ديوان الشاعر ( سعد بن جدلان)

قصيدة مع الهم والوسواس - سعد بن جدلان


.قصيده لسعد بن جدلان بدون نقط ,}
.
قصيدة مع الهم والوسواس - سعد بن جدلان

مع الهم والوسواس والسهر والولال=
ادله هموم الصدر والصدر مادله

ادله هموم الصدر والحال هو الحال =
وصار الهم مدهاله الصدر ودهله

احاول على حلو الحلى وهو ما حال=
وحاول ودار الحول وعمله عمله

سهوم الوساع السود لا هل الهوى سلال
= لاسلهم سحى سلهامه سهوم مرسله

هواللؤلؤه وهو الدرهم هو راس المال =
وملا ملك له لولوه لا حلال له

قصيدة بن سعود وبن صباح - سعد بن جدلان


يالطيف الروح يازين الصراحه

كلمتين اما مجي والأ مراحي

لا تحسب ان السحا ستر وراحه

المحبه والسحا الموت المتاحي

من لقا منك البشاشه و السماحه

واللسان العذب والهرج القراحي

لا تلومه لنكسر صوبك جناحه

ما يمرك واحد ويروح صاحي

مرقب لك لين يرجع من مراحه

مثل ما ترقب على الصوت الطياحي

من شفق قلبي ومن كثرة أشفاحه

مايبي الا مدة الناس الشحاحي

أفزعوللي إرجوا بالفراحه

مثل فزعة ابن سعود لبن صباحي

قصيدة ياماحلا صوت الجميحي- سعد بن جدلان



يازين الجميحى لاسرا والعباد خفوت
-يبى لازمن متغانمه قبل لايفوته


لمنه انعس السالى وسجو هل البيلوت
-قام يتمخلص تحت رجلك تقل حوته

يقوس مع الهويات كنك تشوته شوت
-يشادى المظلى لانزل فى برشوته

حماره تحت نور القمر كنه الياقوت
-يداوى القلوب اللى من الحزن منحوته


لادقت هواجيس المغنى وجر الصوت
-يعد النجوم المرقبه فوق كبوته


وخوت صديقن مخلصن معك حتى الموت
-ماهوب يتسمع هرجتن فيك مشموته


يدارى على سمعتك من هرجت السربوت
-خطاياك عنده داخل الصدر مكبوته


يعرف الذى يخطر بقلبك لا كان سكوت
-ولا من غنى ينجلى الهم من صوته

قصيدة اتلع الجيد - سعد بن جدلان


لي متا نا ياتلع الجيد ونا صابرين

كان للغاية حدود وصلنا حدها

والمدور في متاهات سر الصامتين

ايتحير ماعرف كرهها من ودها

لايغرك من يقل تالي الخافي يبين

الاوادم نصفها ما يباح بسدها

كم شفوف خيمت في نفوس المستحين

لين ماتت بين بني الامال وهدها

واخذ عبره من كلام العوارف لولين

(كل كلمه تستحي من هدفها بدها )

