بصمات خيـــــال الطّيـــــر...

:

:

المشاركة الأصلية كتبت بواسطة مها الرياض صباح الخير ياابن العم طولت الغيبة يالسنافي عاد انا فاضية وقلت امر المدونة حقتك اشوف وش ناقصها قلت يامدونة ولد عمي اعتبريني مثل ولد عمي وقولي وش ناقصك وش تبين تبين عشى ولا كازوزة قالت ياامها المزيونه ههههههههه ياحليلها تمدح مو مثل راعيها امزح راعيها اقدع ناس تنهدت بقوة وقالت ناقصني البصمات يامها قلت وش بصماته بتروحين للجوازات لاتكونين بتسافرين ياست مدونة وتتركينا وحنا خلاص تعودنا عليك قالت لا يامها وشفيك ملقوفة هااااااه من جاور السعيد يسعد اثرها طالعة على راعيها زين ماقالت لي يالحولا الظاهر لو اطول فيها شوي قالتها ماعلينا بسامحها عشان خاطر ولد عمي ايه ياست مدونة وش بصماته اللي ناقصتك قالت بصمات خيال الطير من كم يوم مادون شي قلت ايوالله انك صادقة يامدونة هانم حتى عندنا في المجلس مادون شي حتى صباحاته ماجتنا لكن الغايب عذره معه ربي يحفظه ويرده بالسلامة وجلسنا وسولفنا ياحليلها بس لاتزعلونها تحوسكم مدري طالعة على مين مدري مااحط في ذمتي الزبدة اخلص علينا يابن العم وتعال لاارفع معروض لجدنا السابع عشر يدورك تراه موصيني يقول ان فقدتيه علميني عاد انت تعرف جدنا السابع عشر يهاوش مرة اهااااااا وانا اقول انت طالع لمين تهاوش اثره لسابع عشر والله مليون نعم فيكم خل انحاش بس فوتك بعافية

:

:
يا هلا وغلا بك يالمها ..ويسعدك ربي بكل أوقاتك
في صباحك وفي مسائك وفي منامك ..وأحلامك
مشكورة يالغالية على سؤالك عن غيابي ...
وما اسعد الطير بحضورك وببصمة حروفك
تلك الكلمات السهلة بطيبة خاطر تخرج بلا تكلف
ويالمها مرورك بصمة جمال لصفحاتي ..منك
والكتابات ..مرات ما تجي على الكيف ..
تعرفين عفراء ..سارحة بالغنم ..ومالقيت وقت
الاقيها ..عشان الألهام يأتيني وأكتب فيها غزل
فصديت عنها ..وسافرت ..ما قلت لك أني مسافر
بس أنا الغلطان ...ما قلت لك ...والا قلت لك ..
نسيت تعرفين الكبر شين يا بنت العم ...
مرات أذكر ومرات أنسى وش أسمي
بس اللي أذكره عفراء ...والسن الذهب
ترا ..يا بنت عمي مدونتي تفرح بوجودك
ما دام هذي سوالفك فأنتي النور بجاذبية كلامك
بسم الله عليك ...لا تكلف ولا تصنع ..تطلع كذا
أيه حشي ...في راعي المدونة ...عادي تمونين
والبصمات مسوي ثلاث بصمات يارب تعجبك
عندك في المجلس ..بغيت أتهاوش مع عفــراء
لقيتها تكلم راعي البقالة ...كذا ..وهاوشتها
يا بنت العم أغار ...عليها بسم الله عليها
هههههههههههههههههههههههههههه
طيب وش رأيك ترفعين الأمر لجدتي
ست لواحظ ...والا خالتي عنايات هانم
المهم ما علينا ...قلت لك أني بسافر
بس أنتي ما تسمعين ..وش أسوي فيك
خلاااص ما ما بسافر ثاني مرة ...
ههههههههههههههههههههههههه
يكفيني تواجدك وحضور عز ومعزة
هذا بس شهادة تقدير منك للطير ..
هذا الحضور المتميز ..والجميل بروحك
سلمتي يا أبنة العم ودام حضورك
وهطول جمال حروفك بصفحاتي
أعذب التحايا لك أنتي وخشتك

