفرّج اهمومه

مَوْضُوٌعْ فِيٍ قَمّةْ الْرَوُعَهْ
لَطَالمَا كَانَتْ مَواضِيعَكْ مُتمَيّزهَ
لاَ عَدِمَنَا هَذَا الْتّمِيزْ وَ رَوْعَةْ الأخَتِيارْ
دُمتْ لَنَا وَدَامَ تَأَلُقَكْ الْدّائِمْ

.



تـوآجدكم الرائــع
ونــظرة منكم لموآضيعي هو الأبداع بــنفسه
يــســعدني ويــشرفني حضوركم الطيب
في متصفحي البسيط
لاعــدمت اطلالتكم العطره
كل الشكر والتقدير