ديوان الشاعر ( مساعد الرشيدي)

قصيدة حمرت الشمس واليم - مساعد الرشيدي


هذا انت والا حمرت الشمس واليم
ريح المطر والا نسايم حنينك


يومك ضحكت وبش باوجانك الدم
قبل الغياب وكلهم حاسدينك


كن النهار اللي رسم للشفق فم
ضحكة ثغرك اللي سماها جبينك


هذا انت والا من يضم الحشا ضم
هذي يدين البرد والا يدينك


ثلجي نحرك أدفى من غفاية الهم
عن خاطر صحوات همه تدينك


بأعانق احدود الضما والغلاجم
وأبقي معك سيد هواك ورهينك

قصيدة جيتك بقايا حي - مساعد الرشيدي


جيتك بقايا حي كل اكثرة مات
وصلت لك با اخر رمق من حياتي

جيتك خوي الخوف في رحلة الذات
بين الرجا وظروفي القاسياتي

جيتك من الفرقا كثير التلفات
جيت انتحر في نجلك الناعساتي

جيتك مزيج جروح ودموع وأهات
نديم لعيون الاسف والشماتي

جيتك شظايا تشتعل شوق بسكات
ما ادري حزن مدري سعادة اسكاتي

جيتك لوانتي سابع المستحيلات
اللي يحبك يصنع المعجزاتي

جيت استجيرك من شمس المتهات
عيت تظللني تحتها عباتي

وابا أتعفى عقب عذاب المعاناة
على رصيف اشواقك الدافياتي

تلقفيني من ايدين التشتات
صيري بحلاة الروح قارب نجاتي

هلى غلا يمحى كدر كل مافات
يامزنت افراحي ومنبع هناتي

قصيدة اخر عباراتي وداع واخر مشاويري رحيل - مساعد الرشيدي


اخر عباراتي وداع واخر مشاويري رحيل
جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي تبدين مثل المستحيل
في عشرتك صوت العقل يقتل طموح العاطفه

