ديوان شاعرة الحلم مها الرياض

ياناس خلوني مع الأفكار . . ياناس خلوني مع الأفكار بعيش مع لذة افكاري اشوف خلي دايم محتار مايدري انه مشعل ناري احبه واهيم به واغار ولعيونه بحت باسراري قمت اتوجد بهالاشعار والمشكلة هو مو داري لاشفت زوله قلبي طار وده يروح له ساري القلب ماهو ابد يختار الحب يجيك اجباري اشوف عالم وناس كثار ماجاب قلبي لهم طاري جبار في عشقته جبار مايبغي الا اللي لهم شاري ياليتني وياه دوم صغار ونلعب مع بعض اتاري ولا نتخبى ورا الأشجار في الساحة اللي ورا داري مااحد يقول عيب و عار أطفال في لعبنا نماري الان ياصاحبي وش صار معاد توصلك اخباري كبرت وصارت بيننا اسوار حنا بدو لو مستوانا حضاري تدرون كل هالحكي ماصار تأليف ..... بنات افكاري

حبيبي طول سكاته . . انا مدري وش اللي صار حبيبي طول سكاته يروح اليوم ماشفته ابد ماهيب عاداته ياخوفي يكون ناسيني وانا هالليل مااباته يبعثرني اذا اقبل ويسحرني بنظراته حبيبي مو هذاك الزين ولكن واثق ف ذاته صفاته كلها زينة والثقل اهم ميزاته ولكن حير قليبي معاد اشوف طلاته يكون انه عشق غيري ياويلي كانها سواته انا وشلون اتأكد وانا اخجل من مناجاته ترا خوف المها عادة يبين في كثر فزاته

انا حبي ياخلي غير . . احبك من طرف واحد ولا احس اني ابد غلطان كفاية اشعر بفرحة اذا شفتك كثير فرحان عطيتك كل اشواقي وحبيتك من اعماقي وملكت شعوري واحساسي وكل هذا وانت مو دريان لان حبي لك سامي مابي من وراه اثمان ابيك تكون متهني مع أي كائن من كان وانا مالك شغل فيني بحبك بكل مافيني وماراح ابداً ابين لك لاني بحبي مااتسول انا حبي ياخلي غير ابد مايقبل التغيير محبة نابعة من الجوف مهي من اليوم ولا امس غلاك اصعب من الأول ويزود كل ماطول ااذا شفتك انا مااقدر اخبي الفرحة واخفيها ويضحك قلبي وعيوني ويغيض اللي يحسدوني انا ماهمني غيرك يابعد اللي يريدوني

محاورة بيني وبين الليل هذي محاورة بيني وبين الليل لاني قاعدة انا وياه بروحنا والعالم كلهم نايمين قلت اسولف انا وياه وماقصر سولف علي وخفف عني الوحدة قلت ياليل ماشفت محبوبي من يوم شرفت ماجاني قال يابنت عن حبهم توبي من يطرد المقفين غلطاني قلت أقول خله يجي صوبي قلبي من البعد شفقاني قال محبوبك مايجي دروبي من العشا وهو نعساني قلت طيب ابي منك مطلوبي اطلع بسرعة على شاني قال الوقت يمشي بدالوبي تحديد من رب الاكواني قلت وشفيك حاط دوبك ودوبي وانا خويتك من ازماني قال من خوتك صرت منكوبي كيف القمر طول الشهر باني قلت القلب ياليل مسلوبي خذاه خلي وعناني قال قلبك على الخل مرعوبي وقلبه مع واحد ثاني قلت وشفيك ياليل هالنوبه كلامك لخبط كياني اليوم اخبارك مضروبه حبيبي جدا يهواني حبيبي مايبغى غيري ولو طال بعده مانساني حبيبي مايحتاج يوضح واضح حبه للاعياني قال اعذريني يا رعبوبة ظلام وماتشوف اعياني قلت بعديها لك هالمرة وان شفته تعرف عنواني

محاورة بيني وبين قلبي . . أقول ياقلبي اركد لاتجي ملقوف واصبر مهما صبرك طال في حبه دايم ملهوف ويمكن بعد ماهوب لك ميال قال قلبي يامها ودي اشق الجوف لاشفت خل غيابه طال قلت ياقلبي ادري يصيبك خوف تخاف تفقد سيد العقال قال غصب علي يالابس النفنوف لاشفته اقبل صابني هبال قلت ياقلبي خلك بعيد الشوف خلك حذر لاتشمت العذال قال يام العيون السود هذا اللووف من صاب قلبه جاه خبال قلت خلاص ياقلبي بحطك اوف واريح اعصابي من قيل وقال قال الحب ماهوب ازرار وحروف ديليت يحذف لك عذابٍ طال قلت انا اشهد انك صادق مير بيه روف وان شفت خلك غن له موال لكن طلبتك سو في معروف من صد عايف لاتجيبه على البال

يضايقك لو مرة مريت وسألت وش اللي بعدي مضايقك ليه اشوفك منت رايق ليه احسك متضايق هو صحيح احساسي قلي ولا حبي لك خدعني وانت أصلا حيل رايق ولا فكرت في عذابي مو مهم ابدا حبيبي المهم انك سعيد لو اشوفك من بعيد المهم تكون رايق هذا هو اللي ابيه ياحياتي لا فقدتك قمت اصيح باعلى صوتي ويلي اذا صابه شي رغم مالي بك نصيب بس ابيك دايم قريب ااااه ليش دايم هناك وماخذ قلبي معاك ولو تبي روحي فداك قل وريحني بربك يعني ماتدري بحبك ماتحس بقلبي قربك يتبعك بدون صوت خايف اللحظة تفوت وحطم قيود السكوت وجاك يسأل لو حبيتك اكثر من كذا يضايقك او جيت اطمن خاطري واسأل وش اللي مضايقك

قلبي غبي قصيدة استهبالية . . قلبي غبي مدري خبل مدري مهبول بس الوكاد انه.... جنني معه ان شافهم طار لو ماله قبول ودقاته مثل الطبل كل يسمعه مسكين ومعذب وشايل له حمول ضيق على نفسه والدنيا سعة وش معنى تحب اللي ماتطول وتمشي وراه وفي كل سكة تتبعه وياليته عاد يدري وش تقول عايش حياته واحبابه معه يكلمك بس من باب الفضول وان غبت لو شوي اسمك ضيعه يعني ترفق لاتصبح عجول ثم تزعج صاحبك ولا تروعه ياقلبي المسكين اسمع وش أقول كم قلت لك من قبل من باعك بعه عصب وقال يالظبي الجفول افز له فزة غلا ماهيب فزة منفعه مهما قسى ولا لو غيابه يطول ابعذره وأقول نسى ولا ظروفه تمنعه خلاني من فعله في حالة ذهول واحترت مدري اتركه او امشي معه ان عشت حلمي صدق ياكثر العذول وان عشت في الاحلام جدا موجعة ياعاشقي ان كان مالك لي ميول فالقلب عندك تكفى..... رجعه الموت اهون من افا لبنت الأصول الحب بس بقلبها اما الغلط ماتبلعه عن الردا صكيت بيبان الدخول اللي يقول معقدة واطيبهم قال مدلعة من صد عن حب المها في ذمتي انه مهبول ودوه للشيخ يقرا عليه ولا لمعيض يجلده