مدونة أعضاء همسات الغلا

اهداء من هدهد الشرق الي النازف قصيده راااائعه


عـضيدي اللي مالـه اشباه وامثال

لا صحت تكفى فز لي الــف خــيال
مهـره وأهـلي كـل ابوهـم ذيـابـه


وأخصً أنا اللي للحمل دوم شـيال
اخـوي ياعزوتي سريع الأجـابه


عـضيدي اللي مالـه اشباه وامثال
يالله عـساني ماأحـس بغـيـابـه


صـدره لهمـّي لاتضايقـت مدهـال
وشـيٍ يفرحـني سعـابه وجـابـه


ماسدني في غـيبته كـثر الازوال
عـضيدي الغـالي فـلا لـه مشابه


ملاذ عـيني لا دنـا كـل زلـزال
وان ضاق صدري شفت فيه الرحابه


انت السند وانت والغلا وانت الامال
وانت الحـنان اللي روانـا شـرابه


طـيبك بنالك داخـل القـلب مـنزال
تنزل ومحـدٍ قـبل زولك مشـابـه*


لـو بيني وبينك يحـولـن الأمـيال
عطفك ينسيني السفر وأغـترابـه


ابشـرك مـرتاحة الفـكر والـبـال
والضـيق زايل والألـم والكـأآبـه


ولياقـتي بالصـبر عـالٍ على عـال
والـراس شامخ للصعود انجـذابـه


وأن قـلت تكفـى لا تفـكـر بتنقـال
في غير شخصك ياكـثيرالمـهـابـه

من روووووووااائع شاعرنا البدر من اجمل
ما قرأت صح لسانك يا رااااقي


نظرات عينك

يسعد مساكم
ابيات وليدة اللحظة

//

يالناعسه نظرات عينك ما عطن
تكفي عطاياها عن الشئ الكثير

ياليت حظي قام ولساني رطن
وياليتني ماجيت ذاك السوق مير

ليت الجروح اللي على قلبي سطن
تبرى لو ارميها على البحر الغزير

اجمل وطن و افخم وطن و آخر وطن
انتي وطن مغري وانا لاجئ اسير

وانتي علاج الراس وعلاج البطن
من يوم ما شفتك وانا ماني بخير

شفتك من اقدامك على الساحه وطن
كنك توطالك على سلك الحرير

وخدودك اللي لونها لون القطن
وشفايفك تنتج عسل طعمه مثير

سلبتني عقلي وانا عقلي فطن
وحملتني حملٍ مايقواه البعير

بقلمي

رااااائعه من مها الرياض أهداء النازف


مدح في قائدنا النازف لانه يستاهل
أقول
كلام هدهد ياعرب ضيق البال
وزودٍ على الضيقة جتني كأبة
تقول قائدنا مزاجه مهو عال
معذور ياهدهد من اللي صطابة
تذكر ابوه اللي للحمول شيال
وشلون كان الكل يحسب حسابه
حسيت بااحساسه واوميت بالشال
فقد الابو ياناس يبطي صوابه
بكيت ابوي سنين وسنين طوال
ولايمكن انسي لو ريحة ثيابه
ياجعل ابوك في جنة الخلد منزال
ومن يد رسول الله يأخذ شرابه
جمال حنا لك ترا حزام وعقال
كسبتنا بالطيب مو بالحرابه
كريم متواضع كما المزن همال
ياسعد من خاواه ثم انتخا به
جيناك يالنازف أجيال واجيال
من شاف طيبك قال مامن غرابه
همسات تجمعنا مع طيب الفال
ومن جا جديد قال يامرحبا به
وسلامتكم