مساء الخير يالغالي
انا وشهادتي جينا نقدم لك التحية
ونقول لك انت مية المية
شوف ياولد عمي هالشهادة
بعلقها في كل مكان واول مكان
حطيتها توقيع لي
ترا مو من قل شهادات الشكر والتقدير اللي عندي
انا عندي شهادات حتى من الامم المتحدة
ومنظمة الغذاء والدواء
حتى ام رقيبة حقة الابل عندي منهم شهادة شكر
عاد هالحين حطوا المزاين في ديارنا
الزبدة
ان شهادتك احسن من مليون شهادة
وفخر لي وتاج على راسي
ارسلت منها نسخة لجدنا السابع عشر
وقال
مادام حفيدي سعد هو اللي شهد لك
اجل انتي ممتازة
لاحظ وش قال
قال ممتازة
السابع عشر قال ممتازة
يعني ثبت شرعاً اني ممتازة
ههههههههههههه
لاتشره علي
ترا هذا من فرحتي
هو انا في ذيك الساعة لما يشهد لي
ولد عمي في المحافل الدولية
وش دخل المحافل مدري
الزبدة
تسلم يدك وجعلها ماتمسها النار
وجعل والديك في الجنة
وابوي يارب
الف شكر مليون ولا يكفون

الصبح كلمة تفتح جسور الأمل ..
صباحك نقاء ..
صباحك رضى وتوفيق من المولى ..
صباحك فرح يحتضنك عمرا ..

المشاركة الأصلية كتبت بواسطة مها الرياض مساء الخير يالغالي انا وشهادتي جينا نقدم لك التحية ونقول لك انت مية المية شوف ياولد عمي هالشهادة بعلقها في كل مكان واول مكان حطيتها توقيع لي ترا مو من قل شهادات الشكر والتقدير اللي عندي انا عندي شهادات حتى من الامم المتحدة ومنظمة الغذاء والدواء حتى ام رقيبة حقة الابل عندي منهم شهادة شكر عاد هالحين حطوا المزاين في ديارنا الزبدة ان شهادتك احسن من مليون شهادة وفخر لي وتاج على راسي ارسلت منها نسخة لجدنا السابع عشر وقال مادام حفيدي سعد هو اللي شهد لك اجل انتي ممتازة لاحظ وش قال قال ممتازة السابع عشر قال ممتازة يعني ثبت شرعاً اني ممتازة ههههههههههههه لاتشره علي ترا هذا من فرحتي هو انا في ذيك الساعة لما يشهد لي ولد عمي في المحافل الدولية وش دخل المحافل مدري الزبدة تسلم يدك وجعلها ماتمسها النار وجعل والديك في الجنة وابوي يارب الف شكر مليون ولا يكفون

:



:

:
يا هلا والله وغلا في بنت العم المها
يسعدك ربي في مساك وفي كل أوقاتك
يكفي أن شي من أعمالي موجود في توقيعك
هذا شرف لي وفخر لي يا بنت العم ..
أنتي اللي شرفتيني فيه وأكرمتيني به
يكفيني كلامك ..وذوقك ..وعذب منطقوك
بسم الله عليك ..أنتي كلك شهادات بطلتك
كل حرف منك شهادة ونبراس في سطـر
عسى ربي يعطيك على قد نيتك البيضاء
حتى أنا عندي شهادة ..ميلاد ..أنتي وخشتك
يكفيني من تعلمي التصميم هالشهادة ...
القليلة بحقك ..لكن أنتي تستاهلين كل خير
وبصمتك واضحه في همسات برقي كتاباتك
ومشاركاتك النابعة من فكرك ومن ذاتك
ولستي من اصحاب المكررات المنسوخة
فكل حروفك طرية ونابعة من ذاتك ومفرداتك
الجد لويس سبعون ..غلباوي يسلم عليك ..
ويثني عليك برقي فكرك وبروعة تواجدك
يالطيبة ..أنتي فعولك تشهد لك ...
وحضورك يميزك ومعانيك الراقيــــــة
أنتي حروفك بصمات مذهبة في حضورك
فكل حرف ينطق عرفانا لك ..ولفكرك
لستي في حاجة شهادة من أحد ..
فحضورك شهادة ...لك بإبداعاتك
وسطورك دليل روائعك الراقيـــة
الف شكر أبنة عمي على إتاحة الفرصة لي
أن أعطيك قليلا من حقك وأنتي تستحقين الكثير
يكفي الطير تواجدك المخملي في صفحاته
تقديري وإحترامي وشكري لك أيتها الراقية
ولك أبنة عمي أعذب وأرق التحايا ..
حفظك ربي أينما كنتي ..

المشاركة الأصلية كتبت بواسطة الجوري الصبح كلمة تفتح جسور الأمل .. صباحك نقاء .. صباحك رضى وتوفيق من المولى .. صباحك فرح يحتضنك عمرا ..

:

:
يسعدك ربي يا الجوري ..وربي يحفظك ويسعدك
وعسى ربي يطمن قلبك ويشرح صدرك ..ويريح بالك
مساء الخير والنور والسعادة والسرور ..يالجوري

مَساؤكَ رِضا الرحمن سَيدِي طَير السَعدْ
إِقبل تَواضُعي و أَعذُرنِي ع التقصِير


http://www.hamsatq.com/vb/showthread...08#post2789108