ابو متعب بدوي عنده حلال في البر
ورحنا انا وسامي اخوي مع ابوي عند ابو متعب وذبح ذبحيه لنا
ابو متعب عنده عنزه مسميها مطيعه
يحبها اكثر من ولده متعب
واذا جاء من البيت يجيب لها خبز وقشر فول
والظاهر ان العنز وابو متعب يعشقون بعض 
السالفه طويله ابي اختصرها لكم
انا وسامي تركناهم يسلخون في الذبيحه وقلت لسامي
قوم معاي نروح عند غنم ابو متعب في الجبل
مقطوعة النصيب مطيعه تسلقت شجرة عتم ( زيتون )
ونشبت قرونها بين الاغصان في نص الشجره
وقبل مانصل سمعناها تصيح مثل صياح الانسان
ورحت وتسلقت معها في الشجره ومسكتها بذنبها
وتعلقت معها اسحب فيها
وانسلخ الجلد في يدي وسقطت على ظهري اسفل الشجره
وانحشنا ويوم سالنا ابو متعب عن الي سلخ ذيل مطيعه
جحدنا انا وسامي وحلفت له برب الناس ورب الكعبه ماشفتها
ولا وصلتها , لكن ابو متعب ذكي فتش في يديني ولقا شعر مطيعه
مطبوع في يدي 
وقلت هذا البيت لسامي اخوي بعد الحادثه
الــيــوم يـاســامــي غـديــنــا مـــــع الــريـــح
............................... ومــاعــاد تنـجـيـنـا الـقـصــور الـمـنـيـعـه
سمعت عنز العود فالعتمه تصيـح
............................... وســويـــت مـنــكــر مـــــاورد فـالـشـريـعـه
بغيـتـهـا تـنــزل مــــن الـغـصــن واطــيــح
............................... لكــن انــا الـي طحـــت طيحـــه شـنيـعـه
في كل يوم القا من الناس تجريح
............................... والـيـانـسـيــت الهــــم جــتــنـي مـطــيــعــه
ان شفـت ابــو متـعـب معـه سـيــف وينيــح
........................... اطـــــلقـت رجلـــــــي للخـــــبـوت الــوســيـعـــه
