ديوان شاعرة الحلم مها الرياض

كل ماطروا وليفي فز قلبي
والبلا اسمه مع العربان واجد
كل لحظة اسمع اسمه ينتنادى
يكفخ الخفاق واحسبه متواجد
واتلفت يمكن انه صدق حولي
ويتجدد شوق قلبٍ كان هاجد
لكن اللي شفت بزر شايل اسمه
يحفظه ربي عدد من كان ساجد
وقمت اطالع فالبزر بشوق ومحبه
شافع له اسم ...اللي غلاه ... زايد
في وصاله ينجلي همي وغمي
وان تناقص قامت همومي تراجد
لو قلبك حس باللي وسط قلبي
ان تحاول في الفرص الين تاجد
ولا تضايق كان قل الوصل مني
الظباء تجفل وذي فيها عوايد
لكن ان الحب ينمو وسط قلبي
وفي عيوني شف لك ارباح وفوائد
ياحبيب القلب شوفك ريف قلبي
وفي غيابك ياحبيبي مت .. واجد
بقلمي

انا احبك من الاول والان احبك زود
لانك تفهم احساسي واكون بجد مسرورة
احبك كثر ولا اقول يووووه ماله حدود
احبك كثر ماغنت على الاغصان عصفورة

واحبك كثر حب السعودي ل ال سعود
وكثر ماقد لعب بالسيف سلمان اخو نورة
واحبك كثر ماصفوا عالحدود جنود
وكثر مايفرح الشاعر بتصفيق جمهوره

واحبك كثر مايصرخ في الزمن مولود
واحبك كثر مايلحق ذاك اللاعب الكورة
واحبك كثر ماانت في شعري المقصود
وكثر ماانت في قلبي وداخل شعوره

واحبك كثر ماقلت لك لبيه وانت مو موجود
واحبك كثر مافي الكون ناس مشهوره
احبك كثر مافي الرجال صفات اسود
وكثر مافي هالعالم ناس حيل مطيورة

احبك كثر مافي بلاد الهند من هنود
وكثر مافي هالدنيا بلاد حيل معموره
اذا هذا ماهو كافي لعيونك اجي وازود
ولو بشرح كثر حبي قالوا الناس معذوره

حبك ذبحني ياهالمزيون
جمالك ياشيخ هبل بي
خليتني كما المجنون
اصيح واقول ياغلبي

ياويل حالي عليك عيون
نظراتك اشغلت قلبي
لاشفتها بيحت انا المكنون
وكل المشاعر لك تلبي

بالهون ياصاحبي بالهون
شوفك هو علاجي وطبي
يابعد من راحوا ومن ياتون
لاغبت ضاق الفضا الرحبي

قمت اسرح والعرب يحكون
ومااسمع كلام الذي جنبي
الحب مايعرف القانون
الحب ياشيخ شيب بي

لخبط كلامي وهو موزون
ساعات ابوح... و اخبي
واصبحت في حبكم مسجون
وهالسجن عاجبني... وربي

وارجع على صورة المزيون
واقول انا فداك.... ياحبي

صدقت والله
يالبدر
ان الهوى ماله
عذر
مهما احاول
ابتعد
يردني احساس
عنيد
ويرفض الوضع
الجديد
ويجبرني اني
اعتذر
سوا اخطيت
او مااخطيت
حاجة كذا مثل
السحر
تامر على قلبي
امر
ماابتعد
ابسألك ليه
ابتسم
اذا لمحت اسمك
هناك
او مرني طيفك
هنا
او عشت وسط
الذكريات
ليه ابتسم
حتى باحلام
الخيال
وبعد باحلامي
يقال
شفناك وانت
تبتسم
يعني السعادة
شوفتك
لاتلوني لو
اعتذر
انا احبك
اكيد
وابيك ياقلبي
سعيد
حتى ولو ماني
معاك
ببقى احبك
من بعيد
ياساكن وسط
الوريد
لو مااشوفك
واسمعك
ابنثر دموعي
قصيد
للمستفيد
انا فقط
ابي ابتسم
لو في الحلم
وان زاد في
قلبي
غلاك
صدقني ماراح
اعتذر
لان الهوى ماله
عذر
صدقت والله
يالبدر

