مساحه لــ ال همسات الغلا مما يعجب اذواقكم الشعريه

.





ياشين الغياب اللي بلا سبه وتبرير
غياب اللي ما فكر بقلبي ولا حنه
يموت الغلا من قلة الوصل والتقدير
مثل موتة المعروف لا صار به منه
أنا مدري هو بخير ولا ماهو بخير
عسى دورة الأيام ما غيرت ظنه
قولوله لا عاد يطاول البعد والتقصير
ترا البعد والتقصير مايدخل الجنه

إن اجلست يورد الكرسي

توقف الدنيا مسارحها

لانها خلاصة فتنة الفتنه

الله ياماحلاها وما املحها

.



اشكر جروحك علمتني اقسى عليك
واشكر ظروفك عودتني اعيش بلياك
قررت انا ارحل عن عيونك واخليك
وانهي حياة الهم اللي عشتها معاك

.


أحذر إنك تحداني على عزة النفس
و أحذر تذلني وتحدني على القطاعه
ترى الكرامه مغروسةٍ بصدري غرس
ترد قلبي عنك لو إنه بكامل إندفاعه
كانك ناوي تعطيني بالمحبه درس
بعطيك درسٍ عن الكرامه بكل براعه
إن بعدت بخليك ذكرى ليلة الأمس
وبغلي قلبي لأنه ماهوب لك بضاعه

لا تعطي الشخص حجمٍ فوق مقداره
بعض العرب لا رفعته .. قيمتك ترخص .

.



سلامة رماحك اللي جرحها غالي
طعنتني غاضب لين أنكسر رمحك
لو قلت لي كان أجرح حالي بحالي
لا عاش قلبٍ جزع وارتاع من جرحك
لاجلك جروحي غدن اليوم عذالي
ذميت ظلمك وأنا من عادتي مدحك
ياليت لي ذنب وألقى علقمك حالي
وياليت بك عدل .. وأرضى ف الهوى ذبحك
ياسيدي وإن نويت تزيد غربالي
قلي وأنا أبعد ظلامي عن سنا صبحك
لو ما يسرك أطو ل الشمس بجبالي
مايكفي إن عشقت جبالك وسفحك
كل الهوى بالهوى يزهى ويختالي
وأنا الذي في خسارة عزتي ربحك
ياعل ماتزهر الأشجار في رمالي
لو أعتذر عن شموخي في رجا صفحك
سلامة رماحك الي جرحها غالي
طعنتني غاصب لين أنكسر رمحك


بدر بن عبد المحسن رحمه الله

في غربتي تغرّب النور عن عيني

وش حاجتي في نور عينٍ غاب غاليها

عمر السفر يا نظر عيني قضى فيني

نفسي على ما تعاف أمر الله حاديها