ديوان الشاعر ( مساعد الرشيدي)

ديوان الشاعر ( مساعد الرشيدي)

ديوان الشاعر مساعد الرشيدي الاسم : مساعد ربيع الرشيدي دراستة / درس الابتدائية في مدينة أبها والمتوسطة ثم انتقل الى الرياض ودرس الثانوية ودخل كلية الحرس الوطني لدية من الأبناء - 3 أولاد 3 بنات كتب الشعر وعمرة 13 سنة الى الان ما شاء الله اقام العديد من الامسيات في دول الخليج وفي الدول عربية له ديوان معروف وهو ( سيف العشق ) غنا له عدد من المغنين أمثال : محمد عبدة - رابح صقر - عبدالمجيد عبدالله - عباس ابراهيم - ...محمد المازم..محمد المسباح..احمد الجميري...محمد السليمان الخ... وهي هي السيره اليكم حياة مساعد ربيع الرشيدي : شاعر غني عن التعريف ولد في مدينة خيبر قضى اول فترات طفولته في الكويت ودرس في خميس مشيط حين كان والده يعمل في الجيش تخرج من احدى ثانويات خميس مشيط .وفي فترة المراهقه لاحظ والده ميول مساعد للشعر فنصحه بعدم قراءة الشعر . الا ان الفطره الشعريه لديه كانت قويه . له كثير من القصائد القديمه التي لم ترى الشمس . انتهى من المرحله الثانويه بتفوق والتحق بكلية الحرس الوطني والتي تخرج منها بجداره عمل في مدينة الرياض . وفي لقاء صحفي سأل الامير بدر بن عبد المحسن عن افضل شاعر فذكر مساعر الرشيدي ومن هذا المنطلق بدأ نجم مساعد الرشيدي يظهر. مساعد الرشيدي نشأ في عائله معروفه بميولها الشعريه .فامه كانت شاعره وعمه ووالده ايضا . ابتعث مساعد لمدة سنه الى أمريكا وهناك تذكر الوطن والاهل فكتب قصيدته المشهوره . حزين من الشتاء والا حزين من الضماء ياطير ... دخيل الريشتين اللي تضفك حل عن عيني ثم عاد الى الوطن ليكتب قصيدته (الكنه ) عذب السجايا وعوده باول الكنه متى تزين السوالف واخذ علومه وأسامحه عن خطاة الجرح والونه وأعاتبه لو يصد شوي وألومه بلوغ القمه : عقدت لمساعد الكثير من الامسيات سواء داخل الوطن او خارجه ففي داخل المملكه كانت له امسيات في بريده وحائل المجمعه وابها وغيرها من المدن وخارج المملكه كثيراحداها كانت الامسيه في الكويت كما تم استضافته في اكثر من برنامج احداها كان برنامج( دانات) مع نجاح المساعيد . اجريت له لقاءات صحفيه من بينها كان في مجلة المختلف نبذه عن قصائد مساعد : مساعد الرشيدي عرف بعزة النفس ينجرح قلب لكن ترتفع هامه والله اني لموت ولا انحنى راسي لو رماني زماني وسط دوامه العواصف شديده والجبل راسي ورغم وجوده حاليا في مدينة الرياض الا انه لم ينسى معشوقته الجنوب تذكرين الغلا والصيف والسوده لمة البرق والخلان والرعد تذكرين القصيد وسلهمة سوده واحد كان ما مثله ولا واحد الى ان قال يكفي انك على ثنتين محسوده بنت عم السحاب وشاعرك خالد وقد تغزل بعروس الشمال مدينة حائل سلام ياحايل حبيبة طي..بنت الخيال الليله انتي سيدة حرفي وانا شاعرك قالوا انك ماكبرتي ياعروس الشمال باقي عروس..ويلمع البراق باساورك لا..لاتقولي شي عن سر البها والدلال إنتي خطاك الغيم حيي وانا عاذرك الله عليك ليا تواضعتي وقلتي تعال والله على هيبة غرورك نوب ومكابرك كتب مساعد قصيده رائع عن والده . يا أبوي لا يلحقك شك ولا ريب**************أنفض هجوسك وارفع الراس عالي أنا شبابك لا غزا راسك الشيب**************وأنا عضيدك لو تجور الليالي أي والله أبشر يا رع الطيب بالطيب**************والله ل..أسدك لو يضيق المجالي امر وتحت أمرك تهون المطاليب **************إنخا وتلقاني قريب موالي أجيك كلي ما خشيت المصاعيب **************لي طلبت تكفا يا يبه طاب فالي إن عاش راسي يا عزيز المجاذيب **************ل..أشيل حملك لو يفوق احتمالي واطفي ظماك إن حثربن المشاريب**************وأسقيك من زندي قراح زلالي ولا يهمك يا كريم المواجيب**************يفداك حالي يا يبه والحلالي أبشر وذيبك يا رفيع الشرف ذيب**************يا أبوي دام تشوفني لا تبالي كما انه تغزل في والدته رغم اني لا احفظ الا بيت واحد : يمه كبرتي وصرتي احلى من العام يا حلو ضحكات التجاعيد بيدينك شاعرية مساعد الرشيدي : لا يعرف الا الابداع .. فأبدع حتى الثماله .. ولعلك حين تقرأ له تعرف معنى الشعرالحديث الان .. ولا اقصد به الحداثة كما توحي كلمة ( الشعر الحديث ) ولكن أعنى بهاتغيير ماهو سائد في زمن ما قبل مساعد. مساعد عرف بميله الى الصمت لكن ما ان يخرج من صمته حتى يقبل كالاعصار . ليتحفنا باجمل القصائد والتي تتسابق المجلات لنشر قصائده . ولا ننسى ان هنالك فضل كبير لمجلة المختلف في نشر جميع قصائد مساعد الرشيدي اولا باول . يتميز شعر مساعد بقوةالمعنى .. وبقوة اختيار القافية والموسيقى الداخلية للقصيدة .. واختيارة للأوزان فهو شاعر متألق و مرهف الحس .. شاعر اسر ، يجيد توظيف المفردة في تناغم حسي موزون... بلغ ذروة مجدة في كتابته لأوبريت الجنادرية... مساعد هو من الشعراء الذين يغلب على شعرهم بساطه الكلمة وقوة المعنى... تجد في قصائد مساعد الحزن العميق والكبرياء والشموخ في ان واحد... مساعد اكثر من الحديث عن الجرح في قصائدة... ويندر أن تجد قصيدة من قصائد مساعد لا يتحدث فيها عن الجرح .ومازال مساعد يواصل ارتفاعه