ابك كلمة جاشك اللي على طول السنين

كل يوم تبغي اتقولها وتردها

قصيدة السالفه - سعد بن جدلان


الا يالله ياللي تحت هيبة سلطنتك اسلمت

لك المسلم يسبح لك بحمدك ولك الاسلامي

احمدك واشكرك واثني عليك بما علي انعمت

تزودني وفا قدر العشير ووصل الارحامي

ولجك الفجر ياليل الذهول اللي علي اضلمت

يعرضك واقع الماضي بعيني عرض الافلامي

ولهتك يالنديم اللي على صافي وفاك اضرمت

بصفحة ذكريات العام واللي من ورا العامي

بعد تقرير مشوار التجارب نجحك واجزمت

بان السيف سيفي والعصا والمحزم احزامي

عطتني عزلة اخلاصي معك نسيان من نادمت

كتبتك وانطوت صحفي عليك ورفعت اقلامي

اباهي لا ابالي واتبيسط كل ماقدمت

اشب النار قدام العرب واشيد اخيامي

نهاري حر شمسه يستحي منها لسان الشمت

وليلي ترقب نجومه ملامة كل من لامي

على ضو الكلام اللي كشف عنا ستار الصمت

عرفت اني تحت برق الامل في روض الاحلامي

احسب انك تيمم با اتجاهي وين ما يممت

واثر ما انت بورايه في الطريق ولانت قدامي

مصيبه لاتدنت قيمتك في عين من قيمت

يشوفك بالسهل وانته تشوفه بالسما السامي

كثر ماحن قلبي للونيس وكثر ما درهمت

فجر صدري حنيني واتعب الاقدام درهامي

عيون الصد وعيون التجافي حول مهما اكرمت

تشوف المجتهد كسلان والبناي هدامي

مدام ان جانبك شام لجنابي وانت عني شمت

كثر خيرك وانا مانيب لاجايع ولاضامي

اشوف انه علي واجب ليا مريتكم سلمت

مرور اكرام تربطه الكرامه عند الاكرامي

على شان الخفوق اللي على عرشه قعدت وقمت

حجب عنك الدجى لين اشرقت لك بيض الايامي

ختام السالفه ياطيب العشره كرمت ودمت

هذا حقك علي وحق شرهاتي على اوهامي

مصير الوقت يشرح لك دروسه وان غفلت ونمت

يصحيك الزمان اللي يصحي كل من نامي

تذكرني لامنها خابت اوهامك فمن وهمت

وشفت الفرق في حب الخشوم وحب الاقدامي

قصيدة صباح الخير - سعد بن جدلان


يا صباح الخير يسعدك ربي من صباح

الصباح اللي تهيا به الوجه السميح

يالطيف الروح بعدك علي سم ذحاح

ليت نضراتك تعلمك عني بالصحيح

يا قراح البيض كان البني فيهن قراح

أشهد أن زولك مليح ومنطوقك مليح

كل شيقد جمعتته على الدنيا وباح

غير حبك يريش العين عيا لا يبيح

قصيدة رساله - سعد بن جدلان


راكبلي توهم من حفيزه طلعوه

من وكالة جمس بالبيد ولا البهبهان

لاوصلتوا عند عبدالعزيز فعلموه

ماجرى له عام الأول جرالي ذ الزمان

مع وليف كل ماجاء بيقرب بعدوه

صاير من غيبته في عقايب وامتحان

وان بغيت أرسل مراسيل جوني مالقوه

محد يكشف غايته في خفا والابيان

كود انا والناس غيري حشاء ما عاملوه

أنتعامل بالمحبه معامله الاخوان

يستحي من مكله الزاد بين امه وابوه

خل عاد يعامل الناس في هرج الحنان

ان بغيت اجيه شافوه ربعه واحرجوه

وان بغيت اغيب طاريه جنني أجنان

يالجاويد افزعوا وانقذوني وانقذوه

وادعوا لي يالجاويد في شهر أرمضان

وان لقيتوا راي مع بودخيل الله هاتوه

لن رايه هو ومثله بقلبي له مكان






وهذا رد غازي بن دخيل الله على ابن جدلان







مرحبا واهلين با لخط واللي وصلوه

عد ما تنشي وتمطر هماليل الغشان

مرحبا واهلين برسالة اخو عند اخوه

كلبو الاخبار عندي وضامنها ضمان

كان ابن جدلان يشكي من اللي عذبوه

شل حملك مثل غيرك وخلك بهلوان

الهوا قبلي وقبلك رياجيل مشوه

قبلنا بوزيد عذب ذلوله والحصان

ويش رايك عاد ننساه مثل اللي نسوه

ما نعرفه كود فيما مضي كنا وكان

الهوى ذا الوقت جا فيه ناس دمروه

ولوحوا به مثل تلويح فلحا با العنان

خربوه اللي ليا عينوا شي كلوه

مثل ما قال الممثل وسيعين البطان

وراحوا إلي لا تحاصوا على السد حفضوه

السدودمحصنه والكرامه ماتهان