سجل حضورك بابيات شعريه

واني لاهوى النوم في غير حينه

لعل لقاءا" في المنام يكون

جيتك أدور من ضما روحي وسط عينك غدير
جيتك وانا كلي فرح والحزن سايق موكبـه

ماجيت أدور حب عابر أو أدور شي مثير !
ولا جيت أدور .. دور في فلم المحبه ألعبـه

تعبت أنادي بسّ ما فادني الصوت
الطير طار وفي سماء الغير رفرف

من قال بـ غيابك مضيّفني الموت
ما متّ بعدك بس لو ميّت أشرّرف

ماني مقصر وان تخاذلـت قلـي
والله لا احطك في عيوني واغطيك

من ذاق مر الحـب لازم يحــلـي
مرمرتني في عيشتي وين حاليك

خل العناد اللـي براسـك يولـــي
اخاف لاتصغـر بعينـي واخليـك

قالت فمان الله ، واقفتْ وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونّيت ونة واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي

سيدي ما قريت إلا : بقايا حطام
في تعابير شمس ٍ .. آيلة للغروب

ضاقت أحلامها مثل انحسار الكلام
بين دمعة ضياع وبين ضيق الـدروب

أبعد الروح عن نزوات كف الظلام
واختنق في عيونه واحترق به واذوب

من يقول البكا في فقـد غالي حرام
خله يشوف باشعاري معاني الذنوب

ماللاوجاع في هـذا المدى والزحام
غير وجهٍ شرب معنى الأسى والشحوب

سيدي لا تعذبني بسوط الملام
خذ بقايا رماد الروح قبل الهبوب !

لآتلوم اللي يظن آن الهوى مإله وجود..!
دآم وقته مآعطآه [آلحظ] آنه يعرفك..