ياصباح السعادة شوفو من ثلاثه العصر لثلاثة الفجر
توني خلصت
اتصلت عليا اختي قالت عبير تعالي عازمتك ع الفطور
وبرسل السواق ياخذك
وطيران تدوشت وتكشخت وروحت
عادي اصلاً لقيتها عازمه حمولتها
قالت عليك السمبوسه والسلطه والخليه
هي سوت شوربه وجلي وكريم
وبعلها خبز في التنور خبز وايدام
اوك اوك
انا خيالي واسع
تخيلت انها عازمتني بلاقي سفره مفروشه
واكل واتابع المنتدى بصراحة دايم احلامي طفوليه
الحمدلله مجتمعي يرجعني على ارض الواقع
اول شي سويت خس
وش سويت خس غسلت خس
هذا فطوري انا
وببقي شوي للسلطه
وهذي الخليه شكلتها في صينية موش صينية هلال
طلعت تشبه كل شي الا الخلية
وهذي الخليه حطيتها في فرن وقلت لاختي
كيف احط النار قالت نفس فرنك
هي صاحبة البيت او ربة البيت او ملكة البيت ماتعرف له
المهم تحمرت شويه بس ويقولون حرقتيها
وقفت وقليت السمبوسه
عشان حمولة اختي ياكلونها مغمسه في دهون مهدرجه
وهم شيبان اعترضت على هذي النقطه
وقالت اختي اشتغلي وانتِ ساكته
وماقالت لي يكثر خيرش
قلت لها دقو لحيش
بس في قلبي قلتها حسيتو بعلها زعلها
وحطت الحره فيني وانا حمالة اسيه
هذا واحنا صايمين
ليتني مارحت بس كسبت ذنوب
كل اسره فيها مشاكل عائليه
وتحدث المشاكل حتى في العائلات الملكيه
الموووهم
اناصايمه مابغى اتكلم فهمكم كفايه احد يحط ابجورة في المطبخ
انا من شفت الابجورة تعاطفت معها فهمت وضعها النفسي
وهنا جهزت السلطه والسمبوسه
واختي كثر خيرش سوت جلي حنوووونة
واختي ماشافت الا الخلية المحروقه
سفرة تريلة البكستاني اللي حاطه فيها 300 لون ماشافتها
بس انا مراعيه حالاتها النفسيه هي في سباق مع الزمن
كل سنه حامل
مارثون نسائي جديد الله يقومها بالسلامه شكلها ترند
اللهم كثر من الامه الاسلاميه
انا صايمه مابي اتحاكا
هذا كله وانا ماتحاكيت
يلا ماعلينا نكمل
والى هُنا اعزائي المشاهدين
اهرب انا وارجع غرفتي
قبل شوطهم الثاني
بعد ماكسبت ذنوب العالمين
يقولون ماتبين تكسبين الاجر
قلت لا بكسبه من تطبيق الراجحي بدون
كل هذالتعب مافي تعب بدني تعب نفسي
طاقتهم سلبيه
وبكره
بعدل بينهم
بسوي لبعلها فطور
قد منيته عليه الف مره
يقول سويتي لاختك
بكره تعدلين وتسوين لي
حسيتني ابوهم
يوم رمضاني جميل
العرض العادي
