❀: ~ ضُمَنِيْ بَيْنَ آلضَلُوُعْ .. وَدِيْ أَحَيَاً مِنْ جَدِيِدْ ❤ ..

البكاء هو لغة القلب الاكثر صدقاً
هو الألم يفيض ملحاً
لانستطيع الكلام ونحن نبكي بصدق !
لأننا لانستطيع التحدث بلسانين مختلفين في الوقت نفسه
دموع الفراق ببساطة ليست الا الماضي يحضر في هيئه شبح حسن الوجه
ليزرع في ذراتنا .. كل ذراتنا
الخوف والرعب من المستقبل

للناس قدر وقـــــــدرك بخافقي غير
لهــم مكانــه وأنــت أعلـــى مكانه

عبرت لك عــن خافي الحب تعبير
وعطيتــــــك "حبي" بكفــك أمانه
.
.

ندى الشمري
منورة المدونة يالغلا
ورائع ما دونته اناملك من كلمات
لاعدمتك يابعد حيي ..~

ياهبـــــــوب الشـــوق ودي له ســــلام
دامه المشـــوار عـــاجـــــــز بالـقـــدم

روحي للغـــالي وقــــــولـــي له بنـــام
بحضـــن طيــــوفــه وأعيــشه بالحــلم

اغـســـلي روحه وفيـضــــي بــالهيـام
ليــــن مـــــايبــقى عـلـــى قــليبه ألــم

هـــــــذا معــشــوقي ومــن بين الأنام
مــاخـــذ احسـاسي ولــــو إنه ظـــــلم

بالغـــــــــــلا قلبي وطـــــوقني سهـام
مـــن لحـظ عينه يصــوب لي ســـهم

أصدق عيونه وتغني عن كــــــــــلام
واشــهد ان القــلب منــها مــــاســـلم

خــــــده الغافي عــلى جنــح الظـــلام
يـــكســـر الظلما ويـهديهـــــــا عــدم

القـمــر جنبه بيــبكي يـــــا حــــــرام
نــــــــــوره مايســــوى ولا مية نجم

مع هبوب الشــــــوق وطيور الحمام
بنثر الاحســــــــاس يـــــاروحي ولم

لــمــنـي لمة صغـيــــــر مــــاينـــــام
غيــــــر من صـــوتك أيا أحلى نــغم

منحرم شـــــــــوفك وبدري عالفطام
مالحق يـــــروي عيـــــونه وانفطم

نادني حتى ولــــــو وسط الــــزحام
بســـــمع النبضه واجــــاوبها نــعم

زولك بعيني بيــبقى ألـــف عـــــام
لـــــــــو تغيب العمر كله وانحـــرم

مايشـــــوف الا الضمير المستهام
والضمير ان مـــــات مـــايبقى قيم

فـــــدوتك روحي ولـــو إني حطام
لــــو طلبت الروح جـــــاوبتك بتم

ما أعز الــــــروح ياعـــالي المقام
والا انا روحي تطيـــــــر واستـــلم

منية الخــــاطــر أيــا كل المــــرام
ياهديات القــــــدر واغـلــــى النعم

مــــن رأى عينـــك أيابـــــدر التمام
ينطق احســــاسه ولـــــو حتى صنم

من عرف مثلك فـــلا يمكن يضــام
من غــــــلاتـــك صــار للدمعه طعـم

طـاهـــر الاحســــــاس ياقلب اليمــام
يالبيــاض اللي مســــح دمعي ورحم

آخر اشـــــواقي وإحســـــاس الغــرام
ينــثــــره قـــلبـــي ويــبكيه الـقـــــلم

تهديني الــورد والــــــــورد بانفاسك
مِنك الشذى فاح واحتـــار في أمــره

مالومه الــــــــورد يازين لــــو باسك
يسرق شذى الطيب ويزيد من عطره

وان غبت يشتاق يشرب شهد كاسك
ريحــان بالقــلب والخـــــد به حمـره

ســـكر عســـــل ذابْ مخلوط بقياسك
خفف ترى الـــــــورد ماعاد له قدره

ماتـلبس الطيب هالطيب لبــاســــــك
ياطيـــب الفـــال والصيت والعشـــره

الطيب والخير والعــز نـــــوماســــك
مابالـــغ ان قلت مــــــولود بك فطره

اسهر لك الليل واشتــــاق نبراســــك
