:
.
ياطير ماعفتـك رداً فيـك وقصـور
ولاهو قصـور بنقلتـي والصقـاره
لاشكّ انا في وضع مرغم ومجبـور
اهوم تـاره وأغضـي العيـن تـاره
لو إن فيك اقلاع والمـوس مكسـور
نعالجـك والمـوس نلقـى وسـاره
ماهي غريبه تصدف طيور وطيـور
بس الغريب منيـن جتـك النـزاره
راعيك طايب خاطره وانـت معـذور
مـع السلامـه لاتثـيـر الـمـراره
اكفخ بجنحانك علـى شقّـة النـور
وخذ لك على جوّ الكويـت استـداره
ماعاد فيه دسوس وسيـور ووكـور
اشلع هوى واشرف على كـل قـاره
وإن جيت لك جوٍّ من الوسم ممطور
خلّـك يميـن الجـوّ والاّ يـسـاره
بالك تدرّع فيـه والوضـع مخطـور
والحـرّ يفهـم مقصـدي بالإشـاره
خابرك ماتشره على صيد عصفـور
ولاطالعـت عينـك نثيـل الجحـاره
واذكر مثل ماكنت بالخيـر مذكـور
واعـرف تـرى كـلٍّ مـردّه لـداره
ماودّي انـك تقعـد ايـام وشهـور
لوبشّرونـي فيـك ماهـي بشـاره
ولاني ملّوح لك لـو تلـف وتـدور
شهودك اربع غيـر ختـم الإمـاره
يدكّ في صدري من الضيق حاشـور
ويشنّ فـي راسـي ثمانيـن غـاره
المرّ مايقعـد علـى كبـد ممـرور
الاّ ضعيف(ن)مابـراسـه نـمـاره
والرجل وشهو دون أحاسيس وشعور
كتلة لحم تمشـي علـى غيـر إداره
ياليـت لعفـون المخاليـق دكتـور
يكتب على الجمهـاة خـوّة خسـاره
