ديوان شاعرة الحلم مها الرياض

يتصفح الموضوع حالياً : 48 (1 عضو و 47 ضيف)
هلا وسهلا جمهوري الأعزاء
على هالحضور الجميل
كل يوم بحط لكم قصيدة
ربي يسعدكم

خلك بعيد حبك يزيد شي عرفته من جديد القرب هو سبب العذاب لانه مجرد سراب لاتفتكر اني ماابيك او اني مااوله عليك انا احبك من زمان واعدك لي اغلى حبيب لاكن انا طبعي غريب محبتي بس من بعيد ترا المها دايم جفول ويرتعب من كل زول وانا صفاتي مثلها والناس ماتفهم علي اللي يقول دمها ثقيل واللي يشيل ولا يقول واللي يقول كل البدو رجعيين ومافيهم ميول مااهتم ابد من قولهم هذي صفات بنت الأصول انا مااحب درب الغزل رغم اني احب بهبل في العام اعطيك اللي تبي مزح وسواليفٍ كثير واخلي قليبك يحير هالبنت مني وش تبي ابيك ياعيوني بخير وهذا نظامي للجميع افهم علي يرحم ابوك فيه فرق بين الحب والغزل الحب مشاعر سامية اما الغزل شي حقير لا للغزل من أي نوع مالك علاقة في الموضوع مبدأ وانا ماشيه عليه أخلاقي ماتسمح اجيه فهمتوا وش اقصد انا لاتغازلوني وتندمون احد يجيب لنفسه صداع بدوية وقشرا وبي جنون لكن ترا قلبي حنون واحبكم لو تعلمون واذا تبي حب المها خلك بعيد حبك يزيد

تعالوا ايه العرب شوفوا المهازل والعجب غيروا مسميات كثير بقصد تمويه الحرام وبسطوا الفعل القبيح لتغيير الحكم الصريح الرشوة ملعونين اهلها والان اكرامية يقال طيب الربا حكمه حرام قالوا فوائد مساهمين وام الخبائث عندهم مشروب روحي للسهرانين اما الحشيش والكوكائين ومايذهب العقل سموه كيف بالامس كلمة طائفي تعني رحيق من الورود والان اقبح مايكون تفريق بين المسلمين واسلامنا السمح النقي في عرفهم اصبح ارهاب كانت النصيحة بجمل والان تدخل في الامور وطول الذراع صفة الكريم والان صفة للسارقين اما التعري والسفور مكروهه في كل العصور الا في زمان العولمة قالوا لهم متحررين اما الزنا والاختلاط اسموها علاقات الغرام والزانيات الفاجرات قالوا لهن بنات ليل ونزعوا حجاب المسلمات بحجة تحرير البنات واللي تتشبه بالرجال تقول بوية بأفتخار وبعض اشباه الرجال صار لبسهم مثل الحريم يحف ويلبس له زمام وخلخال في الرجل اليمين وجاهروا بالمعصية تحت مسمى الانفتاح واللي يحل فعل الحرام هذا في نظرهم معتدل ياويلي ماهذا الجنون يبون دمار المسلمين الحق واضح للعيان في السنة والذكر الحكيم امشوا على هدي الرسول تفوزوا برضوان الكريم

