قهوة شعر بنكهة عربية أصيلة_مساحة أدبية_

.








اللي بكيناهم قبل لا يغيبون
وشلون لا من غابوا العمر كله
يانعمة النسيان بالله وشلون
ننسى الذي محدٍ يسد بمحله

.




لا تَحْسبِ الشِّعْرَ أوزاناً وقافِيَةً
ولا حُرُوفاً على لَوْحٍ كَتَبْناها

ما الشِّعْرُ إلا دُمُوعُ القَلْبِ مِنْ وَجَعٍ
لمَّا اخْتَنقْنا بها قهراً نَزَفْنَاها

.



تنقيتك ؟ ابد والله ، عَبرت و شفت قلبي طاح
بغيت أشيله و طاحت تنادي بأسمك عظامي

أنا صحراي جفت من زمان الين برقك لاح
و صارت جنةً خضرا بوادي صدري الضامي

اكذب صوت عقلي كل ما قال الحظوظ شحاح
و أصدق صوت قلبي " رُبَّ رميه مالها رامي "

مشيت لباب قلبك ما بيديني للوصل مفتاح
ما شالت هالكفوف الا أربعه خامسهم بهامي

و لكن جيت اجازم في سبيلك بأخر الافراح
لعل الله يبيض في وجودك وجه الايامي

و إذا حبّك غدا همي ياجعلك هم ما ينزاح
انا قلبي عصاني لك ؟ شلون اطيع لوّامي

أضيّع ربكتي حولك بـ دور الضاحك المزّاح
اخاف تلاحظ عيوني ، شغلتك في تبسامي

تفاصيلك الاحظها شلون بـ فطنةّ اللمّاح
و أنا اللي فاهيً وعيه يعيش بقلب متعامي

من المشية تصدق صرت أعرفك ضايق أو مرتاح
من النظرة من الكلمة من الخطوات قدامي

غريب الحُب و الأغرب إذا عشته مثل الاشباح
غريب الحُب كيف إنه يميت و يحيي أنسامي

يعز اللي عروقه من خسارة ما يعرف ارباح
ويضيم اللي مواخيذة مافيهم شخص منضامي

ياحلو الصمت لو أنه تحت صمت الشعور نواح
أخاف تجف صُحفي لا حكيت وترفع اقلامي

يروحون و يجيب الله على دربي كثر ما راح
و لكن ما خذا غيرك بـ عمري نزعة هَيامي

كأنك منخلق من ضلع قلبي " أندماج أرواح "
ما بيني و بينك أحساسً غريب اغرب من اوهامي

أنا جيت أسكنك "موطن لحد " ماجيت لك سواح
" لقيتك منشأ الحب الأخير و ريحة أحلامي "


الشاعره جوى