الصدر صندوق القلوب المغاليق والقلب صندوق السدود

من يقبلك يقبل معاك العذاريب
لا تَصنع اسلوبك ترى مـ أنت مُكره

خلك على الفطره واذا كان بك عيب
ان ما لقاه اليوم / يلقاه بكره

ياكثركم .. يا جعلكم ماتكثرون
ياهل الهروج اللي مامنها فايده

وقت العوافي تذبحون وتصلخون
وقت القسى ماتنطحون الكايده

وش ذنبنا لاصار منطقنا فصيح
وقلوبنا ماكل من جاها ... قلط !

حنّا نحب الصّدق ونقول الصحيح
والمشكله فالناس .. تفهمنا غلط

حرام مثلك، تنكتب به قصيدة
المفترض نكتب بصوتك دواوين

تمسي على غيمة ، وفكرة جديدة
وتصبح على شعرٍ يغني بك سنين

ترى الحقيقة رغم ما هو بـ معلوم
أكبر من انّ عقولنا تحتويها

كل يوم والاقمار تستكشف نجوم
وتطلع نجوم و تمحي اللي تليها

لا تندفع .. يمكن قناعاتك اليوم
بكره لا طرّوها بـ تضحك عليها

يارب لا منك طويت السجلّات
و أمرت روحي في موادع جسدها

خذها و أنا ساجد بـ أحد الصلوات
و قِد تبت ( توبه صادقه ) ما بعدها .