ياعيون الكون غضي بالنظر

سهير الليل وش تنفع شجونه
مدام الوقت باللحظه يخونه

وقف بيني وبين الي هويته
وزلزل خافقي وادمى طعونه

وشتت مابقى فيني وصمم
يجمع غربتي دوني ودونه

غزالن ماخلق فالكون مثله
ولاشيفت حسونن من حسونه

غزالن كمله بالحسن ربه
وفي قده جمالن مع ليونه

لو ان الوقت يسأل وش تمنى
ولو انه عرض لي كل كونه

تململت وصرخت بشي واحد
عيونه ثم عيونه ثم عيونه

كتمت الشوق لين انه تعالى
طغى ماعاد لي صدرن يطيقي

نضح صبري وبالعينين بين
وسبب لي عتامن في طريقي

كتمت الضيم وهموم الليالي
علشان الوحيد الي بخيالي

تجدد صورته مع كل ومضه
وتبيض قبالها سود الليالي

انا فكري لغيره ما عسفته
وهو مثلي بغيري ما يبالي

من يلوم الي تعلق لا وصل لأصعب قرار
كيف يرجي ماتمنى والبخت ماله حضور

وفيني من شعور العازف الي سلمه للطير
تناغم مع ترانيم الحياة وهمش النوته

رفيـ الشان ــع

ودعتك الله

عزي لمن همه على القلب بارك
وصفت على صدره هموم ٍ مباريك





في وسط قلبه شبت ام المعارك
بين الغلا وعناد فكر ٍ وتشكيك





ياصاحبي ليت الزمان استجارك
ياليت لو يصدق وينصف ويعطيك





ليته الى منه تردى استشارك
ليته يبري ذمته قبل يدميك





وليته الى منه تمادى وجارك
في ليلة ٍ يرضي شعورك ويرضيك





مره يتوه الفكر ويعمي قرارك
ومره يفز احساس قلبك ويعميك





ليتك قبل تصفق يمينك يسارك
فكرت مره في غرامك ومغليك





ليتك نهيت الوقت ولا افنا عمارك
ورديت وقتك قبل عيني ترديك





عشقت ليلك وانكشف لي نهارك
وانشل فكري يوم باحت خوافيك





غمضت بعيوني وطاح اعتبارك
وكبتك منها يوم عافت مواريك





لومات حبك وان تحطم محارك
وان كنت خاين ماتجاهلت ماضيك





اذكرك طفل ٍ تايه ٍ في مدارك
ريح ٍ تصافق بك وريح ٍ تقديك





علمتك الحب الطهور ومنارك
علمت ذاتك كيف يحكم مباديك





اسأل خفوقك يوم ضاق بفنارك
من علمه يشتاق يدفا ويدفيك





اسأل شعورك في زمان انكسارك
من علم البسمه تلالى بأشافيك





اسأل معاليقك ٍ و همك ونارك
من دخل احساس السعاده محانيك





اسأل زمانك يوم حطم مسارك
منهو اللذي شيد طريق لخطاويك





واليوم في ظهري تصوب عيارك
يالعنبو جدك. وانا اللي مربيك





يامل قلب ٍ كان يعشق ديارك
يتوه نبضه كل ماحل طاريك





يضمى شعوره وان ضميته تدارك
يغوص في جم المشاعر ويسقيك





قلب ٍ وقف جنبك بوقت انهيارك
قلب ٍ تعذب لين طابت لياليك





قلب ٍ رجيته لين عزم وزارك
قلب ٍ تمنيته يحن ويلبيك





قلب ٍ وهمته بالغلا وانكسارك
قلب ٍ عشقته قبل يعشقك ويجيك





انت اللذي جيته. وجبته. لدارك
وكلك امل يلقى وطنه بأراضيك





صدق دموعك يوم خانك وقارك
غره دفا صوته وهزه ترجيك





ودعتك الله دام هذا اختيارك
قلبي له الله وان طعنته بأياديك





ودعت ليلي والسهر وانتظارك
ودعت نشوات الفرح يوم الاقيك





ودامك بغيت احضر زفافك واشارك
بقسى على نفسي واجاملك واجيك





بجيك اتبسم واكابر وابارك
وخوفي يتوه احساس فكري واعزيك





وفر دموعك وش يفيد اعتذارك
يالله عسى خيره وربي يهنيك





ياقلب يالله خان وقتك وجارك
ودع غرامك ذكرياتك وماضيك





صدمه ولكن عدها بأحتقارك
والصدمه الي ماتهدك تقويك





وان صاح نبضك واحترق وسط نارك
قله سعادة من تحبه تكفيك

االغلا


دنيا الوله
خل ٍ سلى وخل ٍ دله
احد ٍ تناساه الغرام
او هو تناسا صحبته
وفي شفته
حارت مشاوير الكلام
وامسى يحسب انه وصل
وتو الطريق بأوله

***

الغلا حس المشاعر والمشاعر ماتبور
لو غدت حلو الليالي نزف وجروح وقنيب


ولو بقى للحزن صاحب مابقى للصبح نور
ينتشر خيط الظلام ويطرب اليل الكئيب


ولو قست ذيك الهبايب وانحنى غصن الزهور
للأمل تبقى بقايا ياقف الغصن ويطيب


ولو كثر عد الدقايق واحترق كل الشعور
وان هوت كل المشاعر في رجاء رجعة حبيب


ننتظر في كل لحظه والأمل فينا يثور
والأمل ادري يجامل وباطنه كله عطيب


يووووه ياطيف السعاده لي متى واحنا ندور
يحترق فينا التلاقي وكل ماجيتك تغيب


هالزمن ادري ملكني والزمن طبعه هجور
كل ماجيت اتبسم قال لي حان المغيب


يازمن مالك ومالي يازمن يكفيك جور
يازمن تدري بلحظه كنت احسك لي طبيب


جيتك بحلم الطفوله واعتبرتك لي سرور
واكبرت احلام فيني ترسم احساس ٍ غريب


وانتهى عمر الطفوله وابتدى عمر الغرور
غرني نبض المشاعر يوم شفتك لي قريب


وابدتيت وهام شوقي في رجا شعف ٍ طهور
يحتوي في كل لحظه ثورة احساسي واطيب


وجيتلك كلي مشاعر لو قسى طبع ٍ صبور
وخنتني بأول شبابي لو غدى بالراس شيب


يازمن يكفي خذينا من عذابك كل جور
ولو تعاندني بعاند وبنتظر رجعة حبيب