ديوان الشاعر ( سعد بن جدلان)

قصيدة ياخي الشاعر - سعد بن جدلان


جل شان اللي ملكوته على عريشه


المكارم ما تعادل مكرمته لعبده


يا أخي الشاعر ترى ما فوق راسك ريشة


ما تحتك ألا ظلالك ترمحه وتهبده


ما يهم ،تسب،تمدح شخص،تطلب عيشة


المهم أن المشاهد يفهمون الزبده


تتقي وتبين كنك تلعب الخشيشة


تحرق أعصاب المشاهد لين تدبل كبده


بالمزاج المنجرف وأفكارك الطنيشة


لا تسمع في السديس ولا محمد عبده

قصيدة الغلا - سعد بن جدلان


قالوا كيف حالك عقب مبنى الغلا الي طرح

وردود لهم عله مراح بلا رجعه

وحال المفارق مايبي للعوارف شرح

أول تجربه تفريقة النجع من نجعه

والا حال من مثلي تغضب بعد مافرح

من اللي يوده بدل الونس بالفجعه

يجامل على الاحوال الكبد فيها جرح

وكبد يجيها الجرح تبطي وهي وجعه

أيام السعاده الاوله والطريق البرح

تعوضت عنها ونتين على الهجعه

قصيدة ودنا بالطيب بس الزمن جحاد طيب -سعد بن جدلان




ودنا بالطيب بس الدهر جحاد طيب

كل ما تخلص مع الناس كنك تغشها


يدك لامدت وفاء لاتحرى وش تجيب

كان جاتك سالمه حب يدك وخشها


كل ماشبيت نار المحبه مع حبيب

قام يسحل في مشاهيبها ويرشها


وكل ما واجهت لك فالزمن وجه غريب

مثل ماقال المثل دام تمشي مشها


وذمة ماهيب تندار للحق المصيب

جعل قشاش الحطب لاسرح يقتشها

قصة وقصيده معكازي _ سعد بن جدلان


السلام عليكم ورحمة الله وبركاته
,,,,,,,في مثل يقول اذا كذبت اسند وهنا القصه ناقلها وعلى ذمة المنقول عنه
,,,,أما القصيده ردوه عني انها لسعد بن جدلان وفي اغنية لعبدالله الرويشد واليكم القصه والقصيده


القصة : هي ان سعد بن جدلان الاكلبي ..
جاي في يوم من الأيام يخطب عند ناس من القوم وبعد ما بغى يشوف البنت والبنت بغت تشوفه
وإذا هم يتقابلون بالصدفه في حوش البيت وكانت البنت تبي تشوفه قبل انه يشوفها بس الصدف

كانت اكبر من كل شيء وتقابلوا وجه لوجه واذا بالبنت تشوف سعد بن جدلان يعرج ومعاه عكاز
بسبب العكاز اللي معاه ووكأن البنت ماكانت متأكده من انه يعرج بس في الاخير اتضح غير ذلك
وبعدها قبلت فيه بس تعجيز ابوها حال بينه وبينها في الشروط اللي طلبها منه ...

وفي الاخير كتب هذي القصيدة وهذي هي بين اياديكم ::

اتمنى ان تنال إعجابكم ..اتمنى ان تنال إعجابكم ..


