ديوان الشاعر ثامر شبيب

قصيدة دمعة البرد

طبع الندى يبكي وهو حاضن الورد
في عز ماهو فارغ الصدر مرتاح

مثل السحاب اللي بكا دمعة البرد
تفرح به العربان لا بارقه لاح

اما انا قلبي غدى قاسي عرد
ماعاد يبكي لو فنت كل الارواح

من يوم راح وشاف دمعي ولا رد
حرمت مابكي لي على واحد راح

طرد المقفي يتعب القلب بالطرد
يشوحه المقفي كما شوح ملواح

ترى حلاة الرجل في حزة الجرد
مايقبل الهين .. ويوقف اليا طاح

ان صدرم صدر .. وان وردم يرد
ياخذ حقوقه لو بها سيوف ورماح

والدمعه اللي شافها وراح مارد
اخير دمعه كانت لواحد راح

قصيدة سافر



سافر واخذ قلبي معك وين مارحت
اخذه معك في غيبتك وش ابيبه .؟؟

يمكن معك يرتاح لاشافك ارتحت
يمكن يجيبك لي ولا تجيبه

والا انا لقفيت معذور لاطحت
ياصعبها فرقا حبيب لحبيبه

من فوق تقلب غيبتك دنيتي تحت
ياللي فراقك لي اكبر مصيبه

اليا طرا طاريك من ضيقتي صحت
والدمع يملي كم ثوبي وجيبه

انا اشهد انك داخلي منحت نحت
يابخت منهو صرت حظه نصيبه

مليون ضيقه ان جيت عن خاطري زحت
ارجع فديت الليل يوم تحكي به

ياقلبة الله في عيوني اليا لحت
كنك اسير جابه الله الحبيبه

رووووووووووووووووووعه شاعر جميل في أشعااره
تسلم النــــــــــــآآآزف
على الطرح الجميل والرااقي
ديوان وأشعار قمة الروعه
دمت بـ هذا العطاء المميز

بسم الله الرحمن الرحيم
"" النازف ""
مبروك افتتاح ديوان الشاعر
"" ثامر شبيب ""

مبرؤؤك افتتاح ديووان ثاامر شبيب

شااعري المفضل

الله يعطيك العااافيه

( ) ,

الف مبروك الإفتتاح يالغلا
بالتوفيق
تقبل مروري
تحياتي الك

يسلموووو على القصيده