ديوان الشاعر ( الامير نواف بن فيصل)

ديوان الشاعر ( الامير نواف بن فيصل)

ديوان الشاعر نواف بن فيصل قصيدة تناسيني - للأمير نواف بن فيصل تناسيني تناسيني بنفس الموعد اللي به ذكرتيني ... أنا ما أقدر أعيش اللي بقى لي من العمر بأوهام عبس وجه الزمان وزاد لومه لاتلوميني ... بغى جور الهوى وأنهى سنين من صبر وأحلام أبغفى كني الطفل الغرير ولا تصحيني ... أبي أرتاح من بعض الشقى ومن لعبة الايام طلبتك كان لي في داخلك بعض الغلا إجفيني ... ترى حر الجفا أهون كثير من الوهم لو دام سلام الله على وقت مضى وماصار به فيني ... خبا ظي القمر والشمس ماقد شعشعت من عام هناك بعيد ويا الشوق غنيني وحبيني ... وهنا لاتقربي ضاق المكان بزحمة الأقدام هواي العف يا أسما القصايد في دواويني ... أنا لي قلب مايقوى يضيم ولايبي ينضام تخيرت أبتعد والصمت والوحده عناويني ... وإذا ودك تزوريني تعالي بس في الأحلام

المصدر: منتدى همسات الغلا

---

]d,hk hgahuv ( hghldv k,ht fk tdwg) hgahuv fk pd,hk tdwg)

قصيدة عضت الأبهام - نواف بن فيصل


عضت الأبهام




عضت الابهام ما ادري ندم ندم ولاملام
عضت الابهام انتهي والا ابتدي وقت الغرام


يالايمي خل العذل خل الكلام
يالايمي عيني تبي لحظة تنام


عضتضة الابهام
استودعك ياهم يامنادمي بالوقت


من حب مايهتم ان جيت والا رحت
باكران موعود بضحكة ونغمة عود


ياعمري المولود ذيك العيون السود
باشوفها باكر مشتاق


ياباكر متى يجي باكر
وتصفي لي الايام وعضت على الابهام


ياناقلين هروجكم ماعاد ينفع موجكم
بحري صفا وقلبي من الهم اكتفي


ضليت يانجم الفرح ماعاد به باقي جرح
بصرخ بقول اهواك عطني ابي يمناك


مافات خله مات ما دامت أنا وياك
قل للشقا قله سلام


راحت دياجير الظلام
وانتهت عضت الابهام

قصيدة مايفضح الي يحب الا اخر اللحظات - نواف بن فيصل


مايفضح اللي يحب الا اخر اللحظات

لامد كفه بالوداع وصد بعيونه

معاه رايات الاسى وجيش من العبرات

وبين الحنايا صهيل خيول محزونه

سلام ياللي ناوي الفرقا عدد مافات

وتعداد مامر السحاب وهلت مزونه

سلام من قلب سكنته انت والحسرات

غلاي تكفى يامودع ناظري صونه

ارحل وانا برحل معي هم وتعب وسكات

واسرار مابيني وبين الروح مدفونه

ارحل مادام الله كتب لك يالحبيب شتات

مالي على حكم القدر راي ولامونه

مالي بعدك الالصبر ومجاذب الونات

وقصيدي اللي كل خلق الله يغنونه

وان طالت الغيبه ابنعي الحب لو مامات

عسى الهوى بك يشتعل وتردك ظنونه

وباحاول انسى ولو يصيح الشوق بي هيهات

وباحاول أسلى ولو يصيح القلب ماخونه

قصيدة خير إن شاء الله - نواف بن فيصل


خير إن شاء الله وش اللي زعلك مني
خير إن شاء الله وش اللي غيرك عني
ترى ماجابني الا انت وشوقي
يا أقرب الخلان انا والله ابد ماخنت
ولا فكرت بالنسيان واذا تقوى انا مقوى
ترى الدنيا ولا تسوى خير إن شاء الله


