ديوان شاعرة الحلم مها الرياض

يامرحبا بعيد الفطر صمنا ولله .. الشكر فرحة لكل المسلمين وحقيقة العيد للمأجورين نستقبله بالطيب والبخور والفرحة والغبطة والسرور نلبس له الثوب الجديد ونعايد الاهل والغالي البعيد يااخوتي وصحبتي واحبتي بالورد اقدم ... تهنئتي واخص ابي لسان العرب سيد العلم والثقافة والادب وابارك لصقر الصقور النازف الشهم الجسور وابارك لعمي الواصل المحب للخير والتواصل واهنئ كل .... النخبة اخلاق وخير ...صحبة وابارك لكل الأعضاء جميعاً دون استثناء ينعاد عليكم كل عام بالخير والصحة تمام عايدتكم قبل الناس لأني رقيقة إحساس وفي الأول دايم مكاني مااحب المركز الثاني مقامكم عندي عالي يااعضاء منتدانا الغالي عيدكم مبارك ياغاليين شباب وبنات وبنين ان سبقتوني فانتم كرام وان سبقتكم فلكم الاحترام

كل ماحولي صامت رغم الضجيج الخارجي اشعر بصمت سخيف وهدوء مخيف عدا دقات قلبك وتردد انفاسك اترا هذا هو الحب ام التخاطب عن بعد لاادري اشعر بك قريباً مني تقرأ افكاري ترا ارتجاف يدي عند ذكر اسمك تحصي دقات قلبي وتعرف مايحزنني ومايفرحني من احرف كيبوردية اكتبها للجميع اتعرف لماذا لانني اشعر بذلك أيضا وايقنت ان الصمت لايمنع التواصل بين القلوب فهاهو يدق لمن هوى ويرجف لمن عشق ويطير لمن هام به حباً وهياماً لايهمه ان كان يبادله حباً بحب او كان له من يشغله لايفهم ان كلٍ له عالمه الخاص لايجب اقتحامه الا بإذنه لايستشير ولا يسمع النصح ان هذا القلب متعب لايخضع للمنطق واوامر العقل الذي يجبره على الصمت الا انه لايصمت و لايتكلم بل يشعر ويستشعر المحبة بصمت

رحلة للضحك والفرفشة فقط قمت بها في خيالي الحالم للبحث عن عريس عربي مشيت من دار اخو نورة للبحث عن فارس الاحلام فارس . شهم .جميل عربي ويدين بديانة ...... الاسلام وصلت لدولة ...البحرين جميلة وأهلها ....حلوين وقالوا مورحبا ..بالزين وقلت مورحبا... واهلين وقال احوب.. الخنفروش مدري وشهو لين الحين ووسط دبي دار الحي لقيت الزين واقف لي وقال ارمسيني شحالج زقرتج شفيج ردي علي حياج نتريق بلاليط ياقلبي ماني فاهمة شي ورحت لدار ابن ثاني قطر تستقبل ...العاني وحطوا لي صحن ثريد مطبوخ باللحمة الضاني وقال باجر بتييكم الدزة رفضت لجهل ...المعاني ووصلت لدولة الكويت وقلت هذا اللي حبيت وقالي يايبه حياج يامها لعيونج انا ييت باخذج لشارع الأبراج واراويج الديرة بيتٍ بيت طبخي لي مطبق زبيدي يامعود مااعرف وفهيت وصلت لسلطنة عمان سلاطين وبعد شجعان وقال نطش في البلاد وناكل خبيصة بالمجان لهم عادات.... غريبة ماتناسب عادة البدوان وأوضاع اليمن صعبة والروح يااخوان مو لعبة ووجهت احلامي للعراق اهل نخوة واهل اخلاق اريد اعملج فد عرس وتوكلي الدولمة الحراق وقال شبيج.. يابنية هذي حرب أهلية وقلت اعذرني جدا صعب الوضع صراحة لايطاق ووقفت بحدود سورية أوضاع جدا مأسوية شوارع خالية من الناس الله يردها من الحرامية ووصلت لدار النشاما اهل الكرم والشهامة الأردن مااحلى عاداته والمنسف اشهر اكلاته وقال النشمي اعمليه شرطه اطبخه قدامه والله الله عالبنان جمال وكشخة وحنية واكلاتهم جدا بسيطة حمص وفتوش وكبة نية واخترت اجمل واحد فيهم وطلع من الجالية المسيحية ورحت لمصر ام الدنيا اقدع ناس المصراوية وقلت الفزعة ياأبو الهول عطني أفكار فرعونية سي السيد عايز اعمل له كشري وارانب ملوخية وانا مابعفرفش اطبخهم صعبة الاكلات المصرية ولفيت دول المغرب كلها لهجتهم نصها فرنسية تنحت وبققت عيوني مافيه تفاهم مولية ورجعت يم السعودية لاهلي اهل العز والحمية باخذ من عيال العم واخلي شملنا يلتم من غير قصور بالعربان مااخذ الا من البدوان حلاة الثوب المرقوع رقعته منه .....وفيه

