ياكثر الاسئله ههههه
عشرين عزالله سرى الليل
طيب نبدئ .. بسم الله الرحمن الرحيم
1- الاسم .. هدهد الشرق ام عبدالرحمن
ولكن احب تنادوني هدهد علشان اكون قريبه منكم
2- العمر .. ليس بعدد السنين ولكن
بكل مامريت فيه بحياتي من احزان وافراح
3- اعشق .. الشعر حد الجنون بل اهثري فيه
واعشق الشيلات جدا
4- احب التبوله والربيان و اي شي مافيه دسم كثير
لازم نحافظ على الصحه ..
5- امارس الرياضه وخاصه السباحه
6- كثير يقولون علي مغروره وشايفه نفسي
وانا بعيده عن الغرور والله
7- اكره شي بحياتي احد يستغفلني
ولا يقلل من شأني ممكن ارتكب فيه جريمه
8- اغلب وقتي اكون في بيتي وبين اسرتي
خروجي قليل الا للضروره
9- اعترف اني عصبيه واي شي يتعب اعصابي
واندم على اي كلمها قلتها بلحظة غضب
10- عندي الشجاعه اقول .. اسفه
ولا شوف فيها تقليل من قدري
11- اجمل مافي النت طول مسيرتي سنوات الطويله
اني عرفت خوات واخوان صاروا لي اخوان دنيا
ماجابتهم أمي
12- كم مره افكر اترك النت والمنتديات
ويرجعني خوات واخوان صعب فراقهم
ولا اقدر اتواصل معهم خارج النت ..
13- اتمنى اسافر جده واشوف صديقتي نبع الوفاء
اطيب انسانه تعرفت عليها بالنت كله
14- بحياتي احلام اتمنى تحقيقها
ويارب يمد في عمري وتحقق وافرح وافرحكم معي
15- الشي اللي فقدته بالنت طول مسيرتي
اني فقدت صحتي بسبب السهر الطويل
والضغط النفسي علي من ناس ماتقدر تعبي
وسهري وتركي لبيتي واسرتي ..
16- استفدت من تواجدي بهمسات الغلا
الشئ الكثير والكثير وكسبت صداقه
ناس لاتقدر بالذهب ولا الالماس
17- تعلمت .. أنّ محادثة بسيطة أو حواراً قصيراً مع إنسان حكيم يساوي
افضل ماتعلمته بكتب الدراسه
18- من مد لي يده جيته كلي ... وافديه بروحي
19- تعرضت لصدمات من اعز الاصحاب والاصدقاء
والسبب طيبتي الزايده ومع هذا مازلت احسن الظن فيهم
20- يارب تكون هدهد الشرق بحياتكم شي جميل
وحتى لو رحلت اكون ذكرى طيبه بقلوبكم
ومابي منكم الا الدعوه الطيبه لي بالستر والعافيه
ومافقد احد من احبتي لان الفقد وخاصه بالموت
صعب صعب حيييل والحمدلله قدرت ارجع هدهد اللي تعرفونها
على كثر الصدمات والروعات.
الحمدلله تميت العشرين سؤال
واشكرج حبيبتي شموخ انثى
يارب يحفظج ويسعدج حبيبتي
ودي ووردي لروحج..
