سجل حضورك بابيات شعريه

لا يذبحك شكك ولا تنشد الناس
ولا انت في حاجه لـ نبضي تجسّه ..

خلك هنا ، بين المشاعر والاحساس
نفس الشعور اللي تحسه / احسّه .. !

قالوا نسيته قلت أنا ماقدر أنسـاه
قالوا تحبَّه قلـت هاذي الحقيقـة
قالوا تزوره قلت أنا ويـن أبلقـاه
قالوا تحاول قلت كيـف الطريقـة
قالوا تشوفه قلت أنـا واحـلالاه
أشوف زوله فـي حياتـي دقيقـة
قالوا لي أصبر قلت أنا الصبر ماقواه
الصبر عن مضنون عيني مااطيقـه

يا ليت طير الغـلا مـا حـط بـي عِشـه
......................ما كـان تِثْقِـلْ رحيلـي مـزودة قشـي



انام برضٍ خلا والوجـد ~ بـه ~ بشـه
.......................واقـوم صبـح البشاشـه ينتظـر رشـي

صوتك يغيب ولا تغيب الموده..
باقي "غلاك" ولا تهزه مقادير..
يا صاحبٍ ماكان بالقصد صده..
غير الزمان بحكم ربي تدابير..

لاجـفاك الـوقت ياقـلب المحـبة والعـطا
حط لك فوق النجوم العاليات بساطي
عـز نفسك وارتفع عن مداهيل الـوطا
واكفخ بجنحان السعد لاتجي فالواطي
مـــن بـدابك بالخــطا لاتبــادله الخــطا
عن متاهات المـهازل احترس واحتاطي
واعـرف ان الجـرح لـوانه بخـفاقك سطا
مع مرور الوقت جرحك لوبطا ينخاطي

صارت علاقتنا بلا أي معنا ،،
وبقلوبنا مافيه حاجه جديده ..

لـنـّـا على درب الغرام أندفعنا :
إيلين صار الحب ينزف وريده ..!!

تغيب الوجيه وتختفي والقلوب نضاف
تداعب مشاعرهـا وتذكـر حبايبهـا

ظروف الليالي حكمها فا العباد اصناف
على دربها المحتوم تشعـب ركايبهـا