ديوان الشاعر الامير ( خالد الفيصل)

قصيدة إذكريني و استعيديني شعر - خالد الفيصل


كل ما عنق نظر عينك قمر
او لثم خدك شعاع من غروب

او نسيم هفهف بشعرك سحر
او تغنى بالهوى صوت طروب

او تبلل كفك بقطر المطر
او تبسم بالسما نجم الجنوب

او ضحك ورد على عود خضر
او نقل لك نفحة خزامى هبوب

او تهادى موج في شط البحر
ينشد الراحه بعد يوم تعوب


او خيال من قديم امسك حضر
يستفز القلب بالصوت التعوب


او تجاسر فكر في ليلة حذر
يسترد الحلم من درب الهروب


إذكريني و استعيديني شعر
صادق المعنى ولو وقته كذوب

صيدة تحية الأردن – خالد الفيصل


أرسلت نجد الصبا..وأرسلت مكه سلام
والنخيل من الحسا والسحابة من عسير


وكل حرف بالقصيد وكل معنى بالكلام
فيه للأردن هوى وصادق الحب الكبير


جتني الدعوه وجيت للمناعير الكرام
وكل رجل في هوى راعي الرغبة تسير


بيني و بين الشعر الصدقه والخصام
يوم هو عندي أمير ويوم أنا عنده أمير


احكموا ياأهل الفكر يارفيعين المقام
من هو اليوم الأمير ومن هو اليوم الوزير

قصيدة ليالي نجد - خالد الفيصل


ليالي نجد
ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهم تالي

قصيدة ناديت - خالد الفيصل


ناديت والليل جاوبني وبكاني
محد(ن) سمعني سوى ليل(ن) نزع دمعي

ما غير ليلي من الأحباب واساني
يا ويل من همله ربعه مثل ربعي

طالت مسافاتي وتاهت بي أزماني
وعلمني الوقت كيف أقسى على طبعي

ومن طاول الوقت لو هو قاسي(ن) لاني
ومن يرفض العشر يقبل عقبها سبعي

كم عاقل(ن) صار بأمر الحب هيماني
وكم قلب عذره ترك فيه الهوى صدع

يا عازف بالهوى منغومة ألحاني
رد المواجع نغم في قلبي وسمعي

غن الغزل ينتعش خفاق ولهاني
وأشرب زلال الهوى من كاسي ونبعي

ومادام أنا حي كل الحب ميداني
وان مت يا حادي الأشواق لك بدعي

قصيدة من يقول الليل – خالد الفيصل


من يقول الليل للعاشق ضرير
الهوى في كل وقت له نظر

شوفة العاشق عن الباقين غير
له نظر بالعين و لقلبه بصر

ساهر بالليل فارقت السرير
و البحر رفيقي بليل و سهر

موجته تسري و انا فكري يحير
ليت لي يافيصل بسره خبر

تلعب الموجه وللغبه هدير
والقمر من فضته رش البحر

من غزير القاع للشطر القصير
قامت من النوم في لحظة عمر


كنها عندا تثنى في حرير
أسرعت يم الحبيبي المنتظر


عشقها ترقص على نسمت عبير
ترتفع ثم تنهصر ثم تنحدر


ساقها شوق على الهاشق خطير
شوق من يهوى مواعيد الخطر


خلفها خواتها صفوف تسير
هايمات مايعرفون الحذر


زفها في محمل الزار الكبير
كل مسحور بشيطانه حضر

تلتوى في ثوب أبيض ثم تطير
في حضن شط تحبه.. تنتحر

قصيدة حداني وقتي - خالد الفيصل


حدني وقتي على شي جديدي

السهر ماهوب من عادة عيوني

أبعدوني عن هوى بالي وسيدي

ومنعوا عني خطوطه ياصلوني

شطروني عنه في دار بعيدي

حسبي الله كانهم منه قطعوني

صارت الفرقا لنا علم وكيدي

ليتهم راحوا وانا عنده نسوني

عاقني عن صاحبي سور حديدي

دونه البحور حراس ودوني

الرجا بك يابو خالد يا عضيدي

لا تخليني تراهم عذبوني