مدونة أو ربما دندنة

خلوه خلوه يتبختر على كيفه
فديت خطواته وميسه وكلماته

محد براضي أحد يزعل مواليفه
واللي يزعلك أطمس كل نجماته

الصبر شاب ومطمعي فيك ماشاب
والعمر من دونك بنبضي حسبته

تصفحيني يابعد كل الأحباب
فيك أعذب الاحساس فاض وكتبته

الجو غيم ورشته تبري الروح
وفوق عليها زان جوي بوجودك

ياجعلني فدوتك يارايق البوح
وش هو ربيع العين لولا ورودك

يشهد الله من عرفتك مانطقت:
عنك يازين النبا إلا ( كفو )

وانت تدري عنهم والله فرقت
يابعد كل الحواظر والبدو

الجو ( شبة حب ) وحروفي دلال
ودي اقهوي غالي الروح منها

اقدع شعوري وانت متمركي البال
الروح ماغيرك يمون وسكنها

تمون لو تدري على القلب والعين
مكانتك مايستويها مكانه

لو تدري وش كثر انك تمون يازين
ان كان طاحت بيننا هالميانه

وانا بقربك كل أيامي تزين
ويحلى صباحي ياحكاية صباحي

ياسري اللي تحبسه نظرة العين
السر كنه يااريش العين باحي