محاورة بيني وبين شاعر الغربة شاعرنا الكبير محمود الشاهين قصيدة استهبالية اختبارية من شاعر الغربة لقياس مدى قدرتي الشعرية بعنوان قصيدة مالها عنوان قصيده خيالية فقط لتغير الأجواء مطلوب فيها شاعرة الحلم - مها الرياض للمجارات تعــــالي يا مهــــا نكتب قصيده مالها عنـــوان قصيده شرقها المغــرب ، ولا نفـقـه معانيـــها تعَرّفين القمــر أصبح من عيـون البشر خجـلان وشمس الصبـح ماعـادت تناسبني أغــانيـــها لقيت البحر في نفسه من أهوال الزمن غرقان وجبــال ٍ راسيه طـارت ولا عـادت معانيـــــها ؟ يقولو منطقة جده اْنقلوها في أراضي عمــان وبصَــره إزعلـت راحـت تخلّـت عن مبانيــــــها دريتي بقصـة النمـلــه تبي تفتح لها دكـــــان تتاجـر كالبشــر تبغـي تحـقق كـل أمانيــها ؟ وبطـه عاشقه هـدهـد وثعلـب مغرم ٍ بحصان وكنـاري زوجـها ضفــدع بيـوت الحـب بانيــها دقايق فكّــري مثلي ، تلاقين الشعـر دخــان وكبريت الزمــن قافـي ، ودنيا الله فانيـها ؟! كيبوردية : محمود الشاهين بتاريخ : 15/5/2016 مجرد شعر خيالي ردي على شاعرنا الكبير محمود الشاهين اقول من المريخ نرسل لك قصيدة مالها عنوان قصيدة لونها زهري و مجنونة في ....معانيها بنرسلها مع غراب جميل وزاهي الالوان هو اللي يعرف الخيمة ويعرف كل موانيها اشوف الحزن يامحمود مخليك دايم حران توجه يم رصيف الشمس ترا بارده مبانيها هناك النمل باني له من عقول البشر بستان وهناك نميلتك ممكن تحقق كل امانيها وهناك الطير في جحره يردد اجمل الالحان وعنز ماسكة قطوة وبالقوة تحنيها وجربوع في وسط البحر يصيد الجح والرمان لانه عازم بطه ويبي بصيده ....... يهنيها اخذت الموتر الوردي وحلقت بأسفل الحيطان ولقيت الشمس زعلانه ماتدري وين اوانيها وشفت السلحفة تغمز بطرف ناعس فتان تغازل ديكٍ مصرقع تقول انه معنيها ونبي فزعتك يامحمود جملنا عاشق ولهان وبنت الشيخ أبو تنين تبي كم قصر نبنيها وجملنا تعرفه خبل لاعنده لولو ولا مرجان مغير يسبل عيونه وكل حيوانةٍ حلوه ...معنيها نبيك تمشي لأبو تنين وتجيب كم من شيوخ الجان وتخطب بنتهم للخبل وعسى مايقول ماادانيها واذا قاله ترا بنرجع نجيب لكم قصايد مالها عنوان قصايد خربط بخربط وتضحككم معانيها

تغيب ولا ماتغيب مابي انا غيرك حبيب احبك في وصل وجفا واحبك بقوة وطيب رغم انك ابعد مايكون وان مالي بشوفك نصيب الا اني اهواك بجنون لانك السعادة والطبيب ودي اشوفك كل يوم بس القدر حكمه صعيب يفرق اللي يعشقون ويجمع غريب مع غريب وانا بعد طبعي خجول واخاف من كلمة تُعيب لذلك اسمع مايلي ركز معي وخلك لبيب وافهم اشارات الغرام وابعد عن اللي فيه عيب ان جاز لك اهلا هلا ولا كثير من تستجيب لحظة ابي اقول شي ماتلقى مثلي للمشيب ماهو كبر ولا غرور وماقلت انا ابوي ذيب وماهو علشان الجمال ولا لي حلال في الشعيب اغلى مااملك سمعتي وهذا ترا ماهو عجيب كل البنات الصالحات يدرن بأن الله رقيب وكانك مصمم عالرحيل مع السلامة يالحبيب ورجع لي كل اللي خذيت احساسي وقلبي الصويب كلمات شاعرة الحلم مها الرياض

ان مدحنا مامدحنا غير طيب
الكفو يشرف اللي يمدحونه
مدحنا للكفو ترا فخر ومعزة
والردي في ذمتي مدحه مهونة
اسمعوا يااخوان وش ودي اقوله
مدحي اهديته لمن يستاهلونه
امدح الطيب وافاخر به واماري
واتنومس اذا قاموا يمجدونه
حتى لو جدي مهو من صلب جده
والله اني افتخر في هالنمونة
امدحه لله مابي منه حاجة
ومو ريا ولا نفاق يفهمونه
من ظهر طيبه من الجنسين يبشر
بمدحه لو كان ربعه يعرفونه
المدح للكفو يرفع من مقامه
ويظهر افعاله لناس يقتدونه
ياجماعه من وصل له مدح مني
ماهو اعجاب ابيكم تسمعونه
ماامدح الا كل كفو وكل طيب
وكل بنتٍ طيبة ذربة حنونة

افرح اذا سولفت لي ياصاح
الظاهر اني احبك وانا مدري
سولف فديتك عشان ارتاح
سولف ترا ضايقٍ صدري
احب انا اسلوبك المزاح
واحب بعد شِعرك النثري
لو ان كلامك عن التفاح
يووووه كنك تقول ياعمري
حتى لو تعيد حكي راح
ماامل من اسلوبك السحري
تذبح قليبي بدون سلاح
لاقلت منتي على خبري
ان جيتنا عمت الافراح
وفي غيبتك وضعنا مزري
اقول سولف عشان ارتاح
شكلي احبك وانا مدري
كلمات شاعرة الحلم مها الرياض