كلمات شاعرة الحلم
مها الرياض

لبيه يالي تقول اسمي
واقول من قلب لك لبيه
لبيه ان قلت وان ماقلت
لبيه حتى لو ماناديت
لبيه تجيك تلقائي
بدون شعور لامريت
لبيه لك راضي
لبيه لك زعلان
لبيه في اقبالك
لبيه حتى لو صديت
لبيه كل ما لمحت اسمك
لبيه ومية لبيه
لبيه هي ترجمة شوقي
لبيه عندي ترا احبك
لبيه يعني ترا حنيت
لبيه اقولها بقلبي
وانطقها اذا فزيت
مجرد مااشوفك طيفك
افز واقول لك لبيه
خيالك دايم قبالي
وحكيك دوم يحلى لي
سولف ياحبيب الروح
واشفي قلبي المجرح
حتى لو تقول اهلين
باارد واقول لك لبيه
لبيه لبيه يالغالي
اذا ريت او مارديت

حبيب الروح يالغالي
خيالك دايم قبالي
اقول له اللي فبالي
واسمعه الشعر باوزان

يكلمني وافضفض له
ويقول انتِ الغلا كله
وانتِ التوت في حله
وانتِ حلوة الاعيان

اقول شفيك يالمملوح
تغيب وتبتعد وتروح
وانت شوفك يرد الروح
وانا لك عاشق ولهان

يجيني طيفك ان اشتقت
ويراضيني اذا اني ضقت
ويمسح دمعتي في صمت
ويغني لي اعذب الالحان

كلامك ياحبيب القلب
يعيشني خيال الحب
كاني في جبال الالب
مثل لينا مع عدنان

نهيت القلب عن ودك
وقال يامها من جدك
رجاءً الزمي حدك
تراني في هواه غرقان

احبه حب ماله حدود
واحسه دايم موجود
وطيبه مثل دهن العود
وهذي عادة الخلان

.

بسم الله الرحمن الرحيم
بمناسبة عيد همسات الغلا السابع
اهدي اميرنا النازف
ومنتدانا الغالي
هذه القصيدة

سلام الله على كل الحضور
في همسات الغلا والزايرين
جيت ابارك وانا كلي سرور
لشيخنا النازف امير الطيبين
ياهمسات الغلا زاد النور نور
بعيدك السابع وعقبال كل السنين
اشهد انك وصفةٍ لضيق الصدور
اذكروها ياعرب لكل المتضايقين
اكسبوا فيهم جمالة وحسنات واجور
اضمن ان من دخلها مايطلع حزين
كل اعضاء الغلا غزلان وصقور
طيبهم واضح في البنات وفي البنين
نفتخر في همسات ويحق لنا الغرور
المستوى راقي والاسد وسط العرين
امير وسياسي والطبع هادي مايثور
ويترفق في القرار الين الخافي يبين
دايم وهو يسعى لاصلاح الامور
لين صرنا كلنا له انصار ومؤيدين
سبع سنوات وعجلة التطور تدور
حتى صار المنتدى يسر الناظرين
فيه عالم و شاعر ومصمم ودكتور
وفيه نخبة وفيه صفوة وادباءٍ راقيين
وفيه ادارة مايجي منهم ....قصور
وافيين ومخلصين ودايمٍ متواجدين
ياهمسات الغلا فيك لايمكن نبور
لو بعدنا شوي تلقينا لك راجعين
انتواجد بك ليس من اجل الظهور
بل من اجل ان نعيش فأنتِ اوكسجين
من لفانا يبشر بياهلا وانواع البخور
كنه داخل قصر احد .. السلاطين
نرحب بالزوار ونمد الجسور
نبغى نوصل في عددنا ملايين
والله يحفظنا من كل الشرور
ويحمي منتدانا من كل الحاقدين
وصلاة ربي عد تغريد الطيور
على الرسول محمد خير المرسلين
كلمات شاعرة الحلم مها الرياض