عـشت الزمن مصدر أعـجاب آلڪثير و مآهزنے في رحــلت آلـعـمر غيرك

أذكريني إذا حبيتي غيري ... أذكري المشتاق يا نور عينه
أذكري حبٍ صفالك من ضميري ... أرجوك لا ينسيك من هو تبينه

عشت و بقيت و منزلك في ضميري ... لا يخدعك حبٍ جديدٍ ترينه
يحكي لك الدمع و يشكي مصيري ... و اللي بلاني بذا تتجاهلينه

في عذابي عن ما نويتي أستخيري ... يكفي علي قلبي مفارق ضنينه
وشلون بشروع الهوى تستعيري ... ما ظنتي درب الخطاء تجهلينه

عودي علي إن كان قلبك أسيري ... إن كانه بعصمة يديني رهينه
و إن كان مملوك الهوى لحد غيري ... لا يمنعك يوم العزى تحضرينه

جاني كلام إني معك كنت كذاب .. و أني محملك الشقى و الأسية
و أني أبيع الود و أبيع الأحباب .. وش باقي ما قلته حبيبي عليّه

ظالم و أخاف عليك من يوم و حساب .. ياخي حرام اللي تسويه فيّه
أرفع إيديني طالبٍ رب الأرباب .. و أتذكر العشرة و أنزل إيديّه

شمت فينا أغراب و أبعاد و أقراب .. خليت ذا يحكي و هذي و ذيّه
أهدي لك البسمة و تهديني أنياب .. ليش الوفاء في شرع مثلك خطيّه