شارك ببيت شعر يبداء بالحرف الأخير من البيت الشعر السابق

.




في الليالي بوح روح و جروح قلب موجعه
وفي الاشواق زفرة وله ..... وحب وتناهيد
تنزف الابيات .. و نسمعها في شيله مسرعه
تحرك المدامع وتهل ... وتقول هل من مزيد
بعض الابيات شامخه كالجبال وبعضها مايعه
لها ناس ترغب لها ... وناس لها ... ما تريد


من حروف الأرجوحه

.. د ..

^
^
صح لسانك


دامك زرعت الحب في داخلي ورد

أنا ما أبي غيرك من الناس يسقيه

مابغيتك من فراغ ولا تمنيتك عبث

ولا أبي لك نهاية ولا أدور لك بديل

.. ل ..

.


صح بدنك الله يسعدك



ليت حلمي ما تمادى وعناني
ولا لقيت الروح للوصل مسعوره
وليت قيد الشعر ما كتف لساني
ولا بصم حزني على القاف والصوره
آه يا نصفي على نصفي الثاني
من فقدتك والمدامع لها دوره
وليتني ما كنت بالحب غرقاني
وليت شعري ما لقا حب جمهوره


.. هـ ..

جمهوره اصابه ذهول من حبٍ

غريب ماله مثيل .. روح تنادي روح

وجسد بينه مسافات يبيلها تحليق

والقلب فيه عشق تدمع غصب له العيون

احبه حب مجنون نادى بأعلى الصوت

وكل من حوله مايصغون….

.. هـ ..

هذي قوانين الصدف والاماكن

وهذي مقادير الزمان وظروفه

تشوف ناس كثار صدفه ولكن

اللي تمنى شوفته ، ماتشوفه

.. هـ ..

هواجيس فكري في سماء جوه تحوم
وله مسكن فالصدر تصبح وتمسي به

ھ

هي كذا الاقدار يا قلبـي تصبر
كنت واضح لين ضيعني وضوحي

ادري ان كسـر الخواطر مايجبر
وادري اني غايتك وانك طموحي

عالعموم إن كان وجه الوقت غبّر
مستعد اواجه الموقـف بروحي

.. ي ..