الحب ماهو كل شي إليا وقف حظ بخيل
قلوبنا مثل العسل بس الظروف مصالفه

لاللندم لاللعتب أوشي من هذا القبيل
وانتي ماجا منك خطا حتى تقولي اسفه

من غير ليه استسلمي واستلهمي صبرجميل
ولاتسأليني وش جرى مالك بطول السالفه

قولي لهم ياعزوتي ماعابنا موت النخيل
اللي يوافيها الأجل وتموت لكن واقفه

اخر عباراتي وداع اخر مشاويري رحيل
جيتك وكبدي ناشفه واقفيت كبدي ناشفه

قصيدة عشقك سوالف مطر جاب الوسم طاريه - مساعد الرشيدي


عذروب وصلك جمر وهذا الذي محليه
يابهجة النفس باقفاها وباقفالها


وليل ضوى بك عذى ياعلني ما ابكيه
يازين شمسك ويا محلا تختالها


سبقت قبل الفجر ما يمديه
يلحق سنا مفرق الحجة ويبرالها


هذا الضحى جاز لي وهذا المسا بأسريه
ويحلها يا وزين الروح حلالها


عشقك سوالف مطر جاب الوسم طاريه
لا جابتك ليلة الفرقا على بالها


تبغى ندلك ندل تبغى نتيه نتيه
الناس ماشي غير رضاك يحلا لها


ما دمت ناعس هدب تسهر عيونك ليه
خل السهر لي وأهدابك على فالها


ما دمت باشا على عرش الغرام وبيه
الناس للناس والجدران لظلالها

عذب السجايا وعوده بأول الكنه*متى تزين السوالف واخذ علومه


واسامحه عن خطاه الجرح والونه* واعاتبه لو يصد شوي والومه


واذكره باول المسفار حتى إنه*لا من تذكر زمان اول نسى نومه


يوم إنه اقبل خدين الروح يومنه*واقبلت اراعيه والقومه هي القومه


من يومها والحشا ما عاد له خنه*إلا لصوته وميعاده وملزومه


عفري هنف للضلوع وجا لهن حنه*واستانست له فياض القلب ورجومه


لبى جبينه لا ارتج الغطا كنه*برق يصب الرفيف بكبد ديمومه


ما اقول شفته وشفت البيض يتلنه*اقول شفته وشفت الشمس منجومه


ما اقول كن الجديل الليل لاكنه*ليل خرعه الظلام وضيع نجومه


يا قبلة الله هكا العنقود لامنه*قام يتهجا شذا عطره ويشمومه


فيه انتهى النور لا والله بدا منه*فجر نعس بالوريد ونام بهدومه


ورد تفرعن حماره قلت اباكنه*الى متى والحنايا منه مفطومه


فز وتطرق رطيبه قلت ما عنه*بالم شيحه وريحانه وقيصومه


صد وتلعثم هديله في برد سنه*يا قوم ذا النور يوم انكت يا قومه


الله عطانيه والله يعطي الجنه*واليا استجد الهوى كل ومقسومه

قصيدة سمها ذكرى مزوح اللي تسمي - مساعد الرشيدي


سمها ذكرى مزوح اللي تسمي
انت ابو خضر الطعون وسمها

انت ياشيخ البها سيدي وعمي
تنثر ايامي عبث وتلمها

انت همي ول يامحلاك همي
مع ياملح السنين وهمها

قبل اقول لسود الحلوين سمي
من غلا سودك غرقت ف يمها

ان ندهتك تنبت نواويرك بفمي
المحك شمس نهاري يمها

جيت لك من جمر الشوق متحمي
كل ماتبرد طعوني ضمها

جيت لك واقصى معاليقي تومي
هم يخطيها وهم يخمتها

ان ضميت اشرب سواليفك بدمي
وان تثاقلت الدروب ازمتها

وان خذتك مني عين ماتسمي
العن الدنيا وابوها وامها

قصيدة البحرين - مساعد الرشيدي


--------------------------------------------------------------------------------


الشاعر مساعد الرشيدي امسية البحرين


حصريا وقبل الكل

قصيدة للزعيم مساعد الرشيدي القاها البارح باحتفالات مملكة البحرين وكان ممثل السعوديه بالامسية الخليجية







ماعاد رجلي لامسيات الشعر عشاقة طريق



لو كان ماعفت القصيد ولاتعبت من السفر



لكنها البحرين والبحرين غواية عشيق



والله مالي دونها صده ولامنها عذر



والليله نجوم السعد تملا سما الدار وتويق



والشعر بعيون (المنامه) مايبلله السهر



سلام يادار الخليفه عد لماع البريق



واعداد ماضمك على صدره من الشيمه بحر



واعداد مازعلتي عدو واعداد مافرحتي صديق



واعداد ماتشرق عليك الشمس ويضوي قمر



لبيه يادرة خليج العرب يالساس العريق



لولاك مالبست لك امواجه دشاديش وغتر



لبا شموخك يارفاع العز ياعز الرفيق



في ظل ابو سلمان دمتي في سلام وفي فخر



يزهى على عرشك ملك تاج على راسك يليق



علق على صدرك من امجاده نياشين ودرر



والخير بترابك نهر والشر في بحرك غريق



ومنين ماتنده لك العليا يجي دربك خضر



يادار يجذبني على لاماك مكنون عميق



وعليك يكفخ بين جنحاني من الفزعه صقر



لعيون مرجانك ومحارك وخاتمك العقيق



جينا ولامنا ولاعنا ليا جينا مفر



ان كانها بالفعل نادينا وصدرك لايضيق



وان كانها بالشعر سيلنا مداهيلك شعر



عهد (سعودي) (اماراتي) (كويتي) وثيق



ماله مثيل الا عهودك من (عمان) ومن (قطر)



مانتي لحالك (والعواصم ست) لاشب الحريق



ولانتي عشا للي يبي يصطاد بالماي العكر



ماعند غربان المجوس الا الدسايس والنعيق



بانت غباينها بعد (درع الجزيره) ماظهر



والطامع اللي مايبي من تيهة احلامه يفيق



قولي له البحرين خط احمر ومطلوبك عسر



لاشتت الله شمل خلانك عسى فالك وفيق



صلي على محمد وكوني مع علي ومع عمر



الله يسود وجه من يزعلك يالوجه الطليق



كادن يطولنك يدين الغدر مير الله ستر