أمُوِتْ فِي [حِـَزِني ] وِ لا يدرِي آحدْ . !

يُبَه شِفْنِيْ .. عَلَىْ كَفّ الغِيُوْم أَنْقِشْ تَفَاصِيْلِيْ
حِكَايَات الكِبَرْ .. بِيْت العُمُرْ .. مَعْزُوفَة أَحْلامِيْ



أَغَانِيْ شُوْق .. تَنْهِيْدَة شِقَايْ .. وفَلْسَفَةْ لِيْلِيْ
طَرِيْق التِّيْه .. نَبْضَات القِصِيْد .. وُمُعْجَمْ أَوْهَامِيْ



تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ
وَأَثَارِيْ هـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ



بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ
سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ



أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ
يِطِيْر غبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ



شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ
بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ



عَلَىْ أَطْرَافِ الشِّفَاة اليُوم .. غَنَّتْنِيْ ..مَوَاوِيْلِيْ
تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ



وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ
عَنْ أَشْوَاكِ القَهَرْ وشْلُوْنْ تنَامَتْ .. تَحْت أَقْدَامِيْ



تِهِبّ الرِّيْح .. وِيِتْرَامَىْ حَنِيْنْ .. وَاَلْتَحِفْ وِيْلِيْ
وَأَخَبِّيْنِِيْ .. وَرَىْ ذَاكْ الجِدَارْ بِسَلَّة .. أَعْوَامِيْ




يُبَهْ قَبْل الشَّهَرْ زِرْتَهْ .. طَرِيْقٍ كَانْ يِضْوِيْ لِيْ
قَهَرْ ذَابَتْ لِيْ شُمُوْعَه .. وَسَاحَتْ ضِيْم قِدَّامِيْ



عَدَدهَا كَانْ عِشْرِيْنٍ تِهَذْرِيْ مُوْت .. تِبْكِيْ لِيْ
هِنَا طِحْتِيْ .. هِنَا صِحْتِيْ .. هِنَا كَانْ الجُرُحْ دَامِيْ



هِنَا خَانْ الصِّدقْ كِلِّكْ .. هِنَا كِنْتِي تِنَادِيْ لِيْ
هِنَا طَاحْ الوَرَقْ .. " مِحْتَارْ " .. نَادَىْ حِبْر أَقْلامِيْ



حَكَىْ لِيْ كَمْ سَنَة مَرَّتْ .. وَأَنَا أَطْلِقْ بِالدُّجَىْ خِيْلِيْ

أَدَوِّرْ مِنْهُوْ يِسْمَعْنِيْ .. وَأَرِدّ بْسَرْج أَثَامِيْ



بَذَرْتْ الحُبّ بِدْرُوبِيْ .. وِقَفْتْ أَنْطِرْ .. مَحَاصِيْلِيْ
نِبَتْ قَمْحِيْ .. سَنَابِلْ طَعْنْ .. وَأَعْلَنْ حَزَّةْ إِعْدَامِيْ



خَشَعْ .. قَلْبْ الحِزِنْ .. فِيْنِيْ بَعْدْ هَمْسَاتْ تَرْتِيْلِيْ
وِكَثَّفْ آهَتِيْ عَبْرَة .. وِبَلَّلْ شِيْلَة لِثَامِيْ



يُبَهْ .. شُوْفْ الغِيُوْم الّلِيْ عَلَىْ كَفْهَا .. تَفَاصِيْلِيْ
تلاشت .. بَعْدِمَا سِمْعِتْ .. خَبَايَا مُوْجَزْ أَحْلامِيْ