والليـــل لاغــــبــت ماينـفعه قــمــره

أســـــــرت حــرفي رهينن بقرطاسك
كلمـــــــا كتبته محيته من العبــــــره

وآقول وينك غفى الشـــــوق بنعاسك
والليـــــــل طـــــوَّل ولابان لي فجــره

علقت قلبي واذا مــــــر نسناســـــــك
حـــــرك خفوقي على الجال كالجمره

وتهديني الــــــــــورد يارقة احساسك
تشـــــرب من الغيم وتفيض بالقطره

يازارع الــــــــــــورد ريح عنا فاســك
لاتتعب الـــــــــورد ويموت من جــذره

تـــــــــــزرع يمينك وتجني بمغراســك
حـبٍ زرعتــه بــــيـطلـــع على بــــذره

طــــــــال انتظــاري والصبر عيا يطــيع
تكفى تعــال أرجـــــــــوك عـــانق لهفتي

فيني ظمـــــا مشـــتاقه لك شوقن فظيع
وانت المطـــــر صـــــــوتك يبلل مهجتي

جيتك أنا والســــــد من حــــــــولك منيع
سيل الغـــــــــلا ياروحي فــاض بدمعتي

وشلون ابكسر حـــــاجز الصمت الرفيع
وآطيِّح جـبال القهــــــر من صــــــرختي

ويصيح لك قلب انفطـــــــم توه رضـــيع
وشلــــــــون عقـب العيد تخنق فــرحتي

عطني أمل عطني رجـا خــــــوفي تضيع
وابقى أنا بين الألم مع حســـــــــــــرتي

لو شفت حــــــالي امن الوله والله تبيع
هــــالدنيا تركض لي تســـــابق خطوتي

مدري ركض قلبي وسبق شوقه سـريع
أو إنه الشـــــــــوق اندفع من حــرقتي

والا ركض شــــوقي وانا وقلبي جمــيع
واللي ســـــبق كلي أنا من ســــــرعتي

لو وزعوا شـوقي على الكون الــوسيع
احــتاج فـــــــوق الكــــون كون بدنيتي

خــوفي أنا هذا الغـــــلا ســـــــره يذيع
وعـيـــوني تفضحني تبيَّن حـــــــــــالتي

داريت لكـن مـانفع حــــــالي مـــــريـــع
وآشــــوفك ابعيني وبين مـــــــــــرايتي

وساعات اســــولف بالخـلا مالي سميع
غيــر الإله اللي سمعني بشكـــــــــوتي

شف لي عـــــذر كان الغلا يقبل شفيـع
يشفع لي دمعن انحــــــــدر في وجنـتي

جـيـتك أنا وينك أيا طــــــــيري الـوديع
تعــزف على قلبي وتغّــــــــــرد شفــتي

تاخذني من صحرى الألم وسط الــربيع
وتذوّب اجـــــــــــراحي وأنــسى علـتـي

إن كان ودك انتظـــــر حاضــــر بطيــع
أمـــــــــرك ولكن لا تحطــــــــــم جيتي

ماودي من عقـب الغـــلا أرجــع اضيع
بين الألم واسهر أنــوح بــوحـــــــدتي

ماهقيــــــــت ان الغـــــلا في البعد ذاب
احســـــــب ان البعد بين لك غــــــلاي

اسمعيني قبــــــــل تجــــــــريح العتاب
يمكن ظـــــروفي تبــــــــررلك جفـــاي

يـــعلم الله ــما تعــمــدت الغــيـــــــاب
لكن الأيــــام مـــــــــا جــتني بهـــواي

انشدي احســـــاسك يدلك للصـــــواب
كنت احــــس انك رغـم بعدك معـــاي

ماتـــصـــور بيــننا لحــظة حســـــاب
لا تــــــــزيـــــدين العنا يكفي عنـــاي

الطريق من الظما مثـــل الســــــراب
مـــــا تــحــملني ولا قــــدر ظــمـــاي

لو يشح الـــوبل وش ذنب السحــاب
وانتي ادراى يا عيــــوني يا ســماي

اذكرك والشـــوق في مثلك عـــذاب
واعتذرلك في غيــــابك عن خطــاي

مـــــاهقيت ان الغــــلا في البعد ذاب
احسب ان البعد بين لك غـــــــــلاي