قصيدة بمناسبة سلامة مديرنا النازف الف السلامة وخطاك السؤ الف السلامة ياسيفنا البتار الحمد لله يومك ... طيب الحمد لله على اللي صار النازف سالم بفضل ...الله ياجعلها يارب تالي الاخطار اخو الجميع طيبه .... بين واكبر مثل كثرة ... الأنصار مانيب انا من يقيم... طيبه يشهد بهذا ناس ... كثار أبوٍ لنا رغم صغره في السن وفي عطفه تقصر... الاشعار ماشفت منه الا كل علم طيب ياجعل ابوه في جنة الابرار ومن لامني في مدح النازف قدامه جدار .... ووراه جدار

ياحسافة صار كل اللي اخافه مات هذاك الغرام وضاع من عينك وفاي بالله هذا مو حرام صرت تتجاهل وجودي حتى ماترد السلام كيف قلبك صار قاسي كيف مايهمك هناي تنتظر أي غلطه مني تبغى عذر للخصام وين ذاك الحب راح ضاع في وسط الزحام الخطا ماهو خطاك خطا قلبي المستهام هام من نظرة عيونك بس صراحة مايلام انت لك نظرة حنونة جننت كل البنات هذي تكتب لك غزل وذي تعبر بالكلام وهذي ترسل لك قصيدة وهذي تبكي في الظلام وهذي تراقب حروفك وهذي تشوفك منام وهذي في صمتٍ تعذب تشبه لوضعي تمام كلنا في وضع واحد احنا قائمة احتياط وانت مع شلة مهمة نورة وتغريد ومرام وحصة وسارة والهنوف وباقي من الشلة هيام حبهن بس للمصالح ماهو تقدير واحترام بس لو تسمع كلامي يووه مايفيد الكلام الله يسهل طريقك وتلقى منهن اهتمام اما انا واللي مثلي حبنا حكمه اعدام

ماقلت لك انك على قلبي تمون وانك اغلى من العيون ماتدري ان حبك عذاب وانه مثل طرد السراب رغم اني اغليك بجنون واهمس لك بلحظات السكون الا انك تدور عناي وتتفنن بتعذيبي وشقاي ماقلت لك ادورك في وجيه كل العابرين واعود بخفي حنين ضاعت ملامح صورتك اللي في خيالي من سنين ماقلت لك اصمت اذا قلبي حزين وادعي متى قلبك يلين عذبتني بكثر الصدود متى على الله بس تعود ماقلت لك اشبهك في أشياء كثير امد في بعض الحروف واتعمد انطق لهجتك رغم انها صعبه علي واحياناً اضحك ضحكتك ياقو تأثيرك علي ماقلت لك حبك ترا غصب علي مايلزمك باي شيء أصلا ماراح اخبرك وقدامك ماراح اعبرك رغم اني اموت بهواك واعشق ترابك مع سماك وحتى ماتتعب معاي بحسسك انك اخو وانت هواي ماقلت لك اكيد انا ماقلت لك

ياهي قرف اذا المحبة من طرف تخيل تحب بضمير وان شفته قليبك يطير وتقول له كل الكلام ترحيب واشعار وكلام وتعيش في جو الغرام إحساس ياساده خطير واذا نطق عاد بالسلام كنها عبارات الهيام ويقابلك بكل البرود وتحس منه بالصدود ولايتفاعل مع هواك ويضحك مع الكل ماعداك هذي المحبه من طرف مافيه ابشع من كذا محبةٍ مرة .... قرف معذور مايدري ش حصل وانك تبي منه وصل عايش زمن عبدالحليم مع حب واحساسٍ قديم من حقه يعيش بسلام ويبعد عن مرمى السهام مو ذنبه اني اعشقه ومايلحق قليبي ملام حبك كذا من غير ليش حبك لجل انه يعيش تحبني ماتحبني انا بحبك للأخير وادعي لك في الثلث الأخير وأتمنى لك الخير الوفير هذي المحبه من طرف هذا قانون عند البشر كثير مرررة منتشر هذا يبيها وماتبيه وهذي تحب شخص نزيه عنده حبيبة من سنين وفي ومايقدر يخون الحاصل انهم كلهم يتعذبون فعلا قرف اذا المحبة من طرف