تَلاشِيْ }
وَأَحَاوِلْ أَخْتِبِيْ فِيْنِيْ .. وَأَضِيْع ومَا أَلاقِيْنِيْ ..
وِيِصْرِخْ بِيْ حَنِيْنِيْ لِيشْ ..!
وَأَجَاوِبْ [ تَاهَتْ سِنِيْنِيْ ] ..
وَأَسْمَعْ صُوْتْ يِشْبَهْ لِيْ .. يِنَادِيْنِيْ .. يِنَادِيْنِيْ ..
" تَعَالِيْ .. حِيْلْ مِحْتَاجِكْ ! " ..
وَأَلَبِّيْ لَهْ .. [ هَذَانِيْ جِيْتْ ] ..
تَعَالْ ولِمِّنِيْ فِيْنِيْ .. ضَيَاعِيْ مَلْ تَرْتِيْبِيْ .. وَأَصَوِّتْ لَهْ ..
" يَاهَذَا الصّوْتْ !
... تِعِبْتْ سكُوْتْ !
.... أَمَانَة لِمِّنِيْ فِيْنِيْ !
..... [ أوْ إِنِّيْ أَسْكِنِكْ وَأمُوْتْ ] "

يبه آنآ محتآج لِ معآنقك دوم
آرجوك عآنقني ولو لِ ثوآني

كبرت وصآير من معآنقك محروم
يعني الكبير يشوفله آبو ثاني ..؟

كبرت وصرت آحتاج لك قرب وعلوم
كبرت يعني صرت آكثر آعآني

وإن كنت آنآني في وصآلك ومغروم ..؟
آنآ آتشرف إني آكبر آنآني

آول آبوسك قبل مآروح للنوم

يبه يا بعد هالكون من يعوضني حنانك ..؟

يبة وينك انا مشتاقة لعيونك..!!
انا بنتك انا الي دوم تدلعها تحاكيها وتفرحها
حلا عمري تناديها ....
يبة وينك تراني حيل محتاجة لكلمة حب ولهانة ..
يبة وينك مشتاقة لسواليفك لسهراتك وضحكاتك ...

يـــبه ..تكفى اسمعني ...
يبه بسألك شي ..جاوبني ..
هو صحيح اللي مات داخل القبر يصير حي ...؟؟؟
يــبه ...أسمع أنــا صوتك ..كل يوم اسمعه ..
واذا حاكيتك هاوشوني ..قالوا انسي ..
روحي يالله العبي .... !!يبه تعال ارجع ...
والله خلاص بسمع كلامك ..
ما اخرب العابي ..وان قلت يالله ..روحي نامي ..
أروح حتى ماتزعل ..يبه تكفى ارجع ..
اليوم حطت لي المديره ..
نجمه من فوق جبهتي ..
يبه سمعتها تقول..
مسكينه هالبنت صارت يتيمه ..
قالت لها ابله منيره ..مسكينه توها صغيره ..
وش كانوا يقصدون ..؟يمكن عشاني صرت عاقله ..
ولا عشاني دايم اسرح يبه مريولي توسخ ..
ماكان قصدي اوسخه ...
بس تذكرت انك تقول ..بعد شهرين..بشتري لك لبس ثاني ..
يبه تعال اشترلي ...
يبه عرفت نهى ..؟صديقتي اللي معي ..زاعلتني ..
تقول ماصرت انا اضحّـكها راحت تدور غيري عشان تلقى
احد يونسهـا يــبه يالله خلاص لاتمزح
يالله قوم تعال معي للبيت ارجع يبه يبه نسيت شي ..
بقولك ترى بيتنا صار فاضي ..
ماحد يجينا ..وكل اللي فيه انا وأمي ..
ليه وين اقاربنا ..؟؟وين خالتي ..


اللي كانت تجينا ...يبه قووم يالله تعال ..تكفى يالله تعال ..
ماودي ارجع لحالي والله خايفه ..
ترى امس جيتك ..مارديت .
.حسبتك نــايم ..أو اقولك .
.خلاص خلاص ..ا
نا بجيك بكره ..
اذا راحوا من هنا الناس ..
تكفى يبه بكره اصحي ..
تكفى يبه بكره ارجع ..

اتركيني ياهمومي .. وارحمي قلبي الحزين


كفكفي دمعي رجِيتك .. وادفني نار الشجون


راحت أيام السعادة .. وانطوت عِشْرة سنين

وأغرقت ذكرى الليالي.. بين أمواج الحنين

وصارت آهاتي توالى... أطوي ليلي في أنين

كم تباطت بيّ ليالي... كم تسهّد بي جفون

يازمن عيش السعادة... يازمن خضر الغصون

جتك أشعاري تنادي ... وين خل الروح وين