مدونة أو ربما دندنة

وجدي على همسه وصوته
وجدي على يدي بين يديه

مادام كل وله موته
القلب يازين موته فيه


م

هلا فيك ياست الصباحات
هلا فيك يابنت الأكابر

على الطيب تهديك المساحات
غرام من الإحساس عامر

تركتي بصحاري القلب واحات
وشيح الغلا بالشوق عاطر

لو تعصف الدنيا بهم ومآسي
تبقين مابين العواصيف نسمه

ولو تعبس الدنيا ولها وجه قاسي
ألقاك دايم وسط دنياي بسمه

يمدينا يانبض العمر
ماراح ياعمري كثير

مادام يجمعنا فجر
مادام نقوى عالزفير

يمدينا لا تقولي صبر
الشوق ذابحني وكبير

ليلك أنا وانتي قمر
يكفينا لحظة بالأخير

لحظة وهي تسوى العمر
يمدينا ماراح الكثير

الصبح وش يسوى بدون مشاهدك
والله أنا ميت من جروح الحنين

ياليت به صدفه وفيني تواعدك
لو نلتقى حتى على جمر السنين

ياغاليه في قلبي لقلبك كلام
تعبت وانا ياعيوني كاتمه

ودي اسولف لك ولو وسط المنام
كل الحكايا في غرامك حالمه

قربك كفايه عن جميع الخلايق
وعن حب كل الناس يكفي احترامك

لاصرت من كثر المعاناة ضايق
ألقى السعادة في ثنايا كلامك