الناس واجد .. والمشاعر قليله

قالت .. رجعت لمكانك
قلت ..وين أروح ..
قالت .. تغيير
فَـــ قلت ....
.
.
.

وين أروح @
مابقالي شي يستاهل مَرَاح
لا أماكن ..لابشر ..
و ـ المسأله
بـ الإرتياح
و ـ وين تجذبني الرياح ..
و ـ خطوتي صعبه
مَـ توديني ..
و ـ نظرتي غربه
تـ جرح بعيني ..
مَـ أستراح
قلب أو خاطر
و ـ البُعد شاطر
و ـ أستباح ..
كل ما فيني
في غروبي والصباح
التفت ويني ..
و ـ من بـ يطلقني سراح
من تفاكيري ..
والجِراح
اللي تخاويني ..
والكفاح
أتعب سنيني ..
و ـ مـ إستراح
.
.
.
نظر

يسعد صباحك البرنسيسه ..
منوره

(فـاقد الشيئ .. مايعطيه)
حكمـه .. ومرّْت علـى بالي

ياهيـه .. ياهيـه .. ياهيييه
الغــرور .. أعمـاك مـن تالي

أنا أنصحك والنصُح نشريه
بـحـق الجنيهـات .. وريالي

لاتحسبك في وقـوت التيه
الزمـــــن .. تغيّـــر .. وزالي

اليوم .. مـا هو مثل ماضيه
كلّـن .. علـــى حقـــه يلالي

مثلك .. يبـي منْنـا التوجيه
ويعلّْــم .. أبعــض الاحوالي

وإلا ... تـــرا الدنيــا ..تربّْيه
شخصاً علـى الناس يختالي
.
.
نظر

أول النظــرات تعطـيــك الحقيقه
وأول الأفكــار تعطيــك الصحيح

حكمتـي فـي هالحيـاه بهالطريقه
أحكـم بأحساس مـا أسْمع نصيح

التجـارب بـاللقاء أعطتنـي وثيقه
وفوقها نظــرة أعيـوني مـاتطيح

اكتشـافــات النظــر دايــم دقيقه
واكتشــافات الفِكـِــر رأي ٍ رجيح

والتنبؤ ماكل البشر تعرف طريقه
ميـزة ٍ بـ الــروح لاقــامت تسيـح

وكـل إنسـان ٍ على وجـه الخليـقه
حــط بـه ربـه ولـو شيـئ ٍ مليــح

وأنا مـن هـالناس لـي روح ٍ أنيقه
واحرص أني في حياتي أستريح
.
.
نظر

تقبل الله منا ومنكم صالح الاعمال
وكل عام وانتم بخير
وعيدكم مبارك
.
.
.
لـو كنـت متـأخـر بعيـدي عليكم
تبقـى الأمـاني أنكـم دايـم بخير

كل عـام في هـالمنتدى نلتقيكم
وأنتـم كمــا أنتـم أخـوّه وتقدير

وينعـاد وحنـا مـا فقـدنا حديكم
وافراحكـم تبقى اسنين ٍ مداوير

آآمـد أزهـــار الفــرح الـ يديـكم
وأنثـر عليها مـن رذاذ الأعـاطير

وأقـول من قلبـي أبيكم .. أبيكم
وأحبكـم ياللـي لكــم بالغــلا غير

ومبـارك ٍ عيــد الفطـــر ويـهنيكم
لو كـان هـذا العيـد مـابه مسايير

ويـارب فرحـة عيـدكم تحتويكم
وبـ بيـوتكـم ضي الفرح له تعابير

وبأسمى' التهاني والتباريك ليكم
ودعـوات ان الله يـزف التبـاشير

ينـزاح عنـكم هالبـلأ ومـا يجيكم
وتمشـون في دنيـا أمان وتياسير

ومن بعد صبر ٍ راح ربي يغشيكم
براحـه وإطمئنان فـوق التصاوير
.
.
.
نظر