أحسك باهتك نبره وحزن وشي ماعرفه
وأشوف بنظرتك عبرة ضوت بالحيل مختلفه
عسى ماجيت في وقت لغيري وعسى ماجيت لك صدفه
ترى ماجابني إلا أنت وشوقي ياقرب الخلان
أنا والله أبد ماخنت ولا فكرت بالنسيان
وإذا تقوى أنا مقوى ترى الدنيا ولا تسوى
خير إن شاء الله


حنيني غصب يدفعني وياخذني الوله يمك
وأبد ماظن تمنعني مسافات الظما عنك
تراك أنت الوحيد اللي بقالي
وهمي وليتني همك ترى ماجابني إلا
أنت وشوقي يا أقرب الخلان أنا والله
أبد ماخنت ولا فكرت بالنسيان
واذا تقوى أنا مقوى ترى الدنيا
ولا تسوى و خير إن شاء الله

قصيدة على البال - نواف الفيصل


على البال
كل التفاصيل ،، على البال
واحلى التفاصيل ،،على البال
والحل و الترحال
والنار و الهيل
والقمرة اللي نورت ليل ورا ليل
والنظرة المكسوره
والبسمة المقهورة
والخطوة المغرورة
واحلى المواويل دايم على البال
مدري الى اليوم
والا الزمان انساك
ياقلبها.. قلبي
مادري الى اليوم
طوله على مضناك؟
ولا انتهى حبي ؟
ياقيد الريم ذكراك
ماغيبت عن خاطري ساعه
الروح لك ياساكن الروح نزاعه
متى الوصل ؟ قول ،،
باجيك واسابق الساعه
ياللي على البال
كم شمس غابت وانا اشوفك
شمس الضحى اللي تباريني
واذا منع جيتك خوف
نورك فلا غاب عن عيني
الحب تدري مهو بيدي
سيدك تراه الهوا و سيدي
أبيك تبدا مواعيدك
وأبا ابدا مواعيدي
ياللي على البال

قصيدة يسألوني ليه احبك - نواف بن فيصل


يسألوني ليه أحبك حب ما حبه بشر
وليه إنتي في حياتي شمسها وإنتي القمر


وليه صوتك لا وصل صحراي يملاها الزهر
علميهم يالحبيبة يا أغلى حبيبة


يسألوني ليتهم مثلي يعيشون الهوى
الأصابع في اليدين الواحدة ماهي سوا


عندهم حبك طبيعي وعندي فوق المستوى
فهميهم يالحبيبة يا أغلى حبيبة


يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب


وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة


يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع


وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة


علميني ليه أحبك حب ما حبه بشر
وليه إنتي في حياتي شمسها وإنتي القمر


وليه صوتك لا وصل صحراي يملاها الزهر
إعذريني يالحبيبة يا أغلى حبيبة

قصيدة هلا باللي تمنيته - نواف بن فيصل


هلا باللي تمنيته سنين وشافته عيني
انا شفتك حقيقه حلم هوجاس وسهر واحلام

كثير اجمل من اللي شفت وتخيلت بسنيني
كثير احلى من الواقع كثير اجمل من الالهام

انا جرحي حملته لك ، دخيلك بس داويني
ونسيني عنى شوقي وهمي ولوعة الايام

انا ظامي وتدري زين وش اللي منك يرويني
ابغرق في نهر قربك من اطراف القدم للهام

لمحتك قلت ماشالله ياشيخ المزايين
على روس العذارى تاج

وفي وسط الكلام انغام .. حسدت بشوفتك عيني
حسدت بلمسك ايديني .. ومن زيني ولو اني حاسدن نفسي

ترى مانلام .. خطفت من القمر نوره ، وصرتي دوم تضويني
ولا غيرك يهز القلب ولاغيرك بحضنه نام .. انا احبك

وانا مدري .. تبيني او تحبيني .. وكاد اني احبك حيل
وتموت بوصفك الاقلام