ديوان الامير الشاعر ( طلال بن عبدالعزيز الرشيد)

قصيدة جتني وشافتها عيون حايرات - طلال الرشيد


جتني


جتني وشافتها عيون حايرات

ذا شعاع الشمس او هذا سناها


ضاعوا اللي جوا معاها مسيرات

واقبلت تمشي تقل محد معاها


ياسنا الفضه وياجيد المهات

ياشذى نبت الخزامى في وطاها


قلت كن بوجنتك زهر النبات

قالت ان الرمش يجرح لي صفاها


تجرح الظلما عيون ناعسات

سلهمت وأغضت تغطرس في بهاها


حققوا بالشوف في لون الشفاة

هو خذا منها الشفق والا عطاها


ولو ظلام الليل يعطينا ثبات

فيه من لون الشعر والا كساها


كيف أباصف زين كاملة الصفات

كيف أباصل في حروفي منتهاها

قصيدة انا طلال ابن الرشيد - طلال الرشيد


أنا طلال بن الرشيد ... جيت أنثر حروف القصيد ...
وأجاوب السمراء النشيد ... و شلونكم يا عزوتي

حايل عسى حايل بخير ... دار الكرم قدره كبير ...
في حبها أنا الأسير ... بنت الجبل هي سلوتي

عامين والثالث بدأ ... من غبت عن أرض الهدى ...
وش صار عقبي وش بدا ... على بلادي وأسرتي

عموش و يش أحوالها ؟... النوم ما يهنى لها ...
دمعه يبلل شالها ... لا طالعت في صورتي

ياعزوتي عمري قضى ... ونواف في دربي مضى ...
صغير وبقلبه لضى ... الشور ينفع مهجتي

عاداتكم يأهل السطر ... الحر لا منه شهر ...
ما تتركونه للخطر ... نواف عزه عزتي

ودعت في عشي حرار ... إصغار بالشيمة كبار ...
يبون من عقبي قرار ... بين الطنايا فزعتي

وأنا طلال الضيغمي ... أمير لكن ادمي ...
أفزع لمن جاء يحتمي ... فيني وتظهر نخوتي

وختامها يأهل الكرم ... من مر طيبة والحرم ...
يدعي لطلال المحترم ... من فضلكم أحبتي

قصيدة ان حكت غار السكوت من الحكي - طلال الرشيد


إن حكت



ان حكت غار السكوت من الحكي
وان بكت يحسد مدامعها الغرور

كنها والشمس خصم ومشتكي
وبين ذيك وذيك عذبت السطور

الثرى يا مايسه مغروركي
ومن يلومه ما يعرف سر الغرور

والجمال امرايته في وجهكي
والبها له في جفن عينك فتور

الحلا يا حلوتي شبه بكي
منهك حرفي ويشكي به قصور

والحروف اتهني احروف اسمكي
والاريج اختال في عرس العطور

يا غريره ياغرورى مسلكي
تهت والا تاه عن كفي العثور

في طريقي ضاعت الخطوه لكي
ماتميز بين نار وبين نور

قصيدة لبيه - طلال الرشيد


قصيدة لبيه - طلال الرشيد



المشكله لاصار ماهو..لاقريب ولا بعيد
وتقدر تبين للعرب إنك منت بحاجته ..

وتبدع بتمثيل الجفا وتمد قيد
من المضاهر والصبر وتعلن صدته

وقتها يشتعل وجد الفؤاد وتستجيد
حس الفرح وإلا السعاده ..بنظرته

لا ..لا تبين حاجتك..؟ وأحذر تميد
يد العطاء وتكشف عن غطاوته

خله يحس بمعنى أشواقه ويعيد
ماضي حساباته ويعلن جيته

وأرخ المسامع .. وأنصت له بجيد
وخله يبوح ويعتذر عن شقاوته

وأدمح خطى المشتاق وأحذر يزيد
صد ك وغيباتك .. وقله طاعته

يمكن معاك اليوم وباكر وحيد
بين المحاني ترتجي إطلالته .

لبيه ي اللي مسكنه وسط الوريد
يامر وينهي وأنا رهن إشارته !!

