قـــــدر

أيد تمتد للأيادي لانهاية ولاحدود وايد تهتز من قهرهة ولمنابعهة تعود نجوم حيرهة قدرهة روح ما يخلص صبرهة مطرزة الدنيا اماني ولمواسمهة وعود صرخة مجنونة وحلم مثل السراب ريح منثورة وسؤال بلاجواب النهر دوامتة تكثر مرة تصغر مرة تكبر لو يشح بالموت لو بالحب يجود

لافرق بين الابيض البشرة ولا الاسود
ويبقى العالم لإنقياء القلوب
نحن أناس نعيش ونموت من اجل الابتسامة
البشر كلهم سواء
ويبقى العالم لإنقياء القلوب
نردد كلماتنا في كل مكان
نتعامل بالمحبة
نحن لانحب الذهب ولاالفضة
نحن نحب المحبة
ويبقى العالم لإنقياء القلوب
الحياة قصيرة جدا عشها وكن سعيدا
اجعل هذا كل ما تتمناه
إنسى ما يبقى لك أولي
البشر كلهم سواء
ويبقى العالم لإنقياء القلوب

بعدك يا حزن من عندي ما مليت ؟ ؟
مو اقرب بشر من عندي عافوني
ليش انته الوحيد اللي وفيت وياي
واللي حسبتّهم عون..خذلوني
... من دون الدروب دروبي بس وداع
خلصت العمر ابجي اليودعوني
وحيد وحتى ظلّي اليوم مني راح
بقيت بلا ظلّ ومن يسألوني
أجاوبهم.. اناعفته ودرت عنه العين
وبيني وبين نفسي اتوسل عيوني
اخاف تصب دمعها وتفضح الاسرار
واني بوسط شمّاتي ويشوفوني

تعبــــــــــــــــــــــــــــــــــــــــــانه
والله تعبانه

الى صفصافتي الغاليه



ياطيور الطايرة مرّي بهلي
وياشمسنه الدايرة ضوي لهلي
سلمّيلي وغنيّ بحجاياتنا
سلمّيلي وشوفي شنهي اخبارنه
وروحي شوفي لي بساتين الوطن
هم طلع طليّعها أبنخلاتنه ؟
سلمّيلي ياطيور الطايرة
سلمّيلي ياشمسنه الدايرة
آه لو شوقي جزا وتاه وي نجمة
آخ لو صيف العمر ماينطي نسمة
ياشمسنه الدايرة
كان صار العمر صحرى
والوطن ضيّعنا رسمه
وكان ماشفناله صورة
وماعرفنا وين أسمه
لكن نحّبه رغم كل المصايب
ياطيور الطايرة
والهوى أدواغ الحبايب
ياشمسنه الدايرة
أعذيبي يغفه أوي الكصايب سلميلي
سلمّيلي ياطيور الطايرة
سلمّيلي ياشمسنه الدايرة
سلمّيلي ,الشوق يخضر بالسلام وبالمحبة
ياطيور الطايرة
سلمّيلي الشوق طير وياج رايح عرف دربه
ياطيور الطايرة
والسمه مصحية وصحيت أنا قمر
وقلب الحديثه مثل شاطي ونهر
مريّ يمّه ياطيور الطايرة
وأذا مامرّيتي يمّه
تضيع روحي
والقلب جاوين أضمّه ؟
وبعد ياهو الي انشده ؟
والهوى يسافر بمكتوب بجنح طير
وكل كصيبه تحنت بليلة مهر
سلمّيلي ياطيور الطايرة
موبعيدين اليحب يندّل دربهم موبعيدين
موبعيدين القمر حط أبقربهم موبعيدين
لونهم لون الربيع اليضحك بوجه السنابل
ياطيور الطايرة
وشوقهم شوق الحصاد اليزهي بشفاف المناجل
ياشمسنه الدايرة
سلمّيلي لو وصلتي ديارهم
سلمّيلي وشوفي شنهي أخبارهم
سلمّيلي ياطيور الطايرة
سلمّيلي ياشمسنه الدايرة
ياعيني يا جنة هلي
ياويلي يا طيبة هلي
افيش يا ريحة هلي
الله يا لمة هلي
الله الله

يابعد عين صفصافه

ويأكل الحنين للدرابين العتيكه

للسطح والطرمه وعصرونية بيبيتي

لصواني المهر وزكريا

لمواعد عل النهر ولمة عجايز إباب البيت

لتصجيمة بغدادي جنها عصير بطيخ من محلات الاعظيمه

لنهر دجله ومسكوف وثوب كردي وجرغد وعصابه

مشتاقه لكل هل المفردات

تدرين كم احب هالاغنيه

عل الجرح

هي النشيد الوطني للحنين العراقي

يا فديت بنت بلادي وفديت حضورها

ملفته