سجل حضورك باجمل بيت شعر & وعبر عن حالتك النفسية بيت شعر

مـ اقسى من الجرح
غير الجرح لاجالكـ
من قلب ..ضيعت عمرك
تغسل جروحه ..!!

ممكن سؤال ؟!!
شخباره الجرح القديم؟!!
للحين يسأل وين أنا ؟!
للحين يسأل كيف أنا؟!
ودي افضفض لك واقول :اشتقت لك اشتقت لك والله العظيم
اشتقت اسولف لك كثيرشلّي يصير ...وما يصير ..
بغيبتك واتذكر اشسوى المصير !!
وآحس بالوحده جحيم تدري حبيبي وين انا ؟
!!بنفس المكان ..
اللي جلسنا به زمان ..
بيدي حنين وصورتك وآخر بقايا ضحكتك واسرح واهيم وجهي (ت ب ع ث ر ) لك غياب
لو تدري وش طعم العذاب
ببكي واقول: شخباره الجرح القديم ؟!
اشتقت لك اشتقت لك والله العظيم

في داخلي غربة تفاصيل / و أحباب
تفرقوا.. و آنا على نفس حالي !
أطوي حكايات العمر داخل كتاب !
و أجمع من اللي كان | إحساس غالي | ..

وانتي دخيلك لاتذكرتي بكاي
قولي عطاني بيت ياما قريته

لاتاخذين الجرح خليه وياي
اذكرك فيه ولاذكرتك نسيته

جيتني كنك الغيمة بعين بـــــــــــــدوي
يوم هلت جرح بطن الوطا سيلــــــــها

جيت تطوي مسافات المفارق طـــــوي
مثل بدو طوت طول البطا خيلـــــــها

والله انك على طول المدى لـي خـوي
وأنت صبري بهالدنيا على ميلــــــهــا

إيه أنا الظامي اللي منك أبد ما روي
اسقني طف لوعة روحي وويلهـــــا

نارحبك كوتني في خفوقي كـــــــوي
ومهرة الشوق تجمح لك على حيلــها

الغلا بالمواصل والامل مستــــــوي
وظلمتك أشعل سنيني قناديلـهــــــــا

مايبعدك عني ولا أي مخلوق
وإن غبت يبقى في غيابك خطوره

مثل الشجر مهما رفع هامته فوق
يبقى مصيره مرتبط في جذوره

حنا تخاوينا على سلم وطروق
ياحلو خوة طيبين المشوره

نسيت انك تنسّيني الزعل كله الامن جـيت
مجـرد "ضحكة عيونك" بنظره تجمع شتاتـي

نسيت؟ شكثر تغليني؟ وكم لك؟ وانت مامليـت
نسيـت ان الوفا منّك يذكّرني خـيانااتي؟

احبك؟ ايه احبك ايه احبك آآه لوعـــديت
من الآحاد للآلاف تمـلا كــل خاانااتي

حبيبي لاتحاسبني وانا يامااا عليـــك اخطيت
ترى لو مت بــ يديني غفرلي صدق غـاياتـي !!