ياللي على شان معكازي تبين لي=رجلي على حالها وانا على حالي

والكسر ما هوب في رجلي علي كلي=وانت السبب في الغرابيل اول وتالي

تكفي مراسيلنا العجلات يا خلي=عن مخذ الاخبار والا شوف الازوالي

قلبي وقلبك توصل لك وترسل لي =والله انها اشد من موجات الارسالي

ردن سلامي عليك وجن وقالن لي =انك ترحب وانا في خاطرك غالي

ليت الغرابيل جتني من عدون لي =إن ما تقاضيت والا بيتقاضى لي

لكن من واحد ذكره غناتن لي =ما زلت احبه,, وابا احبه ولا ابالي

لامر طررق بخدراته سلام لي =كنه يسلم علي بصوته العالي

خلوني اسج عن موضوعه احسن لي =والا الغلا,, والله ان يبطي و هو غالي

الشاعر : سعد بن جدلان الاكلبي

قصيدة روس الصناديق - سعد جدلان


ياصاحبي شوفتك عقب التشافيق
تحيي ضمير دنا منه اليباسي

من لامني جعل تفجاه التفافيق
والكل منهم محقق ومتواسي

بقصيرات العدن روس الصناديق
عكف الأصابع رهيفات الكراسي

قصيدة ون ابن جدلان - سعد بن جدلان


ون أبن جدلان من لايع لاعه
كن في كبدي دوافير صناعي

ألعب المنكوس وأحب روباعه
ممنن بالوقت والوقت خداعي

مادريت أن ضحكة الوقت خداعه
شفت مدخالي ولاشفت مطلاعي

لابغيت أسج والا انبسط ساعه
دق قلبي من وراء حدب الأضلاعي

كن مابين الضلوع الة طباعة
تشتغل لانمت وأقوم مرتاعي

هم قلبي مايفرق تجماعه
غير جر الصوت والناس هجاعي

فاقد لي سلعة وأكبر أبضاعه
سلعة تشراء ولاهيب تنباعي

رفقة الطيب ليا غير أطباعه
أشهد أنها كية توجع أوجاعي

راكب إلي صممه صاحب أصناعه
جمس بيك أب من حديثات الأنواعي

الغريب الي جديد من أنواعه
حوض رفرف مايبي شد وشراعي

لا أونس البنزين عجل تفرقاعه
مخطر من سرعته يقلع أقلاعي

لاتحرك شفت في القاع مشلاعه
والتواير تظهر الماء من القاعي

ينعش القلب الحزين أبتهملاعه
لامشا قام يتهملع تهملاعي

لاوطى الأرض العتش كن تهزاعه
بنت شيخ طامح من ولد راعي

في رجاء الغايب تحرا لمرجاعه
تنقد العشاق وتطق الأصباعي

نفسها من جملة الناس منصاعه
ماتبي إلا واحد ذكره أيشاعي

ينحر اللي يأخذ الطيب بذراعه
الصديق الصافي الصامل الواعي

الوفاء والطيب ساسه ومنباعه
يوم بعض الطيب تقليد وصناعي

لاوصلتوا فأخبروني عن أوضاعه
وأخبروا راعي السمارا عن أوضاعي

أنشدو ويش السبايب بمهزاعه
لاعلي ناقص ولا أبيه فزاعي

ودنا نرضيه ونحاول أقناعه
كان بن مهمل بعد يسمع الداعي

كان يبغا حق للحق قطاعه
نقنعة والحق ماعنه مجزاعي

وكان مبغض في الرياجيل بتاعه
لايجي ناقد ويلحقني أرياعي

لصديق نخلي النفس خضاعه
مانوريه الجفا والتمطاعي

الصداقة عندنا ذخر وطماعه
صحبة ماهيب صحبة تمتاعي

حد جدتها على البرق لماعه
وإن خذت يومين مفعولها ضاعي

إن تليمنا على العز والطاعه
وأن تفرقنا فجوج الله أوساعي

ما أطرد المقفي ليا صفط أشراعه
مخبل اللي للمقفين تباعي

من يحط أذنه على كل سماعه
جاه فرقا مابعدها تجماعي

والزباد أختام هرجي ومطلاعه
يدفعه من ريحة المسك ذعذاعي

قصيدة انا اللي همومي صايرات علي كدر - سعد بن جدلان


انا اللي همومي صايرات علي كدر
لو انها تحول فوق غيري فقد عقله
لامنه اشتغل موضوعها داخل الصدر
تقل فايز وسطه فريق يصفق له
على الصاحب اللي مانويناه بالغدر
شفوق علي وانا ماغير أتشفق له
بنا بيت حبه فالحشا واسس الجدر
وخلا معاليق الضماير تخافق له