المصدر: منتدى همسات الغلا

---

]d,hk hgahuv ( lshu] hgvad]d) hgvad]d) hgahuv

قصيدة حنا طنايا عبس - مساعد الرشيدي


ادخل على الله و اسلم الامر تسليم
و استغفرة و استذكرة و استميحة

وضح النوايا و المساري مجاهيم
و الحلم غالي و اليالي شحيحة

سادت مفاهيم و بادت مفاهيم
ويح الزمن يا بنت الاجواد ويحة

خلي علوم أمسيس المرازيم
و اخذي علوم مصمصمين القريحة

حنا طنايا عبس يا مذير الريم
حنا مقابيس الوغى يا مليحة

حنا سلايل قاسم الخيل و دليم
وزعتنا يوم المكايد رجيحة

بدو حفايا ما نصفتنا المقاسيم
و بصدورنا عز تطارخ فحيحة

نرعى رفيق البرق في ساقة الغيم
و من يستبيح حدودنا ما نبيحة

ولايا ترع في هرجتة دفش و بهيم
خطو الهبود اللي تكابر فطيحة

عن ساقط الهرجة نطق الملاطيم
و من طاح فيها ما رحمنا مطيحة

نكبر عن الطفسة و نجزع من الضيم
و نموت ما ناطا شليل الفضيحة

نزوم زومات الرجال المحاشيم
و نهد هدات النمور الجريحة

ربع على درب المنايا مفاطيم
من هازنا زاغت عجوزة تصيحة

اليا تغشلينا عسير الشغاميم
لومك على اللي ما يبرهن مديحة

و ان لولشن محشمات الملاثيم
و الموت حثرب بالحناجر ضبيحة

جينا من اقصانا سحايب مراديم
كل يذكي حروتة عن نطيحة

يا زين دح قفوشنا له ترانيم
و العج واقف و الفعايل صريحة

كان المنايا سوقها ما بعد سيم
و الخوف برك بالقلوب الكسيحة

حنا زباينها على الملازيم
علما يقرية النصيح لنصيحة

و اللي بنى بيتة نبية ابراهيم
انا طريق المستميت لضريحة

بني رشيد ان عتم الجو تعتيم
ما للردى فينا ملامح وليحة

أجسر من الرعاد و اكرم من الديم
سمر الجباة اهل الوجية الفليحة

خوينا نقرية عزة و تحشيم
دخيلنا دونة عن الموت صيحة

يا بنت ماحنا فقارا معاديم
لو ما سكنا القصور الفسيحة

تجار لو حاشت يدينا ملاليم
و من الغناة قلوبنا مستريحة

ما نستضيق ليا لفونا معازيم
لضيف لونذبح حدينا ذبيحة

دايم ايدينا للعطايا مواليم
لي خانت الفزعة وجية كليحة

طال القريض و مقبل الود و مقيم
و البال عيا طارقة لا يريحة

اقولها و ابصم على القول تبصيم
و العلم بين زايفة من صحيحة

ما هو قصور بالحرار الصماصيم
كل بدرب العز قد هب ريحة

مدحي لربعي مايذم الاكاريم
و لا يستشك الا خبيث الشريحة

و الحق واضح لرجال المفاهيم
و الحقد يخرث بنفوس القبيحة

قصيدة هبت شمال وساقت الوبل هتان - مساعد الرشيدي


هبت شمال وساقت الوبل هتان
قالوا روى قلب العطش قلت لله

توه يبل الريق من ريق المزان
قلب تفياء غيمة مسفهله

ودي تفيض بفاتر الصوت غدران
نقع المطر يرفا عن الكبد غله

حي الغلاء بشفاك ياعطر الاشجان
قل للغرير اللي نهى القلب قله

طاح الربيع وردت جرد الاغصان
عشب القلوب مصافح الخل خله

نش السراب وحادي الغيم نشوان
هيض غناه معانق الغيم طله

من فرحتك شابت نواطيرالاحزان
وبجيتك خان اسود الهم ظله

هج الظلام وسال في حجرالاعيان
ضيء تزفه غرة مسفهله

لك من هنا لاخر تفاصيل الازمان
عشق تمده راحة ما تمله

وليا لفحك القيض بأطراف الاجفان