هاك القلم ..وإكتب على قلبي وحيد
يرجع عليك الصوت { ي حي مالكه}

تعال نبني للوفى قصور ونشيد
ونجمع ملامح إنطوت بإشراقته ..


وأعلن بدايه حب بصرح جديد
ويشهد علي/عبير/بقدره وغلاته

ذكرى الفراق



اليوم ذكرى الفراق ومرت اول سنه
اليوم لي عام متغرب وحيد وحزين


اليوم انا ضيف جرحي جيت باطمنه
اني جمعت الدموع وجبت امانة امين


ما يجرح الصادق الا غدر من يامنه
لا جت من احباب قلبك لا تلوم السنين


مليت من هالاماني دام مهي ممكنه
لاهي تحقق ولا ياسي بوجهي يبين


لوين انا وانت مثل الشمس والازمنه
مع كل صبح يجددني لشمسك حنين


لا قلت احبك احبك كنها دندنه
او كنها وردة مابين اصابع جنين


يا اجمل الناس لك بين الملا هيمنه
كثير غيرك ولكن مين مثلك و وين


يا عاذلي خذ عيوني يمكن تثمنه
تشوف عيبه وانا اشوفه ملاك حسين


امس افترقنا وانا احسب مرت اول سنه
يا طولها ليلة الفرقا سنة للحزين

قصيدة أموت من فرقاك و أموت بلقاك - طلال الرشيد


مكانك مكانك

أموت من فرقاك .. و أموت بلقاك
وأموت من جورك .. و أموت بحنانك
كل قضاه يموت مره .. و يفداك
و أنا أموت ألفين مره .. عشانك
أذكرك.. لا مني نسيت إني نسيتك
أنساك .. لامني ذكرت نسيانك
رضيت أنا بالهم لرضاك مرضاك
و ارخصت لك قلب جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجيني لين أقول إني إياك
و مر تروح بعيد و انسى أوانك
أقبل و تقفي .. و اعتذر عن خطاياك
و أقول ما عييت .. عيا زمانك
و إن خانتك دنياك .. أو خنت دنياك
إرجع و تلقابي .. مكانك.. مكانك

قصيدة لاهنت - طلال الرشيد


لاهنت...
قل لي من انت ؟!
يا اللي أعرفك وجه..
وحروف ودار..
يا اللي بعينك ثلج ..
تدفي فيه نار!


يا صاحبي الرحال..
مايشبهك إلا الخيال !


يا اللي أعرفك مثل اسمي ..
مثل رسمي ..
مثل إحساسي ونفسي !..
يا اللي اجهلك ..
مثل الأمل والغيب !
ياصاحبي :
لانت بعيد .. ولاقريب !
يا انت غريب !..
قاسي أبد مايوم لنت ...
وباعرف من انت ؟!


جيت لك مثل أمس،
وجيتني مثل باكر !...
قلت لك - لو كنت فاكر -
إني بعمري عرفتك ..
وإني ما عمري عرفتك!..

جيتني مثل هم ،
وجيت لك مثل نجوى !..
قلت لك : والله ما اقوى ..
إني أتحمل غموضك !
صاحبي : من به يعوضك ؟!
إنت السؤال...
تنساه كل الأجوبة !...
مثل الخيال..
عجزت حقيقة تقربه !



جيت لك يوم اللقا ،
جيتني يوم الوداع !..
قلت لي : فل الشراع ..
رحلة ضياع !
يا ديرتي اللي ادلها البارح...


وضيعتها اليوم ،
وضيعت معها النوم ،
ولحاف روحي و الحلوم ،
وبرد الشتا جارح !
وكل العيون تلوم !



يا الواضح الغامض ..
يا العاذل الواعظ ..
في يوم عرس الشمس ..
كل الظلام اللي حضر مرفوض !
أنا أكره اللي أكرهه فيك
الغموض ،
وأحب اللي ينوض ب مبسمك او بالنحر !
وأحب اليم الأظلم ..
في العيون ...وفي الشعر !
وإن كان تسأل من أنا ؟!
أنا اللي في دنياك أبد ماقد
امنت !
ويمكن ...
أنا : أنت !!