" الحرف التاسع والعشرون " (( مدونتي .. بوح قلمي ))

أكتر مشاكلي مع الناس سببها اني شخص
ما بحب المجامله ولا بحب التملق
بس هادا لا يعني اني ما قدم الاحترام .
لا زلت شديد بالاحترام للي يحترمني مو كشخص فقط
بل كجزء من مجتمع أو مؤسسة أو طائفة .
واللي عاصروني بيشهدو على هالتناقض الايجابي
كيف وحده ما كنت طيق الأرض اللي تمشي عليها
كيف صارت حبيبتي وصار كحل عيونها مقدّس ؟
لإنها فهمتني وبعدما فهمتني احترمتني
وبعدما احترمتني صارت مقربّه
وبعدما صارت مقرّبه اكتشفت انو بنحب بعض
من غير ما ندري .
بالبدايه كانو المشككين مفكرين توددها كمين أو فخ
واستجابتي استغلال من شاعر محتاج للكتابه باستمرار حتى ما يمل ويفتر الوحي .
انقطعت بسبب ظروف قاهرة
وبدت تتدهور صحتا بانقطاعي
وماكنت بعرف انهن أسعفوها للمشفى
وأثناء البنج قالت كل شي ما لازم ينقال
لاخوها وخالاتها .
لما رجعت قالت .. اخوي بدو يحكي معك
قلي بعد سلسلة من التحقيقات
مابدي اخسرها هي مدللتنا
انته المرضتها وانته اللي رح تداويها
وبس تداويها لازم تطلبها
رح خليها تتواصل معك لاجل هالشي
وخلال فتره رجعت تستعيد عافيتا
وتاكل وتشرب وماتشتكي من شي .
رغم كل جرأتي ما تجرأت احكي
كيف تعرفنا وحبينا بعض
لإن هالشي خارج حدود المنطق
بالنسبة إلي أنا صاحب العلاقة .

لما قلتلا .. ليش هيك صار ؟
قالت .. لو ما كنت عصبي وقاسي بكلماتك
ولو كنت تجامل وتتملق وتساير
ماكنت ملكتني ولا كنت كسبتك .
لا تشطب البدايه من روايتنا
هيي البدايه اللي ما بتتصدق
زبدة ليش هيك صار

مو بكل الأوقات الحب دوا
مرات يكون الحب سم قاتل

أكثر صفه سلبيه بفتخر فيها
هيي اللا تملّق

قال شو بيقولو .. لازم نمشي متلما الناس ماشيين
واذا ما تملقنا مارح نعيش ولا رح نترزق ولا رح نتهنى

لا فيكن تعيشو وتتهنو بحياتكن بشي تاني غير التملق
.. الاحترام

مين قال البوبجي بس للصغار ؟
والله ممتعه بتسلي
صرت مجمع 200 الف

بس فيها بعض الجشعين
حاول واحد يقتلني بقنبله
مشان ينفرد بالفوز بالزون الأخير
ماعاد خفت من البوتات
صرت خاف منو
لهلأ ماني مسامحو

جارٍ الآن كتابة قصيدة