همسات مها

لا ذا , ولا هذا , ولا ذا , مع ذاك
ولا ذاك , مع هذا ولا ذا .. ولا ذا
مامنهم اللي كثر ماغليتك اغلاك
ادبل غلا هذا , بـ هذا , على ذا"

مكاننا اللي .. نجتمع به قتلني
( اثنيننا في غيبته .. فاقدينه )
مريت بـ الصدفة عليه وسألني
يقول ذاك اللي يجي معك وينه

اشتاق لك بالحيل وغيابك يطول
وأنت ماحسيت في قلبٍ يبيك
كل ما طالعت بالجوال أقول
مر يالله والله إني احتريك

يمكن اكون في باله ودايم اطري
وعيونه يمكن .. من البُعد يبكن
ويمكن يكون متابعني ولا ادري
اصلاً انا عايش على شان يمكن

صح .. انا واحد ولكني متعدد
بين شوق وبين حب وبين ذكرى
كل ليلة .. لا كتبت أبيات ، أردد:
( هو يقرا اللي كتبته او مايقرا

لا تزعل ولا تاخذ على خاطرك مني
انا من كثر ما ودي ارضيك ! زعلتك
احبك و اموت بضحكتك و الدليل اني
و انا ممتلي هم .. ابتسم لا تذكرتك