❀: ~ مدونتي تصور لي حياتي ❤ ..

أنا معك دايم على العسر واللين
وقلبي صفالك بالحزن والسعادة


ياصاحبي وأهديك روحي قل آمين
يالله وفق مـن ملكني وداده


يفداك قلبٍ غربلوه المزايين
إسأل طبيب الحب عنده شهادة


ملكتني واسعدتني يا اريش العين
والقلب جالك طـوع سلم قياده


يفداك قلبٍ زاد في حزنه الحين
هزنه أحزانك وزادت سواده


والله ثم والله رب الملايين
قلبي ياروح الروح حزنه أباده


حزنك فشى والدمع بالخـد يازين
تاه الفكر والراي طفا زناده


ياصاحبي أرجاك حزنك خذآ أثنين
زاد الشقا بالقلب زاد بزياده


سبحان من سواك ياكامل الزين
الله عطاك الحسن سكر زياده


ياكامل الأوصاف ياناعس العين
عجيب حسنك والوفا دوم عاده


أرجوك طمن قلبي ألحين ألحين
أنا اسألك بالله عطني إفاده


متى ياصاح ترد وتوفّـي الدين
ونطفي لهيب الشوق وكيد الحساده

ابطيت عنك


أبطيت عنك خذاني الحزن ماودي
شف دمعتي يازين شف حالي


عايش مع الهم والأيام ماتعدي
دنيا غريبة تزيد الحال غربالي


ياونتي ونة صويب القلب منهدي
معه العنا دوم ماخلاه في حالي


صدمة وصدمة وصار الحال مشتدي
يالله طلبتك تعين القلب ياوالي


يالله على بابك انا جيت لاتردي
ورفعت كفي وهل والدمع همالي


جيتك ذليل خاشع بيحت انا سدي
انوح وابكي وزاد القلب بالصالي


ذنبي عظيم وضيقتي واصل حدي
اجر الحان الحزن واصيح ولوالي


يارب عفوك ولطفك همي مودي
صدر وورد وزاد الخوف في بالي

نادم على اللي راح ياربي


نادم على اللي راح ياربي
همي وذنبي دوم يلعب بي
مالي سوى ملجاك ألطف بي
رحماك يارحمن غفرانك


دمعي على الخدين همالي
لامن ذكرت ذنوب وافعالي
ياويل حالي من ردى حالي
ياغافر الزلات سبحانك


سارت بي الرجلين ماوقفت
طاوعت شيطاني ولافكرت
أبعدت عن ربي ولاقربت
يارب تشملني بإحسانك


ضاق الفكر والبال مشقيني
مهموم قلبي دوم طاويني
دايم ذنوبي دوم تدعيني
يارب تغفر لي برضوانك

يالله ياللي كل حي دعاك
يارب ياحلال كل أمر عسير




يالله يالمعبود ترحم من رجاك
تستر عيوبه وكل أمر خطير




يالله ياوالي فوق عالي سماك
يالمعتلي مافوقك أحد كبير




تغفر لعبدك لايذ بك وجاك
مذنب وحاله حالة المستجير




شيطان نفسه أورده للهلاك
تمشي وراه لكل درب عسير




يارب جيتك طامع في رضاك
مهموم حالي مثل حال الكسير




ياسيدي ياخالقي مالي سواك
يارب يارحمن يالعالي القدير




عفوك ولطفك لاتسلمني عداك
ضعيف حالي مثل طفل صغير

تعال نتسامح ترا قرب العيد
وحنا حبايب ودوم نبقى حبايب

ياللي غلاك اغلا من الحب ويزيد
والقلب من غيرك عن الحب تايب

شكرا لمن مر على مدونتي المتواضعة

في القلـب قصـرن للغـلا وأنـت بانـيه
...................حــراســه أشواقـــي وطيــبـة ظنونــي
أظـن بـك ظن الوفــا وأنـت راعــيـه
..ياللي طيوفك في الغياب إسكنوني
أنـا بـدونك باقـــي العمـــر مـا ابيـــه
...هل تستطــيع تعيش عمرك بدوني ؟