خذ نصف قلبي لا خذ القلب كله

لا تستذير معاند الشوق غلطان
الله عطاك امر الخفوق وتوله

احيان اسوق العمر وتسوقه احيان
بيني وبينك دق عمري وجله

نمسي على جال المقادير خلان
ونصبح ومرباع الغلاء في محله

ما عاتبك لو ساهي الرمش كسلان
القاء العزاء بمزاح شعر تفله

هاك القصيد تفجر العشق بركان
خذ من سناه وبارد الحرف خله

ياعل شعرا منت قافه والأوزان
تصداءعليه شهورهن والاهله

قصيدة صوتك اللي بقالي من ليالينا - مساعد الرشيدي


صوتك اللي بقالي من ليالينا
عاد لو غاب صوتك ويش يبقالي
صوتك الموج والمجداف والمينا
صوتك الناس لوني في خلا خالي
صوتك الذكريات اللي اتدفينا
كل ماهل شفت العيد يبدالي
صوتك بعيد مثل البعد يطوينا
صوتك اغليه صوتك يابعد حالي
من غروب الكلام لشرق اسامينا
ياحبيبه وصوتك عندي الغالي
سولفي لعنبو هم يبكينا
انت اقصى مدى الهقوات والتالي
مالها حد شرهتنا وامانينا
والمسافات قشرى مالها والي
يقبل الليل لامرفأ ولامينا
عاد لو غاب صوتك ويش يبقالي

قصيدة عين تشربك شوف - مساعد الرشيدي


بين فرحة لقاك وهم فرقاك
لاتذكرت جرح ولا نسيتك

حي هالشوف ماتنمل دنياك
شف سواة العيون ليا لقيتك

عين تشربك شوف وعين تظماك
لاذبحني ظماك ولا رويتك

قمت اخيلك هنا وهناك وهناك
وين ترحل بي النظره نصيتك

ان تبسمت قلت الموعد شفاك
وان تمنعت بانفاسي دعيتك

وان طلبت الغلا قلت الغلا جاك
وان سكنت الخفوق البيت بيتك

وان نثرت القصيد بدرب لاماك
ذاع صيت القصيد وذاع صيتك

يارجا العمر لو حفتك الاشواك
ليتك اول طريق القلب ليتك

ودع البرد كف ضم يمناك
صافح الود قلبي يوم جيتك

حي هالشوف رغم هموم فرقاك
لو تناسيت جرحي مانسيتك

قصيدة على كثر الكلام وكثر ماقبل الكلام جروح - مساعد الرشيدي


على كثر الكلام وكثر ماقبل الكلام جروح
سكت ومالقيت الكلمتين الي علي بالي

أخاف إن قلتها ماقلتها وان قلتها بوضوح
توسدني ملامات الرفيق وشرهة الغالي

كذوبه يالهوجس اللي على الخاطر تجي وتروح
بغيت أزبن ذراها واستريح وماتهيالي

ورحت أتلي شتاتي واترجي صوتي المبحوح
تموج بي الدروب ومسند كفي على ظلالي

عسي مانتي رجايه يابروق في سماي تلوح
يشرهبني رعدها والضما بالصدر همالي

نقلت جروح ماعرفها بقلب مرهف مجروح
تنطحت البياض وسود الله وجه عذالي

قصيدة كلك تعالي غلا والا ارجعي كلك - مساعد الرشيدي


كلك تعالي غلا والا ارجعي كلك
بعض الغلا منك مايستاهل الجيه
طالت وانا في رجا ليتك ويا علك
أوراق بالذاكره واوراق منسيه
مابل ثوبك مطر شوقي ولا ابلك
لوعلتك من سحاب الروح وسميه
ليه امشي الدرب دامه مايوصل لك
تخاف رمضا الضياع اقدام رجليه
يابنت تو الهوى ماصرت انا خلك
للحين مازالت الصوره رماديه
ومازال بغض الغموض الشره يحتلك
وشلون انا اعشقك واحبك على النيه
اشوفك هناك قدامي ولا ادلك
صعب الكتابه ليا صار الورق ميه
إن كان شمسك تساومني على ضلك
ماعاد ابي منك لا شمس ولا فيه
اما تعالي لقلب فز لك كلك
والا اتركيني ما ابي لك بالهوى جيه