مساحه لــ ال همسات الغلا مما يعجب اذواقكم الشعريه

.
انت كنت تظن قلبك ما عرف الا غلاي
.......... وان عقلي صرت واثق تملكه في ساعتين
ما اصدق ذي حقيقه ولا احلامي معاي
........... وما اكذب ان جرحي انفتح في لحظتين
وين رايح وين تارك هالملامح ياشقاي
........... وينها ايامي بقربك وين وعد ك والحنين
هو يصير انك تفارق دون ما تجبر عزاي
..............هو يصير انك تراكم في عيوني دمعتين
هو يجوز البعد شرعا دون معرف وش خطاي
......... هو يجوز انك تطالب شخص ما تطلبه دين
لحظه وقف لا تحسسني بذنب ما فعلته يا عناي
............... لا تحملني ذنوب ما لمستها هالايدين
تدري وش يعني تفارق يعني أبطي في ظماي
......... تدري وش يعني حسوفه يعني تندم مرتين
تدري وش يعني رجيتك يعني اشهق في بكاي
.......تدري وش يعني احبك يعني كل هاذي السنين
ما عرفت اشوف غير ك وانت احلامي ومناي
................وما قدرت اقول الا بالخفا ربك يعين
هو صحيح اني اببكي وحدتي وببكي وفاي
.............بس انا اببـــكيك مره وانت تبكي مرتين


للشاعره وجود
مقتبسه من يوتيوب
مساحه رائعه جوريتنا تسلم يمينك
مسائك ورد الحروف والقصيد

مدائن من الشكر
لروحكم الطيبه

لا تفرح إن الوقـت أسعدك واعطاك = لابــد مـاســود اللـــيالي تـبـكـيـــك
دنــــــيا تقلـــب علــها مـــاتــولاك = تمسي عزيز وتصبح امن الصعاليك
إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك
اغنم من اصروف الدهر كانه امـداك = قبل اللحد عن ظاهر الارض يخفيك
وترى التشكي للمخاليق يشــــــنـاك = يحط من قدرك ويفـرح مــعــاديـك
وكـثر التـشره يجعـل الناس تجفاك = ولا عــاد تلـقى بيـنهـم من يخاويك
ولا تمادى في زعل من ترضــــاك = مادام جاء عاني على شأن يرضيك
ولا تخــاوي من على ابوه بـــــداك = هذاك وان طال الزمان يغدر فـيـــك
والـجـاهـل احـذر لاتجـادلـه يـبـلاك = في كـلـمة بين الـمخاليـق تعـمـيــك
والهرجه العوجى لو أنه تنصــــاك = حـاول تجـاهـلهـا وخــله تـعـديـــك
ولاتخـيـب هـقـوت اللي تـهـقـــواك = مادام جاء بين المخاليق ناصيـــــك
واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك
ولاتفرح بزودٍ على الحق وان جاك = زودك ترى نقصٍ على حق ذوليـك
وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفـيـــك
وان جت لك الدنيا على غير مشهاك = اصبر ترى بالصبر تدرك امانيـك
ولا تأمـن الدنيــا تـرى الوقـت فتــاك = لجا القـدر كثـر الحـذر ماينجيـــك

يامدرس اجيالك فنون الاتيكيت
انا ماعرف الا طبوعي وساسي

فيني طبع اطفش من الابيات الطويله حد بيتين الى اربعه وبس
ههههههههههه

نمنا على بـاب الأمل نزرع الورد
وقمنا على عج الزمان و سوافيه
نبي الدفاء وأحلامنا صابها برد
حـلـمٍ تـوفّـى ما لـقـى مـن يـدفّيه

لا تزيد الجرح ماقصر زماني
شايلٍ بالقلب أحزان السنين
لاتزيد الجرح مافيني كفاني
لا تصير اليوم مع وقتي معين

.


(( تالي نهار ))
تالي نهار وعاتق الشمس مذبوح
والوقت لو تدرين للوقت ذباح
كن السما صوتً من الذعر مبحوح
والليل خيلٍ سود للضي تجتاح
وسحايبٍ فوق الشفق كنها قروح
على جبينٍ ما شكى كثر ما طاح
لاذت عصافير المسا في ذرا الدوح
وتنفس سراج الوهن بين الألواح
حبيبتي ضاق الفضى وين باروح
وان رحت ظلم النفس للنفس ما راح
مجروح ماهو هم لو قلت مجروح
يالله عسى ما اصير في قلبك جراح
تبسمي برقٍ على ثغرك يلوح
بشد له مدام في العمر مـرواح
غزيت وجه الصبح من غير مصلوح
وانكفت دون الشمس هقوات ورماح


الامير الشاعر بدر بن عبدالمحسن