الناس واجد .. والمشاعر قليله

.
.
مـا ألومك يـاخيالي لو رسمت
طيـف محبـوبي بحزة نـومتي

هاتها اللـي لجلها الليله سَهرت
مبطي ٍ مـاشفت صورة حلوتي

هاتها بأحلا صورها لو سمحت
ولا تخلي شي منها للـ هفتي !

هاتها من فوق وكملها لتحت !
وخلـها تمـلا الفـراغ ..بغرفتي

ودي أسهَرها بعيوني لانظرت
وودي أسهَرها بهناي ونشوتي!
.
.
نظر

.
.
طيّب .. أنا ميّت..وبـموت كل يوم
ميّت وله .. وميّت على كل الألوان

ميّت نظر .. ودي بشوفك ومحروم
ميّت نبض..والنبض يبطي..وتعبان

ميّت نفَس .. والصدر بـالهم مكتوم
ميّت شعور ..وحالي..بحال مرضان

يعني ..غيابك عني.. هموم بـ بهموم
وضيقه وايضاً وين مارحت طفشان

تعـال شف حالي .. قبل يلحقك لوم
أنك تسببت .. بشقا .. وموت أنسان
.
.
نظر

..

الجوري القديره
مالقيت ارد لك على هالتصميم
الا الشكر والعرفان لـ جميل ذوقك
أحسنتي ..أبدعتي ..أبهرتي ..
.
.
.
وصادف التصميم إنشاء هذه الأبيات البسيطه المختصره ..
إن اعتبرتيها إهداء لك ..
او إهداء للتصميم ..
فأنا أضعها أول مشاركه بعد التصميم..

.
.
مـلل طفـش تعـب ضيـق إرهـاق
الله .. كل هـذي.. أنـا محتملها!؟

وضـعٍ مهـو طيّـب ولاهو بينطاق
لكن .. لـي الله .. رحمته بتعدلها

من كُبر مابي الحشا داخلي ضاق
وبـ تنفـجر نفـسي سبايب اعللـها

سليت نفسي .. لكن البال ماراق!
حاولت أنسى..وأندمج مع اشللها

لعل .. من بعد المسا ياتي إشراق
يزيــح عـن روح المعــنى ..خللها

مكتوب لي على جبيني والأوراق
(هذا ضحية عشـق روحه وأملها)
.
.
نظر

.
.
من عـادتي ..أسلّي البــال وااسج
وأنسى .. وأتْناسا بعض مشكلاتي

الا أنت ..عيّا خـاطري عنك ينهج
ولا قـدرت ألغيـك أنا من حيـاتي

القـاك في صبحي وليلي.. مبرمج
والقـاك ..صدقني.. بحزة صلاتي

من كثـر مانت مـأثرن بي ومدمج
مع كل أحاسيسي وروحي وذاتي

شفني أهذري بك وأحاتيك وآضج
لاقمـت أتـْذكر .. معك .. ذكرياتي
.
.
.
.
نظر

.
.
ادري إنك نويتـي.. بالهجر والرحيل
ما تقولين .. لـكن .. شـفـت له إنذار

هالسكوت .. الذي أخـذ وقتٍ طويل
من علامات توديعك ..بكل إختصار

وأنا.. بـ قعد هنيّا.. في مكاني عزيل
بين قصة حيـاتي.. وبين هالإنكسار!

كنت أحلم ..ومتـأمل.. بحلـمٍ جميل
وكنت كل يـوم أتأمل معك ..تـذكار

مـادريت ان هـالدنيا عليــنا .. تميل
وتكتب لقلبـي اللي حب .. للإعمـار!

مدري عذرك معك .. أحتاج للتأويل
مدري اظروفك اللي تجبرك ..إجبار

لا تغـيبـين .. الا والشكــوك .. اتزيل
لاتروحين .. إلا قـايله .. وش صار؟
.
.
.
نظر

.
.
.
أنا وقلبي..( أتفقــنا )..على شيّ
(لا ..مـانخـونك .. دامنـا حييـن)

أنا حلفت بـ فـالق الصبح والضيّ
وقلبـي حلـف فـي خالق التكوين

والـروح يمــك .. يـابعـد مـن لـيّ
مـاهي لحد غيرك .. وأبي تـدرين

أنــك .. مـلـكتـي كلّـي .. ومـافيّ
من راسـي لساسي بغمـضة عين

وجــودك بـدنيــاي ... يعنـي لـيّ
ان الله .. أهـدانـي .. شــي ٍ زيـن
.
.
.
نظر