اهدااااء رااااائع من شاعرناالبدر تسلم ايدك وصح لسانك ياراقي على اهدائك الرائع



ريحانه الدنيا

صباح الخير
اهداء للاخت ريحانه الدنيا

//

ريحانه الدنيا على مر الازمان
ماشفت مثلك يالدلع والليانه

وصفك يثير الشعر ويهز الابدان
وعيونك الحلوووين أكبر ادانه

اذا انحنيتي كن بالارض نقصان
واذا وقفتي كن ما فيه خانه

وخدودك ورودٍ لها اشكال والوان
وخصرك بعد لايق عليك اتكانه

وشفايفك توت وسفرجل ورمان
من ذاق منها عاش كنق بزمانه

متكاملة لـ اوصاف يا روز عمّان
متكامله عليك ربي وأمانه

ومعجب بك الاعجاب من بين الاخوان
عادي ترى الاعجاب ما فيه اهانه
.
.
.
.
بقلمي

هاذا الشعر من خيال.
|

من بنات افكارها ل مها الرياض رااااااااائعه

ياناس خلوني مع الأفكار

ياناس خلوني مع الأفكار
بعيش مع لذة افكاري
اشوف خلي دايم محتار
مايدري انه مشعل ناري
احبه واهيم به واغار
ولعيونه بحت باسراري
قمت اتوجد بهالاشعار
والمشكلة هو مو داري
لاشفت زوله قلبي طار
وده يروح له ساري
القلب ماهو ابد يختار
الحب يجيك اجباري
اشوف عالم وناس كثار
ماجاب قلبي لهم طاري
جبار في عشقته جبار
مايبغي الا اللي لهم شاري
ياليتني وياه دوم صغار
ونلعب مع بعض اتاري
ولا نتخبى ورا الأشجار
في الساحة اللي ورا داري
مااحد يقول عيب و عار
أطفال في لعبنا نماري
الان ياصاحبي وش صار
معاد توصلك اخباري
كبرت وصارت بيننا اسوار
حنا بدو لو مستوانا حضاري
تدرون كل هالحكي ماصار
تأليف ..... بنات افكاري

راااااااائعه من روائع كاتب همسات الغلاالوعد القاطع

نرخص الغالي...


:
نـرخـص الـغـالي لـنـرضي حـضـورك
واحــذر مــع الـقـاسي تـلين جـنابك

من لا يموت من الفرح في حضورك
خـلـه يـموت مـن الـقهر فـي غـيابك

مـــن لا يـحـبـك مــا يـقـدر شـعـورك
ولا يـحـس فــي خـافقك أو عـذابك

خــل الـقمر يـضوي ويـعكس بـنورك
لـحظة جـنون الـحب تلامس ترابك

أسـامـحك إن كــان يـرضـي غـرورك
واعطيك عمري واعطني من رحابك

كـلما أقـترب شـوقي يلامس زهورك
قـفـلت فــي وجـهـي مـغـاليق بـابـك

ودي بــعــطـري يــعــانـق عـــطــورك
أن قـلتي حـيا قـلت لـك يـا هـلا بك

لــولا غـلاك يالحب و خاطر عيونك
ما كان غيمي يندمج في ضبااااابك

رااااائعه جديده تضاف لروااااائع مها الرياض


قال وقلت

أقول متضايقة ...مرة
حبيبي زعل ...بالحيل
وقلت وشفيك يالغالي
يقول انتي هواك تمثيل
وقلت افا وش.... تقصد
وش اللي غيرك ..هالليل
رفع راسه وقال... انتي
تغيرتي وابي.... تعليل
وقلت وش حصل مني
تأكد يمكن قال... وقيل
وقال ابداً انا ....قررت
ابرحل دون أي... تأجيل
وقلت ارجوك ....اسمعني
ابشرح وضعي بالتفصيل
انا من جد ......حبيتك
محبة مابها .....تضليل
احبك ايه في..... قلبي
ابين يوووه .....مستحيل
تبسم وقال ......معذورة
الظبي يجفل من التطبيل
وقال يااميرتي الحلوة
احبك يابعد .....هالجيل
والله ماقال وانا ما قلت
تراها كلها .....تهويل
اجل ياقوم .....صدقتوا
في ذمتي مزحة ل ...أبريل